Oseas 11
11
Chiga pañambindeqquia'ma in'jan
1“Israelja ñoa'me du'shua'can tsu.
Nane tise chuite gi tisema ñotsse in'jamba
Egipto andene tisema ttu'se.
2Tsa'ma ti'tsse tisema ttu'sesi
ti'tsse tsu tiseja ccaningae ja.
Nane ña aindeccuja afopa'cho chigandeccunga
osha'choma afepa ñoña'cho chigandeccunga'qque
ñome'bama oque oraen'fa.
3Ñajan Efraín tive'ye fendepa angacan
cuintsu tsui jacañe atesuye.
Tsa'ma tsendeccuja ña tise'pama
coira'je'chove atesu'fambi.
4Tise'pama ñotsse in'jamba gi angacan.
Nane osha'cho ñotssiave gi tson
cuintsu tise'pa ñame in'jan'faye.
Du'shu changa catsesi
puntssamba chochoenqquia'caen gi
tise'pama coira'je.
8Efraíndeccu: ¿Ma'caen gi quema catiya?
Ju, que'i israendeccu: ¿Ma'caen gi quema antteya?
¿Osha ti gi Adma canqquema sefaenqquia'caen
que'ima'qque sefaeñe?
Nane ¿Osha ti gi Zeboimma tsonqquia'caen
que'ima'qque tsoñe?
¡Me'in! Injama'cho tsosipie que'ima ñotsse in'jansi
ña in'jan'choja ccaninga tsu.
9Nane ñajan a'imbipa ñoa'me Chiga gi.
Ñajan Efraínma ñoa'me iyicca'ye'ma fi'tti sefaeña'bi
ni a'i egae tsonqquia'caen tise'pama tsoña'bi.
Ña gi que'imbe enttingeni can'jen'cho ñotsse jincho'cho.
Que'ima fi'tti sefaeñe jinchombi gi.”
Currently Selected:
Oseas 11: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
