Malaquías 3
3
Injama'choma somboeña'cho a'ta
1Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”
2Tsa'caen tise jisi ¿majan tsu tisema se'piya? Tise attiansi ¿majan tsu tisenga ccutsuye oshaya? Nane si'ngei'ccu corima tssutssiamba giyaenqquia'caen tsu ingima giyaeñe jiya. Javoin'ccu sarupama mappanqquia'caen tsu ingi egae tsincon'choma ccuchaye jiya. 3Toya'caen corima giyaen'su dyaipa cori, totoacorima si'ngei'ccu giyaenqquia'caen tsu Na'suja Chigama afasundeccuma, tsa Leví dutssiyendeccuma giyaeña. Tsa'caen giyaensi tsu ñotssia injama'choi'ccu tise'pa afe'choma Na'sunga afeye osha'faya. 4Nane tsa'caen afe'fasi tsu Na'suja ccase Judá toya'caen Jerusalén afe'choma isupa avujatssiya tayopisundeccu'ye afe'choma afesi avujatssiqquia'caen.
5Na'su Osha'choma Oshacho'cho Chigaja su: “Jiya gi que'i injama'choma somboeñe. Nane coragandeccu, faesumbe tsa'ndu faesumbe pushei'ccu can'jendeccu, toya'caen ñoa'metsse su'cho qquen supa afopoensundeccu egae tsincon'choma canjaeña. Sema'sunga ñotsse afepoembi'choa nasundeccu, tsandupajen'choma vanaesundeccu, yayame'choama vanaesundeccu egae tsincon'choma'qque gi canjaeña. Toya'caen que'i'ccu canjen'su faesu ande'suma noñangiansundeccu egae tsincon'choma'qque gi canjaeña. Nane poiyi'cco tsendeccu tsu ñama dyoe'sui'ccu in'jan'fambi.
Chiganga afe'cho
6“Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma. 7Nane que'i tayopisundeccu'ye ña manda'choma pañambipa catiqquia'caen qui que'i'qque ña manda'choma pañambipa cati'fa. Tsa'cansi ña Na'su Osha'choma Oshacho'cho gi que'ima su: Ñani toequi ji'fasi gi ccase que'inga jiya. Tsa'ma que'ija su'fa: ‘¿Ma'caen gi toequi quenga ji'faya?’ 8Tsa'caen su'fasi gi su: ¿A'ita ti Chigama afopoemba cca'nañe osha? Nane que'ija mapán mi'nge'e ñama afopoemba cca'na'an'qque toya qui ñama iñajan'fa: ‘¿Mingae gi quema afopoemba cca'na'fa?’ qquen qui su'fa. Nane que'i ñanga afe'cho, chongayi'cho'cco enttingeve afe'choi'ccu qui ñama afopoemba cca'na'fa. 9Ju, que'i poiyi'cco ñama afopoemba cca'na'fasi gi que'ima egae tson'jen. Ña, Na'su Osha'choma Oshacho'cho que'inga conda. 10Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya. 11Antteya'bi gi osha'cho ega paqque'su que'i tai'je'cho ni que'i o'fa tsajaccuma dañoñe. 12Nane que'i ande ñotssisi, que'i aindeccu avujatssisi tsu poi ande'su aindeccuja ‘Chigaja que'ima in'jamba ñotsse tson’ qquen su'faya. Ña, Na'su Osha'choma Oshacho'cho gi tsa'caen conda.”
Currently Selected:
Malaquías 3: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
Malaquías 3
3
Injama'choma somboeña'cho a'ta
1Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”
2Tsa'caen tise jisi ¿majan tsu tisema se'piya? Tise attiansi ¿majan tsu tisenga ccutsuye oshaya? Nane si'ngei'ccu corima tssutssiamba giyaenqquia'caen tsu ingima giyaeñe jiya. Javoin'ccu sarupama mappanqquia'caen tsu ingi egae tsincon'choma ccuchaye jiya. 3Toya'caen corima giyaen'su dyaipa cori, totoacorima si'ngei'ccu giyaenqquia'caen tsu Na'suja Chigama afasundeccuma, tsa Leví dutssiyendeccuma giyaeña. Tsa'caen giyaensi tsu ñotssia injama'choi'ccu tise'pa afe'choma Na'sunga afeye osha'faya. 4Nane tsa'caen afe'fasi tsu Na'suja ccase Judá toya'caen Jerusalén afe'choma isupa avujatssiya tayopisundeccu'ye afe'choma afesi avujatssiqquia'caen.
5Na'su Osha'choma Oshacho'cho Chigaja su: “Jiya gi que'i injama'choma somboeñe. Nane coragandeccu, faesumbe tsa'ndu faesumbe pushei'ccu can'jendeccu, toya'caen ñoa'metsse su'cho qquen supa afopoensundeccu egae tsincon'choma canjaeña. Sema'sunga ñotsse afepoembi'choa nasundeccu, tsandupajen'choma vanaesundeccu, yayame'choama vanaesundeccu egae tsincon'choma'qque gi canjaeña. Toya'caen que'i'ccu canjen'su faesu ande'suma noñangiansundeccu egae tsincon'choma'qque gi canjaeña. Nane poiyi'cco tsendeccu tsu ñama dyoe'sui'ccu in'jan'fambi.
Chiganga afe'cho
6“Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma. 7Nane que'i tayopisundeccu'ye ña manda'choma pañambipa catiqquia'caen qui que'i'qque ña manda'choma pañambipa cati'fa. Tsa'cansi ña Na'su Osha'choma Oshacho'cho gi que'ima su: Ñani toequi ji'fasi gi ccase que'inga jiya. Tsa'ma que'ija su'fa: ‘¿Ma'caen gi toequi quenga ji'faya?’ 8Tsa'caen su'fasi gi su: ¿A'ita ti Chigama afopoemba cca'nañe osha? Nane que'ija mapán mi'nge'e ñama afopoemba cca'na'an'qque toya qui ñama iñajan'fa: ‘¿Mingae gi quema afopoemba cca'na'fa?’ qquen qui su'fa. Nane que'i ñanga afe'cho, chongayi'cho'cco enttingeve afe'choi'ccu qui ñama afopoemba cca'na'fa. 9Ju, que'i poiyi'cco ñama afopoemba cca'na'fasi gi que'ima egae tson'jen. Ña, Na'su Osha'choma Oshacho'cho que'inga conda. 10Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya. 11Antteya'bi gi osha'cho ega paqque'su que'i tai'je'cho ni que'i o'fa tsajaccuma dañoñe. 12Nane que'i ande ñotssisi, que'i aindeccu avujatssisi tsu poi ande'su aindeccuja ‘Chigaja que'ima in'jamba ñotsse tson’ qquen su'faya. Ña, Na'su Osha'choma Oshacho'cho gi tsa'caen conda.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.