Job 13
13
1Ña tso'fei'ccu pa'cco vama attepa gi
ña tsosinai'ccu'qque pa'ccoma paña.
2Nane que'i atesuqquia'caen gi ña'qque atesu.
Que'ima bove'ccombi gi.
3Tsa'ma ñajan Chigai'ccu gi afaye in'jan.
Nane Osha'choma Oshacho'choi'ccu condaseye gi in'jan.
4Que'ija afopoen'choi'ccu tansintsse su'choma fentendian'jen.
Ñoa'me qui se'jeye oshambi'choa seje'su.
5¡Nane que'ija ziya'choecan'da qui ñoa'me injama'pa qquen attian'faye'can!
6Ña in'jan'choma condasesi
ñama in'jamba ñotsse paña'faja.
Tse'i Jobja Chigama iñajan:
20Chiga, ¡Que'ye tisuma a'tuya'bi gi!
Nane dos jincho'choma gi
in'jan que ñanga antteye.
21Ñama ti'tsse vanaejama
ni panshaen ñama dyoñajama.
22Toya'caen ñama ttu'seja.
Ñama ttu'se'ninda gi quema pañaña.
Tsambi'ta ña quema ttu'se'ninda ñama pañajan.
23Chigáne, ña egae tsincon'cho shacama canjaemba
ña egae tsomba in'jangae tsincon'choma'qque condaja.
Tsa, Job tres amigondeccu, ti'tsse Jobi'ccu afacco'fasi, Jobja pañamba qquen omboe afa:
Currently Selected:
Job 13: con
Highlight
Share
Compare
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
