Hosea 1
1
Hosea siene Famielje aus een Väabilt
1Hia es de Norecht, dee Beeri sien Sän Hosea von däm Harn kjrieech. Dit wort en de Joaren aus Usija, Jotam, Ahas, un Hiskia Kjennichs en Juda wieren, ooda uk en de Joaren aus Joasch sien Sän Jerobeam de Kjennich en Israel wia. #2Kjen 14,23; Jes 1,1; Amos 1,1
2Aus de Har daut ieeschte mol to Hosea räd, säd hee: Go un frie die eene Fru, dee eene Hua es. Du saust uk met ar Kjinja haben. Dit es wäajen de Israeliten sent vom Harn wajch jerant, soo aus eene Hua von äaren Maun rant. #5Mo 23,18; Hos 3,1 3Un Hosea jinkj un befried sikj met Diblajim siene Dochta, Gomer. Un dan kjeem daut, daut see eenen Sän hauden. 4Un de Har säd to Hosea: Jeff am dän Nomen, Jesreel. Doo daut, wiels ekj nich lang wachten woa, bat ekj däm Kjennich Jehu trigjtolen woa, fa de Menschen, dee hee en Jesreel ombrocht. Un ekj woa daut israelitische Kjennichrikj to Enj komen loten. #2Kjen 10,1-14 5Wan ekj dit doonen woa, woa ekj Israel aule Macht wajchnämen. Dit woa ekj em Jesreel Tol doonen.
6Un Hosea un Gomer hauden noch een Kjint, un daut wia eene Dochta. Un de Har säd to Hosea: Jeff ar dän Nomen Lo Ruhama, #1,6 Dee Nomen bediet: Nich goot jenuach. un doo daut, wiels ekj woa mie nich mea äwa Israel erboarmen, un woa an nuscht mea vejäwen. #Hos 2,3.25 7Oba ekj woa mie äwa Juda erboarmen, un woa an derch däm Harn, dee äa Gott es, halpen. Ekj woa an nich met dän Boagen, daut Schwieet, daut Kjrich Jereetschoft ooda Pieed un Woages halpen.
8Aus Gomer daut Mejalkje een bät jrata haud, hauden see noch een Junkje. 9Un de Har säd: Jeff am dän Nomen, Lo Ami. #1,9 De Nomen bediet: Nich mien Volkj.
Currently Selected:
Hosea 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.