Johanes 14
14
Jesus es de Wajch nom Voda
1Lot junt nich daut Hoat beorrujen! Jleeft aun Gott un jleeft aun mie! #14,1 Eenje oole Schreften sajen Jie jleewen aun Gott, jleeft uk aun mie. 2En mienem Voda sien Hus sent väl Woninjen. Wan daut nich soo wia, wudd ekj junt daut jesajcht haben. Ekj go aulsoo han, junt de Städ reedtomoaken. 3Un wan ekj hango, de Städ fa junt reedtomoaken, woa ekj trigj komen un junt uk doahan nämen, daut jie doa sent wua ekj sie. #Joh 12,26; 17,24 4Un jie weeten, wua ekj hango, un jie weeten uk dän Wajch doahan. #14,4 Eenje oole sajen Un jie weeten dän Wajch wua ekj hango.
5Tomas säd to am: Har, wie weeten nich, wua du hanjeist, un woo kjenn wie dän Wajch weeten? 6Jesus säd to am: Ekj sie de Wajch, de Woarheit un daut Läwen, kjeena kjemt nom Voda buta derch mie. #Mat 11,27; Joh 10,9; Reema 5,1-2; Heb 10,20 7Wan jie mie jekjant hauden, wudd jie mienen Voda uk jekjant haben. Von nu aun kjan jie am un haben am jeseenen.
8Filippus säd to am: Har, wies ons dän Voda, dan sent wie tofräd. 9Jesus säd to am: Ekj sie nu aul soo lang bie junt, un du kjanst mie nich, Filippus? Wäa mie jeseenen haft, haft uk dän Voda jeseenen! Woo kaust du dan noch sajen: Wies ons dän Voda? #Joh 12,45; Heb 1,3 10Jleefst du nich, daut ekj em Voda sie, un daut de Voda en mie es? De Wieed, dee ekj räd, räd ekj nich ut mie selfst. De Voda oba, dee en mie wont, dee wirkjt derch mie. #Joh 12,49 11Jleeft mie daut, wan ekj saj, daut ekj em Voda sie, un daut de Voda en mie es. Un wan sest nich, dan jleeft doch, wiels jie de Woakjen seenen. #Joh 10,25.38
12Ekj saj junt de Woarheit: Wäa aun mie jleeft, woat uk daut wirkjen, waut ekj doo, un woat noch jratret aus dit doonen, wiels ekj go no mienen Voda. #Mat 28,19 13Un waut jie en mienen Nomen bäden woaren, daut woa ekj doonen, daut de Voda derch dän Sän jeieet woat. #(13 un 14) Joh 15,7; 16,24; Mrk 11,24; 1Joh 5,14-15 14Waut jie #14,14 Eenje oole Schreften sajen Waut jie mie. en mienen Nomen bäden woaren, woa ekj doonen.
Jesus vesprakjt dän Heiljen Jeist
15Wäa mie goot es, woat miene Jebooten hoolen. #Joh 15,10; 1Joh 5,3 16Un ekj woa dän Voda froagen, un dee woat junt eenen aundren Treesta jäwen, dee eewich bie junt bliewen woat. #Joh 15,26; 16,7 17Daut es de Jeist, dee Woarheit es, dän de Welt nich kjrieen kaun, wiels dee dän nich sitt un uk nich kjant. Jie oba kjanen dän, wiels dee wont en junt, un woat met junt sennen. #Joh 16,13 18Ekj woa junt nich aus Weisenkjinja loten; ekj woa trigj no junt komen. 19Daut es aul nich mea lang bat de Welt mie nich mea seenen woat. Oba jie woaren mie seenen. Wiels ekj läw, woa jie uk läwen. #Joh 20,20 20Wan dee Dach kjemt, woat junt daut kloa sennen, daut ekj en mienem Voda sie, un daut jie en mie sent, un ekj en junt. 21Wäa miene Jebooten haft un helt, bewiest doamet, daut hee mie goot es. Un wäa mie goot es, dän woat mien Voda goot sennen, un ekj woa am goot sennen un mie am openboaren. #Joh 16,27; 1Joh 5,3
22Dan säd Judas (nich Iskariot): Har, wuarom west du die bloos ons openboaren, un nich de Welt? 23Jesus säd to am: Wäa mie goot es, woat mien Wuat hoolen, un däm woat mien Voda goot sennen. Un bie däm woa wie ons komen tus moaken. #Spr 8,17; Efs 3,17 24Wäa oba mie nich goot es, helt mien Wuat nich. Un waut jie mie sajen hieren, es nich mien Wuat, oba däm Voda sient, dee mie jeschekjt haft. #Joh 7,16-17
25Dit hab ekj to junt jerät, aus ekj noch bie junt wia. 26Oba de Treesta, de Heilja Jeist, dän de Voda en mienen Nomen schekjen woat, dee woat junt aules lieren, un junt aun aul daut denkjen halpen, waut ekj to junt jesajcht hab.
27Fräd lot ekj junt, mienen Fräd jäw ekj junt. Ekj jäw junt nich soo aus de Welt jeft. Lot junt nich daut Hoat beorrujen, un fercht junt nich. #Joh 16,33; Flp 4,7 28Jie haben mie sajen jehieet, daut ekj wajchgo, uk daut ekj wada trigj no junt komen woa. Wan jie mie goot sent, wudd jie junt doatoo freien, daut ekj nom Voda go, wiels de Voda es jrata aus ekj. 29Ekj hab junt daut nu jesajcht, ea daut passieet, daut jie dan jleewen woaren, wan daut passieet.
30Ekj woa nich lenja met junt räden, wiels dee, dee äwa dise Welt rejieet, es aul aum komen. Hee haft äwa mie kjeene Macht. #Joh 12,31; Efs 2,2 31Oba de Welt mott weeten, daut ekj dän Voda goot sie, un daut ekj doawäajen aules doo, waut hee mie oppjedroacht haft. Komt, well wie wieda gonen. #Joh 10,18
Currently Selected:
Johanes 14: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.