Salmos 95
95
Avujatsse Na'sunga settapoen'cho
6¡Ji'faja! Jinge puntssamba ccaru dyaipa iñajan'faye.
Jinge tisenga ccaru dyaipa
Na'su ingima agattoen'suma ñotsse afa'faye.
7Na'suja ñoa'me ingi Chiga; ingija tise aindeccu.
Nane ingija tise oveja'can'fasi tise ingima coira'je.
Ja'ño tsu tisema pañaña'cho tise qquen susi:
8“Tayopisundeccuja Meribani injama'choi'ccu se'pipa
toya'caen tsequi a'tayi Masah a'i menia'qque pañañe se'pi'fa.
Tsa'ma que'i injama'choi'ccu tsendeqquia'caen
se'pi'fajama ñama ñoa'me pañañe.
9Nane que'i tayopi'su coenzandeccuja
ña ñotsse tson'choma atte'ma ñama noñangian'fa.
10Tsa'cansi cuarenta canqque'fave gi
tsendeccuma iyicca'yepa qquen su:
‘¡Va aindeccuja ña manda'choma pañambipa
tise'pa in'janqquia'caen injanga canse'fa!’
11Tsa'cansi gi iyicca'yepa qquen tansintsse su:
‘Tsendeccuja ñai'ccu ca'ni'faya'bi tsu
tsangae opatsse canseye.’ ”
Currently Selected:
Salmos 95: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
