Isaías 7
7
Isaías Acaznga o'tie afa'cho
1Siria na'su Rezín, toya'caen Israel na'su Peka, tsa Remalías dutssi'ye, Jerusaléni jipa geraen'ma patsuye osha'fambi. Nane Jotam dutssi'ye Acaz, Judáma manda'je'ni tsu tsa'caen geraen'fa. (Acaz yayaccashe'ye tsu Uzías'ye.) 2Acaz, toya'caen tisema shondosundeccu'qque, israendeccu fae'ngae Siria'su sundarondeccui'ccu geraeñe ji'fa'choma paña'fa. Pañamba ñoa'me dyo'fa. Nane fingian jisi quini'cco oyaqquia'caen tsu tise'paja ttun'dundu'jeve dyo'fa.
3Dyo'fasi Na'suja Isaíasnga qquen su: “Que dutssi'ye Sear-jasubma (‘re'ricco aindeccu'su toequi jiya'cho’) angapa Acazni japa cachuipa ña su'choma condaja. Nane sefa'tssia tsa'ccu singu'ccunga ja'je'chombe tsutopafae ja'je'cho tsaiqui jin'ttinga, tsa sarupama mappan'su andeje'ttinga, qui tisema cachuiya. 4Japa cachuipa qquen suja:
‘Injama'tse. Tsa'ma opatsse can'jen'faja.
Nane va si'nge setsa'je'cho te'cho'caen
quin'su mendeqquia ji'fa'ni'qque dyombe can'faja.
Nane Siria na'su Rezín, tise sundarondeccu,
toya'caen Remalías dutssi'ye Peka iyicca'yepa
si'nge anchanda'jeqquia'caen jiña'fa'ni'qque dyombe can'faja.’ ”
Emanuelma isuya'cho
10Toya'caen Na'su Isaíasma afaensi ccase Acaznga su: 11“Na'su que Chigama iñajanjan canjaen'chove canjaensi atesuye. Nane ande tsosiccuni'su tsambi'ta sefacconi'su canjaen'chove iñajanjan.”
12Tsa'ma Acazja su: “Me'in, ñajan Na'suma qqueñacañe in'jambi gi canjaen'chove iñajamba.”
13Tsonsi Isaíasja tisema su:
“Paña'faja que'i David omba'su dutssiyendeccu.
Que'ija aindeccuma noñangiamba,
¿Na'su ña Chigama'qque ti qui
noñangiañe in'jan'fa?
14Nane Na'suyi tsu canjaen'chove canjaeña.
Chu'a pushesu tsu
surie dapa tsandie du'shuve isuya.
Du'shumbe iniseja Emanuelya (‘Chiga ingi'ccu can'jen’) tsu.
15Du'shu chuite tsu chocho sampecha'ma
tuño cuñajun'choi'ccu an'jeña.
16Tsa'ma toya tise atesumbisi tsu tsa quema dyoña'su dos nasundeccumbe andeja a'i meniame daya.
17Na'su Chiga anttesi que, que aindeccu,
que antian nasundeccu'qque vana'faya.
Nane Efraín Judá'ye attufaite ja'ñoa'ngae
qui tsa'cantsse vana'jen'fambi.
Tsa'ma Asiria na'suma moesi
qui ñoa'me vana'faya.”
Currently Selected:
Isaías 7: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
Isaías 7
7
Isaías Acaznga o'tie afa'cho
1Siria na'su Rezín, toya'caen Israel na'su Peka, tsa Remalías dutssi'ye, Jerusaléni jipa geraen'ma patsuye osha'fambi. Nane Jotam dutssi'ye Acaz, Judáma manda'je'ni tsu tsa'caen geraen'fa. (Acaz yayaccashe'ye tsu Uzías'ye.) 2Acaz, toya'caen tisema shondosundeccu'qque, israendeccu fae'ngae Siria'su sundarondeccui'ccu geraeñe ji'fa'choma paña'fa. Pañamba ñoa'me dyo'fa. Nane fingian jisi quini'cco oyaqquia'caen tsu tise'paja ttun'dundu'jeve dyo'fa.
3Dyo'fasi Na'suja Isaíasnga qquen su: “Que dutssi'ye Sear-jasubma (‘re'ricco aindeccu'su toequi jiya'cho’) angapa Acazni japa cachuipa ña su'choma condaja. Nane sefa'tssia tsa'ccu singu'ccunga ja'je'chombe tsutopafae ja'je'cho tsaiqui jin'ttinga, tsa sarupama mappan'su andeje'ttinga, qui tisema cachuiya. 4Japa cachuipa qquen suja:
‘Injama'tse. Tsa'ma opatsse can'jen'faja.
Nane va si'nge setsa'je'cho te'cho'caen
quin'su mendeqquia ji'fa'ni'qque dyombe can'faja.
Nane Siria na'su Rezín, tise sundarondeccu,
toya'caen Remalías dutssi'ye Peka iyicca'yepa
si'nge anchanda'jeqquia'caen jiña'fa'ni'qque dyombe can'faja.’ ”
Emanuelma isuya'cho
10Toya'caen Na'su Isaíasma afaensi ccase Acaznga su: 11“Na'su que Chigama iñajanjan canjaen'chove canjaensi atesuye. Nane ande tsosiccuni'su tsambi'ta sefacconi'su canjaen'chove iñajanjan.”
12Tsa'ma Acazja su: “Me'in, ñajan Na'suma qqueñacañe in'jambi gi canjaen'chove iñajamba.”
13Tsonsi Isaíasja tisema su:
“Paña'faja que'i David omba'su dutssiyendeccu.
Que'ija aindeccuma noñangiamba,
¿Na'su ña Chigama'qque ti qui
noñangiañe in'jan'fa?
14Nane Na'suyi tsu canjaen'chove canjaeña.
Chu'a pushesu tsu
surie dapa tsandie du'shuve isuya.
Du'shumbe iniseja Emanuelya (‘Chiga ingi'ccu can'jen’) tsu.
15Du'shu chuite tsu chocho sampecha'ma
tuño cuñajun'choi'ccu an'jeña.
16Tsa'ma toya tise atesumbisi tsu tsa quema dyoña'su dos nasundeccumbe andeja a'i meniame daya.
17Na'su Chiga anttesi que, que aindeccu,
que antian nasundeccu'qque vana'faya.
Nane Efraín Judá'ye attufaite ja'ñoa'ngae
qui tsa'cantsse vana'jen'fambi.
Tsa'ma Asiria na'suma moesi
qui ñoa'me vana'faya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.