Openboarunk 15
15
Säwen Enjel met de latste säwen Ploagen
1Dan sach ekj noch een grootet wundavollet Tieekjen em Himmel: Säwen Enjel hauden de latste säwen Ploagen, wuamet Gott sien Oaja toom Enj kjemt. #Opb 16,1
2Un ekj sach waut, aus wan een glausnet Mäa met Fia jemenjt wia. Un dee, dee en dän Kaumf jäajen daut Tia un sien Bilt un daut Tieekjen un de Nomenzol jewonnen hauden, stunden aun daut glausne Mäa met Hoapen von Gott en de Henj, #Opb 4,6 3un see sungen daut Leet von Gott sienen Kjnajcht Moses, un von daut Laum, un säden:
Groot un wundavoll sent diene Woakjen, Har, aulmajchtja Gott!
Diene Wäaj sent jerajcht un woarhauftich, du Kjennich äwa aule Velkja. #15,3 Eenje oole Schreften sajen aule Tieden. #2Mo 15,1.11; 5Mo 32,4; Psa 145,17; Jer 10,6-7
4Wäa sull die nich ferchten, oo Har, un dienen Nomen veharlichen?
Wiels bloos du best heilich! Aule Velkja sellen ver die komen aunbäden,
wiels diene jerajchte Uadeelungen sent verendach jekomen. #Psa 86,9; Jer 16,19-21
5Aus dit äwa wia, kjikjt ekj un sach, daut em Himmel daut Aulaheilichste em Tempel opjemoakt wort. #Opb 11,19 6Un ut däm Tempel kjeemen de säwen Enjel, dee de säwen Ploagen hauden, un schlockwitte Kjleeda von Lienzeich aunhauden, un om de Brost een goldnen Gort jebungen. 7Un eent von de vea Tieren jeef de säwen Enjel säwen goldne Kommen voll von Gott sien Oaja, dee von Eewichkjeit to Eewichkjeit läft. #Opb 4,6-8; 14,10 8Un de Tempel wia voll Ruak von Gott siene Harlichkjeit un von siene Krauft, un kjeena kunn em Tempel nenn gonen, bat de säwen Ploagen äwa wieren, dee de säwen Enjel brochten. #2Mo 40,34; 1Kjen 8,10-11; Jes 6,4; Hes 44,4
Currently Selected:
Openboarunk 15: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Openboarunk 15
15
Säwen Enjel met de latste säwen Ploagen
1Dan sach ekj noch een grootet wundavollet Tieekjen em Himmel: Säwen Enjel hauden de latste säwen Ploagen, wuamet Gott sien Oaja toom Enj kjemt. #Opb 16,1
2Un ekj sach waut, aus wan een glausnet Mäa met Fia jemenjt wia. Un dee, dee en dän Kaumf jäajen daut Tia un sien Bilt un daut Tieekjen un de Nomenzol jewonnen hauden, stunden aun daut glausne Mäa met Hoapen von Gott en de Henj, #Opb 4,6 3un see sungen daut Leet von Gott sienen Kjnajcht Moses, un von daut Laum, un säden:
Groot un wundavoll sent diene Woakjen, Har, aulmajchtja Gott!
Diene Wäaj sent jerajcht un woarhauftich, du Kjennich äwa aule Velkja. #15,3 Eenje oole Schreften sajen aule Tieden. #2Mo 15,1.11; 5Mo 32,4; Psa 145,17; Jer 10,6-7
4Wäa sull die nich ferchten, oo Har, un dienen Nomen veharlichen?
Wiels bloos du best heilich! Aule Velkja sellen ver die komen aunbäden,
wiels diene jerajchte Uadeelungen sent verendach jekomen. #Psa 86,9; Jer 16,19-21
5Aus dit äwa wia, kjikjt ekj un sach, daut em Himmel daut Aulaheilichste em Tempel opjemoakt wort. #Opb 11,19 6Un ut däm Tempel kjeemen de säwen Enjel, dee de säwen Ploagen hauden, un schlockwitte Kjleeda von Lienzeich aunhauden, un om de Brost een goldnen Gort jebungen. 7Un eent von de vea Tieren jeef de säwen Enjel säwen goldne Kommen voll von Gott sien Oaja, dee von Eewichkjeit to Eewichkjeit läft. #Opb 4,6-8; 14,10 8Un de Tempel wia voll Ruak von Gott siene Harlichkjeit un von siene Krauft, un kjeena kunn em Tempel nenn gonen, bat de säwen Ploagen äwa wieren, dee de säwen Enjel brochten. #2Mo 40,34; 1Kjen 8,10-11; Jes 6,4; Hes 44,4
Plautdietsch Bible © 2003 Kindred Productions and United Bible Societies Association, Inc.