Job 38
38
1Tsonsi Na'su Chigaja Jobma pañamba fingian fentsindaccu'ye afapa qquen su:
2¿Majan qui queja, ña tansintsse su'choma chi'gapa injanga afa'suja?
¡Tsa'caen afapa qui tisu in'jambi'choama a'tatsse canjaen!
3¡Ccutsupa que quin'suma canjaenjan!
¡Ña quema iñajampañasi ñanga condaja!
4Ñajan va andema agattoensi ¿mani qui can'jen?
¡Ñoa'me atesu'cho'ta ñanga condaja!
5¿Majan tsu simba'fai'ccu andema agattopa
mi'nge'tssia randeve agattoeñe asi'ttaemba in'jan?
6¿Jongoesunga tsu ande'su dyaiña'choma dyaiña?
¿Majan tsu ande'su chan'jime dyaiña'choma dyaiña?
7Nane tsequi tsu poi ataje'cho'su o'feja fae'ngae settapoensi
poi Chigama sefacconi'su shondosundeccu fae'ngae avujatsse fundo'je'fa.
16¿Ca'ni'cho ti qui tsa atesu'ma'sia mar tsosini'su chango'ye
mane mar tsa'ccu sombo'jeni?
17¿Atte'cho ti qui pa'chondeccu ande'su sombo'ttima?
¿Tsa pa'chondeccu ande sintssia'ye jacan'cho ti qui?
18¿Asi'ttaemba in'jambi ti qui ande mi'nge'tssi attaja'suve?
¡Que ñoa'me osha'choma atesu'ta ñanga tsama condaja!
19¿Mani tsu a'tatssia'ja jincho?
¿Toya'caen mani tsu sintssiaja jincho?
20¿Queta ti qui a'tatssia tsambi'ta sintssia ja'je'cho tsaiquima
atesupa tise can'jeni angaye osha?
21¡Nane bo'tsse can'jemba qui ñoa'me atesu!
¡Me'ttia'ye isuyepa qui tsama attepa in'jan!
Currently Selected:
Job 38: con
Highlight
Share
Compare
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
