Rut 3
3
Rut traft Boas biem Joascht utsteewen
1Een Dach säd Noomi to Rut: Miene Dochta. Ekj meen ekj sull die eenen Maun besorjen, dee wieda fa die oppkomen woat. #Rut 1,9 2Du weetst daut dee Boas, bie wäm siene Oabeida du oppläsen deetst, met ons em Frintschoft es. Weetst du waut! Boas woat vondoag zeowes opp de Draschflua Joascht utsteewen. 3Nu wausch die un doo die enschmäaren met soont waut scheen rikjt, un trakj dien bastet Kjleet aun. Dan go no de Draschflua, oba lot am nich enwoaren, daut du doa best ea hee jejäten un jedrunken haft. 4Paus opp wua hee sikj dol lajcht. Dan go un dakj siene Feet auf, un laj die doa dol. Wieda woat hee die dan sajen, waut du doonen motst. 5Un Rut säd: Ekj woa aules soo doonen, aus du sajchst. 6Un see jinkj un muak sikj reed un jinkj no de Draschflua, un deed aules krakjt soo aus äare Schwieemutta ar jesajcht haud.
7Jäajen Owent eet un drunk Boas goot un feeld sikj sea goot, aus hee sikj aun de Kaunt vom Joascht Klompen dol läd. Boolt doaropp jinkj Rut gaunz stell un dakjt siene Feet auf un läd sikj doa dol. 8Medden en de Nacht met eemol dreid Boas sikj un vefieed sikj, aus hee enwort, daut doa een Frumensch bie siene Feet lach. 9Wäa best du, fruach hee ar fuaz. See säd: Ekj sie Rut, diene Kjäakjsche. Spreed diene Dakj äwa mie. Du best dee, dee veauntwuatlich es fa mie opptokomen. #Rut 4,4; Hes 16,8 10Mucht de Har die säajnen, junge Fru, säd Boas. Ieescht weest du, woo truhoatich goot du diene Schwieemutta wieescht, un nu best du soo goot to mie. Du hautst die goot kunt eenen jungen Maun sieekjen, entwäda oam ooda rikj. #Rut 2,11 11Nu brukst du nich Angst haben. Ekj woa doano seenen, daut du daut kjrieen woascht, no waut du frajchst. En de Staut rät een jiedra goot von die. 12Ekj weet daut, daut ekj eena von dee sie, dee fa die oppkomen saul, oba doa es noch eena, dee noch noda em Frintschoft met die es. 13Bliew hia fa de gaunze Nacht. Zemorjes woa ekj fuaz janem froagen, auf hee fa die oppkomen well. Wan hee well dan goot. Wan nich, dan vespräakj ekj die, soo secha aus de Har läft, ekj woa daut mienje aus Frintschoft fa die doonen. Bliew mau hia bat zemorjes. 14See bleef doa dan, bat de Nacht derch wia, oba stunt aul tiedich opp, ea ar irjent wäa jrodsoo kjanen wudd, wiels Boas jesajcht haud: Lot kjeenem weeten, daut dise Fru hia opp de Draschflua jewast es. 15Boas säd: Brinj emol dienen Mauntel un hool dän opp. Aus see daut dan deed, schedd hee doa soo bie 20 Kilo Joascht nenn. Dan hoof hee dän noch opp, daut see dän äwa äare Schulla trigj no de Staut droagen kunn.
16Aus see don no Hus no äare Schwieemutta kjeem, fruach dee: Woo es daut jegonen, miene Dochta? Un see vetald ar aules waut Boas fa ar jedonen haud. 17Un hee jeef mie dise 20 Kilo Joascht. Hee säd, ekj sull nich onen irjent waut no die trigj gonen. 18Dan säd Noomi: Nu wacht, miene Dochta, bat du utfinjst, woo dee Sach sikj romnemt. De Maun woat vondoag nich nojäwen, bat hee dise Sach gaunz berät haft.
Currently Selected:
Rut 3: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Rut 3
3
Rut traft Boas biem Joascht utsteewen
1Een Dach säd Noomi to Rut: Miene Dochta. Ekj meen ekj sull die eenen Maun besorjen, dee wieda fa die oppkomen woat. #Rut 1,9 2Du weetst daut dee Boas, bie wäm siene Oabeida du oppläsen deetst, met ons em Frintschoft es. Weetst du waut! Boas woat vondoag zeowes opp de Draschflua Joascht utsteewen. 3Nu wausch die un doo die enschmäaren met soont waut scheen rikjt, un trakj dien bastet Kjleet aun. Dan go no de Draschflua, oba lot am nich enwoaren, daut du doa best ea hee jejäten un jedrunken haft. 4Paus opp wua hee sikj dol lajcht. Dan go un dakj siene Feet auf, un laj die doa dol. Wieda woat hee die dan sajen, waut du doonen motst. 5Un Rut säd: Ekj woa aules soo doonen, aus du sajchst. 6Un see jinkj un muak sikj reed un jinkj no de Draschflua, un deed aules krakjt soo aus äare Schwieemutta ar jesajcht haud.
7Jäajen Owent eet un drunk Boas goot un feeld sikj sea goot, aus hee sikj aun de Kaunt vom Joascht Klompen dol läd. Boolt doaropp jinkj Rut gaunz stell un dakjt siene Feet auf un läd sikj doa dol. 8Medden en de Nacht met eemol dreid Boas sikj un vefieed sikj, aus hee enwort, daut doa een Frumensch bie siene Feet lach. 9Wäa best du, fruach hee ar fuaz. See säd: Ekj sie Rut, diene Kjäakjsche. Spreed diene Dakj äwa mie. Du best dee, dee veauntwuatlich es fa mie opptokomen. #Rut 4,4; Hes 16,8 10Mucht de Har die säajnen, junge Fru, säd Boas. Ieescht weest du, woo truhoatich goot du diene Schwieemutta wieescht, un nu best du soo goot to mie. Du hautst die goot kunt eenen jungen Maun sieekjen, entwäda oam ooda rikj. #Rut 2,11 11Nu brukst du nich Angst haben. Ekj woa doano seenen, daut du daut kjrieen woascht, no waut du frajchst. En de Staut rät een jiedra goot von die. 12Ekj weet daut, daut ekj eena von dee sie, dee fa die oppkomen saul, oba doa es noch eena, dee noch noda em Frintschoft met die es. 13Bliew hia fa de gaunze Nacht. Zemorjes woa ekj fuaz janem froagen, auf hee fa die oppkomen well. Wan hee well dan goot. Wan nich, dan vespräakj ekj die, soo secha aus de Har läft, ekj woa daut mienje aus Frintschoft fa die doonen. Bliew mau hia bat zemorjes. 14See bleef doa dan, bat de Nacht derch wia, oba stunt aul tiedich opp, ea ar irjent wäa jrodsoo kjanen wudd, wiels Boas jesajcht haud: Lot kjeenem weeten, daut dise Fru hia opp de Draschflua jewast es. 15Boas säd: Brinj emol dienen Mauntel un hool dän opp. Aus see daut dan deed, schedd hee doa soo bie 20 Kilo Joascht nenn. Dan hoof hee dän noch opp, daut see dän äwa äare Schulla trigj no de Staut droagen kunn.
16Aus see don no Hus no äare Schwieemutta kjeem, fruach dee: Woo es daut jegonen, miene Dochta? Un see vetald ar aules waut Boas fa ar jedonen haud. 17Un hee jeef mie dise 20 Kilo Joascht. Hee säd, ekj sull nich onen irjent waut no die trigj gonen. 18Dan säd Noomi: Nu wacht, miene Dochta, bat du utfinjst, woo dee Sach sikj romnemt. De Maun woat vondoag nich nojäwen, bat hee dise Sach gaunz berät haft.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.