Openboarunk 11
11
De twee Zeichnisjäwa
1Dan wort mie een Rua jejäft, daut soo sach aus een Motstock, un mie wort jesajcht: Go un mat Gott sienen Tempel un dän Aultoa, un tal de Aunbäda doabennen. #Hes 40,3; 42,20; Sach 2,5-6 2Oba dän Väahoff butrem Tempel lot ut, un mat dän nich, wiels dee es de Velkja jejäft worden. Dee woaren opp de heilje Staut 42 Moonat met de Feet romklunjen. #Luk 21,24
3Un ekj woa miene twee Zeichnisjäwa, dee met Sakj jekjleet sent, Krauft jäwen 1.260 Doag profeetisch to räden. #Opb 12,6 4Daut sent de twee Oliewenbeem, un de twee Laumpenhoola, dee ver dän Gott äwa de Ieed stonen. #Sach 4,3.11-14 5Un wan an irjentwäa Schoden aundoonen well, spieen see Fia ut däm Mul un brinjen äare Fiend om. Dit es, woo dee dootjemoakt woaren, dee an wellen Schoden moaken. 6Dise haben Macht, dän Himmel tootoschluten, daut et nich räajent, soolang aus see profeetisch räden. Dee haben uk de Krauft de Wotakjwalen to Bloot to moaken, un kjennen Ploagen äwa de Ieed brinjen, soo foaken aus see wellen. #2Mo 7,19-20; 1Kjen 17,1
De Zeichnisjäwa woaren dootjemoakt
7Wan dise nu met äa Zeichnis foadich sent, woat daut Tia, daut von däm gruntloosen Aufgrunt kjemt, an aunjriepen, unjakjrieen un doot moaken. #Opb 13,1.7 8Un de Doodes woaren opp de Gaus von dee groote Staut ligjen, dee daut jeistliche Sodom un Ägipten heet, wua uk äa Har wia jekjriezicht worden. 9Dan woaren Menschen von aule Stam un Sproaken un Raussen de Doodes dree un een haulwen Dach seenen, un woaren äare Kjarpa nich begrowen loten. 10Un dee, dee hia opp de Ieed wonen, woaren sikj äwa an freien un huachhäa läwen, un sikj unjarenaunda beschenkjen, wiels dise Profeeten dee jekjwält hauden, dee opp de Ieed wonden.
De Zeichnisjäwa stonen vom Doot opp
11Oba om dree un een haulwen Dach fua en an wada de läwendja Jeist von Gott nenn, un see stunden wada opp de Feet. Un dee daut sagen, dän wort ferchtalich angst. 12Dan hieeden see eene lude Stemm vom Himmel to an sajen: Komt hia nopp! Un aus äare Fiend tookjikjten, fuaren see nopp em Himmel nenn. 13Krakjt dan kjeem een grootet Ieedbäben un een tieendel von de Staut foll toop. En daut Ieedbäben kjeemen 7.000 Menschen to doot, un de äwaje wort angst un jeewen dän Gott vom Himmel de Iea. 14Daut tweede Wee es jewast, oba daut dredde Wee woat uk boolt hia sennen. #Opb 9,12
De säwende Trompeet
15De säwenda Enjel blosd siene Trompeet, un dan wieren em Himmel lude Stemmen, dee säden:
Nu haben ons Har un sien Christus
de Harschoft äwa de gaunze Welt
von de Kjennichs jenomen,
un woaren von Eewichkjeit to Eewichkjeit rejieren.
16Un de 24 Eltestasch, dee ver Gott opp äare Troons sauten, follen opp äare Jesechta un bäden Gott aun #Opb 4,4.10 17un säden:
Wie danken die doafäa, aulmajchtja Gott un Har,
dee du best un uk wieescht,
daut du diene groote Krauft jenomen hast un rejieren deist!
18De Velkja haben sikj veoajat, un diene Rach es jekomen,
un de Tiet de Doodje to rechten, un diene Deena de Profeeten,
un de heilje un aule, auf kjlien ooda groot, dee dienen Nomen ferchten, äaren Loon to jäwen,
un omtobrinjen, dee de Ieed vedorwen haben. #Psa 2,1
19Dan wort Gott sien Tempel em Himmel opjemoakt, un doa en sien Tempel wia siene Bundeskjist to seenen. Un doa kjeemen Blitzstrolen, Rummel un Jewittaschläaj, un Ieedbäben un groota Hoagel. #Opb 15,5
Currently Selected:
Openboarunk 11: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Openboarunk 11
11
De twee Zeichnisjäwa
1Dan wort mie een Rua jejäft, daut soo sach aus een Motstock, un mie wort jesajcht: Go un mat Gott sienen Tempel un dän Aultoa, un tal de Aunbäda doabennen. #Hes 40,3; 42,20; Sach 2,5-6 2Oba dän Väahoff butrem Tempel lot ut, un mat dän nich, wiels dee es de Velkja jejäft worden. Dee woaren opp de heilje Staut 42 Moonat met de Feet romklunjen. #Luk 21,24
3Un ekj woa miene twee Zeichnisjäwa, dee met Sakj jekjleet sent, Krauft jäwen 1.260 Doag profeetisch to räden. #Opb 12,6 4Daut sent de twee Oliewenbeem, un de twee Laumpenhoola, dee ver dän Gott äwa de Ieed stonen. #Sach 4,3.11-14 5Un wan an irjentwäa Schoden aundoonen well, spieen see Fia ut däm Mul un brinjen äare Fiend om. Dit es, woo dee dootjemoakt woaren, dee an wellen Schoden moaken. 6Dise haben Macht, dän Himmel tootoschluten, daut et nich räajent, soolang aus see profeetisch räden. Dee haben uk de Krauft de Wotakjwalen to Bloot to moaken, un kjennen Ploagen äwa de Ieed brinjen, soo foaken aus see wellen. #2Mo 7,19-20; 1Kjen 17,1
De Zeichnisjäwa woaren dootjemoakt
7Wan dise nu met äa Zeichnis foadich sent, woat daut Tia, daut von däm gruntloosen Aufgrunt kjemt, an aunjriepen, unjakjrieen un doot moaken. #Opb 13,1.7 8Un de Doodes woaren opp de Gaus von dee groote Staut ligjen, dee daut jeistliche Sodom un Ägipten heet, wua uk äa Har wia jekjriezicht worden. 9Dan woaren Menschen von aule Stam un Sproaken un Raussen de Doodes dree un een haulwen Dach seenen, un woaren äare Kjarpa nich begrowen loten. 10Un dee, dee hia opp de Ieed wonen, woaren sikj äwa an freien un huachhäa läwen, un sikj unjarenaunda beschenkjen, wiels dise Profeeten dee jekjwält hauden, dee opp de Ieed wonden.
De Zeichnisjäwa stonen vom Doot opp
11Oba om dree un een haulwen Dach fua en an wada de läwendja Jeist von Gott nenn, un see stunden wada opp de Feet. Un dee daut sagen, dän wort ferchtalich angst. 12Dan hieeden see eene lude Stemm vom Himmel to an sajen: Komt hia nopp! Un aus äare Fiend tookjikjten, fuaren see nopp em Himmel nenn. 13Krakjt dan kjeem een grootet Ieedbäben un een tieendel von de Staut foll toop. En daut Ieedbäben kjeemen 7.000 Menschen to doot, un de äwaje wort angst un jeewen dän Gott vom Himmel de Iea. 14Daut tweede Wee es jewast, oba daut dredde Wee woat uk boolt hia sennen. #Opb 9,12
De säwende Trompeet
15De säwenda Enjel blosd siene Trompeet, un dan wieren em Himmel lude Stemmen, dee säden:
Nu haben ons Har un sien Christus
de Harschoft äwa de gaunze Welt
von de Kjennichs jenomen,
un woaren von Eewichkjeit to Eewichkjeit rejieren.
16Un de 24 Eltestasch, dee ver Gott opp äare Troons sauten, follen opp äare Jesechta un bäden Gott aun #Opb 4,4.10 17un säden:
Wie danken die doafäa, aulmajchtja Gott un Har,
dee du best un uk wieescht,
daut du diene groote Krauft jenomen hast un rejieren deist!
18De Velkja haben sikj veoajat, un diene Rach es jekomen,
un de Tiet de Doodje to rechten, un diene Deena de Profeeten,
un de heilje un aule, auf kjlien ooda groot, dee dienen Nomen ferchten, äaren Loon to jäwen,
un omtobrinjen, dee de Ieed vedorwen haben. #Psa 2,1
19Dan wort Gott sien Tempel em Himmel opjemoakt, un doa en sien Tempel wia siene Bundeskjist to seenen. Un doa kjeemen Blitzstrolen, Rummel un Jewittaschläaj, un Ieedbäben un groota Hoagel. #Opb 15,5
Plautdietsch Bible © 2003 Kindred Productions and United Bible Societies Association, Inc.