Hiob 12
12
Hiob siene Auntwuat to Zofar: Wie kjennen Gott nich vestonen
1Dan säd Hiob:
2Jo, soo sajen de Menschen,
un wan jie stoawen woaren,
stoaft de Weisheit uk.
3Oba ekj weet uk waut, krakjt soo aus jie,
un weet nich weinja aus jie.
Wäa wist dit nich aul emma?
4Mien ieejna Frint lacht mie ut.
Ekj, dee ekj mie opp Gott beroop,
un hee mie auntwuaten deit,
dee ekj nuscht orrajcht jedonen hab un oschuldich sie,
dee woat utjelacht.
5Wäa daut leicht haft, spott äwa dän aundren sien Schoden;
un jleeft, dee haft dän, wiels dee sikj vestaupt haft.
6Oba de Reiba es sikj en siene Bood secha,
un dee, dee Gott reizen, haben daut jemietlich;
äare ieejne Krauft es äa Gott. #Hab 1,11
7Froag de Tieren, dee woaren die waut lieren;
de Väajel enne Loft woaren die sajen;
8froag de Plaunten oppe Ieed, dee woaren die belieren,
un de Fesch em Mäa woaren die vetalen.
9Wäa von dee weet nich daut de Har
met siene Haunt aules jemoakt haft;
10un daut hee aulet Läwen en siene Haunt helt,
un dän Odem von jieda Mensch. #4Mo 16,22; Apost 17,28
11Krakjt soo aus de Tung daut Äten schmakjt,
soo mott daut Ua dän Wieet von Wieed aufschazen.
12Es de Weisheit bloos bie de oole to finjen,
un kjemt Vestentnis bloos derch een langet Läwen? #Hiob 8,8
13Gott haft Weisheit un Jewault,
hee haft Rot un een Vestaunt.
14Wua hee waut dolritt, kaun kjeena wada oppbuen;
wäm hee jefangen nemt, kaun kjeen Mensch frie moaken. #Opb 3,7
15Wan hee dän Räajen trigjhelt, dan drieecht aules ut;
wan hee dän looslat, kaun dee aules omdreien. #1Mo 7,19-23; 1Kjen 17,1.7
16Hee haft Macht un weet sikj
met dee waut sikj vegonen haben,
un dee waut aundre to schlajchtet veleiden. #1Kjen 12,28-30; 2Kjen 19,10-37
17Hee lat däm Rotjäwa daumlich woaren,
un däm Rechta schoslich woaren.
18Hee nemt däm Kjennich sien Straums wajch,
un jeft am Oabeitskjleeda, soo aus een Deena.
19Hee lat de Priestasch beschämt woaren,
un de Leidasch äare Macht veschwinjen. #1Sam 2,30-32; 22,18-19
20Dee opp woone de Lied sikj veleeten,
nemt hee daut räden wajch;
un von dee waut Leidasch sent,
nemt hee de Weisheit wajch.
21Hee lat de Volkjsleida veacht woaren,
un de stoakje äare Krauft velieren. #1Sam 17,5; 31,9; 2Kjen 19,37; Dan 4,29-30
22Hee openboat waut em diestren vestoaken wia,
un brinjt daut waut diesta wia em Licht nenn.
23Hee lat Velkja to groote Macht komen,
un nemt an dee wada wajch;
hee lat de Lenda groot woaren,
un dan leit dee von daut äaje wajch.
24Hee lat de Leidasch em Launt schoslich woaren,
un äaren Wajch velieren wua kjeen Stich es.
25Dee langen hia un doa em diestren rom wua kjeen Licht es;
hee lat dee sikj vestaupen aus de bedrunkne.
Currently Selected:
Hiob 12: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hiob 12
12
Hiob siene Auntwuat to Zofar: Wie kjennen Gott nich vestonen
1Dan säd Hiob:
2Jo, soo sajen de Menschen,
un wan jie stoawen woaren,
stoaft de Weisheit uk.
3Oba ekj weet uk waut, krakjt soo aus jie,
un weet nich weinja aus jie.
Wäa wist dit nich aul emma?
4Mien ieejna Frint lacht mie ut.
Ekj, dee ekj mie opp Gott beroop,
un hee mie auntwuaten deit,
dee ekj nuscht orrajcht jedonen hab un oschuldich sie,
dee woat utjelacht.
5Wäa daut leicht haft, spott äwa dän aundren sien Schoden;
un jleeft, dee haft dän, wiels dee sikj vestaupt haft.
6Oba de Reiba es sikj en siene Bood secha,
un dee, dee Gott reizen, haben daut jemietlich;
äare ieejne Krauft es äa Gott. #Hab 1,11
7Froag de Tieren, dee woaren die waut lieren;
de Väajel enne Loft woaren die sajen;
8froag de Plaunten oppe Ieed, dee woaren die belieren,
un de Fesch em Mäa woaren die vetalen.
9Wäa von dee weet nich daut de Har
met siene Haunt aules jemoakt haft;
10un daut hee aulet Läwen en siene Haunt helt,
un dän Odem von jieda Mensch. #4Mo 16,22; Apost 17,28
11Krakjt soo aus de Tung daut Äten schmakjt,
soo mott daut Ua dän Wieet von Wieed aufschazen.
12Es de Weisheit bloos bie de oole to finjen,
un kjemt Vestentnis bloos derch een langet Läwen? #Hiob 8,8
13Gott haft Weisheit un Jewault,
hee haft Rot un een Vestaunt.
14Wua hee waut dolritt, kaun kjeena wada oppbuen;
wäm hee jefangen nemt, kaun kjeen Mensch frie moaken. #Opb 3,7
15Wan hee dän Räajen trigjhelt, dan drieecht aules ut;
wan hee dän looslat, kaun dee aules omdreien. #1Mo 7,19-23; 1Kjen 17,1.7
16Hee haft Macht un weet sikj
met dee waut sikj vegonen haben,
un dee waut aundre to schlajchtet veleiden. #1Kjen 12,28-30; 2Kjen 19,10-37
17Hee lat däm Rotjäwa daumlich woaren,
un däm Rechta schoslich woaren.
18Hee nemt däm Kjennich sien Straums wajch,
un jeft am Oabeitskjleeda, soo aus een Deena.
19Hee lat de Priestasch beschämt woaren,
un de Leidasch äare Macht veschwinjen. #1Sam 2,30-32; 22,18-19
20Dee opp woone de Lied sikj veleeten,
nemt hee daut räden wajch;
un von dee waut Leidasch sent,
nemt hee de Weisheit wajch.
21Hee lat de Volkjsleida veacht woaren,
un de stoakje äare Krauft velieren. #1Sam 17,5; 31,9; 2Kjen 19,37; Dan 4,29-30
22Hee openboat waut em diestren vestoaken wia,
un brinjt daut waut diesta wia em Licht nenn.
23Hee lat Velkja to groote Macht komen,
un nemt an dee wada wajch;
hee lat de Lenda groot woaren,
un dan leit dee von daut äaje wajch.
24Hee lat de Leidasch em Launt schoslich woaren,
un äaren Wajch velieren wua kjeen Stich es.
25Dee langen hia un doa em diestren rom wua kjeen Licht es;
hee lat dee sikj vestaupen aus de bedrunkne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.