Jeremia 34
34
Eene Woarnunk fa däm Kjennich
1De babelonischa Kjennich Nebukadnezar haud eene Armee von Mana ut aule Lenda oppe Ieed, un aule Velkja, dee hee en siene Macht haud. Un aus hee met dee rom Jerusalem, un de Städa doarom, jeloagat wia, kjrieech Jeremia dise Norecht vom Harn. #2Kjen 25,1-2; Jer 52,4 2Jeremia sull em Nomen von däm Harn, dee Israel äa Gott es, no Zedekia, däm Kjennich von Juda gonen, un am sajen, dit es waut de Har sajcht: Horch emol, ekj woa däm babelonischen Kjennich dise Staut enne Macht jäwen, un dee woat dee dolbrennen. #Jer 21,10 3Un du selfst, woascht nich von siene Macht wajchkomen. Du woascht faustjenomen woaren un ver am to stonen komen. Du woascht am met diene ieejne Uagen to seenen kjrieen, un woascht selfst met am räden. Un dan woascht du no Babel jenomen woaren. #Jer 32,4
4Oba horch waut de Har sajcht, Zedekia, Kjennich von Juda. Dit es waut de Har wäajen die sajcht: Du woascht nich met een Schwieet omjebrocht woaren. #(4 un 5) Jer 52,11 5Du woascht frädlich stoawen. Un see woaren een Fia aunstekjen un äwa dien Doot hielen un sajen: “Ons Kjennich es jestorwen”, krakjt soo aus see ieeschtemma fa dee Kjennichs deeden, dee ver diene Tiet läwden. Ekj jäw mien Wuat, daut dit soo woaren woat, sajcht de Har. #2Chr 16,14; Jer 22,18
6Un de Profeet Jeremia säd däm Kjennich Zedekia aul dit en Jerusalem, 7aus däm babelonischen Kjennich siene Armee jäajen Lachisch un Aseka un Jerusalem kjamfen deed. Daut wieren de Städa met huage Mieren, waut noch en Juda äwajebläwen wieren.
De waut Sklowen haben hoolen nich äa Wuat
8Een aundret mol kjrieech Jeremia eene Norecht von däm Harn, no däm daut de Kjennich Zedekia en Jerusalem met daut gaunze Volkj eenen Bunt jemoakt haud, un see jesajcht hauden, daut see aula wudden #Jer 34,14 9äare Sklowen, Mana uk Frues, dee Hebräa wieren, frieloten. Kjeene Menschen von Juda sullen eenen aundren Mensch, dee von sien ieejnet Volkj kjeem, aus Sklow hoolen. 10Un aule Rejierungsmana un de aundre vespruaken en dän Bunt, daut see äare Sklowen, beides de Mana un de Frues, frie loten wudden un nich mea aus Sklowen brucken. Un see leeten dee friegonen. 11Oba lota, hilden see daut Vespräakjen nich, un velangden daut de Mana un Frues, woone see friejeloten hauden, wada sullen aus äare Sklowen deenen.
12Dan kjrieech Jeremia dise Norecht vom Harn: 13Dit es waut de Har, dee Israel äa Gott es, sajcht: Ekj muak eenen Bunt met june Elren, aus ekj an ut Ägipten ut de Sklowarie brocht, un säd: 14En daut säwende Joa saul een jiedra, dee een Hebräa jekoft haft, däm frieloten. Wan dee sas Joa jedeent haft, sell jie am frieloten. Oba june Elren horchten nich no mie un deeden nich waut ekj säd. #2Mo 21,2; 3Mo 25,39-41; 5Mo 15,12 15Jie bekjanden nu, un deeden waut ekj aus rajcht sach, un säden to june Metmenschen see sullen friejeloten woaren. Un jie muaken eenen Bunt en daut Hus daut mient heet, daut jie daut doonen wudden. #3Mo 25,10 16Oba nu hab jie daut nich jehoolen, un haben eene Schaund opp mienen Nomen jebrocht. Een jiedra velangt wada, daut siene Sklowen sullen trigjkomen. Dee Mana un Frues, dee hee friejeloten haud, daut see doahan gonen kunnen wua see wullen, sullen an wada aus Sklowen deenen.
17Un doatoo sajcht de Har: Jie sent mie nich jehuarsom jewast, un jie haben kjeen Frieloten aunjesajcht fa june Metmenschen, dee jie hilden. Un nu woa ekj, sajcht de Har, een frieloten äwa junt utspräakjen. Jie woaren daut Schwieet un de Krankheit un de Hungaschnoot friejejäft woaren, daut aule Velkja oppe Welt daut schudren woat äwa junt. 18Un met dee Menschen, dee mienen Bunt veachten, dee waut daut nich hilden, waut see ver mie vespruaken, woa ekj soo doonen, aus met daut Kaulf, woont see en twee Stekja schneeden un doa tweschen derch jinjen. 19De Rejierungsmana von Juda un von Jerusalem, de aunjestalde, de Priesta, un daut gaunze Volkj von jun Launt, waut tweschen dee twee halften von daut Kaulf derchjinjen, 20woa ekj en de Fiend, dee an nom Läwen stonen, äare Macht komen loten. Un äare Doodes woaren von de Väajel enne Loft un de Tieren oppe Stap vefräten woaren. #Jer 7,33 21Un Zedekia, de Kjennich von Juda un siene Rejierungsmana woa ekj en äare Fiend, dee an nom Läwen stonen, äare Macht jäwen. Un ekj woa an en de Macht von de Armee von däm Kjennich von Babel jäwen, dee sikj nu von junt trigjetrocken haft. #Jer 37,5 22Horcht mau. Ekj velang daut von an, sajcht de Har, un woa an wada trigj rom dise Staut brinjen. Un see woaren jäajen dise Staut kjamfen un jewennen, un woaren dee vebrennen. Un ekj woa de Städa von Juda to eene Wiltnis moaken, daut kjeena doa mea wonen woat. #Jer 37,8
Currently Selected:
Jeremia 34: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jeremia 34
34
Eene Woarnunk fa däm Kjennich
1De babelonischa Kjennich Nebukadnezar haud eene Armee von Mana ut aule Lenda oppe Ieed, un aule Velkja, dee hee en siene Macht haud. Un aus hee met dee rom Jerusalem, un de Städa doarom, jeloagat wia, kjrieech Jeremia dise Norecht vom Harn. #2Kjen 25,1-2; Jer 52,4 2Jeremia sull em Nomen von däm Harn, dee Israel äa Gott es, no Zedekia, däm Kjennich von Juda gonen, un am sajen, dit es waut de Har sajcht: Horch emol, ekj woa däm babelonischen Kjennich dise Staut enne Macht jäwen, un dee woat dee dolbrennen. #Jer 21,10 3Un du selfst, woascht nich von siene Macht wajchkomen. Du woascht faustjenomen woaren un ver am to stonen komen. Du woascht am met diene ieejne Uagen to seenen kjrieen, un woascht selfst met am räden. Un dan woascht du no Babel jenomen woaren. #Jer 32,4
4Oba horch waut de Har sajcht, Zedekia, Kjennich von Juda. Dit es waut de Har wäajen die sajcht: Du woascht nich met een Schwieet omjebrocht woaren. #(4 un 5) Jer 52,11 5Du woascht frädlich stoawen. Un see woaren een Fia aunstekjen un äwa dien Doot hielen un sajen: “Ons Kjennich es jestorwen”, krakjt soo aus see ieeschtemma fa dee Kjennichs deeden, dee ver diene Tiet läwden. Ekj jäw mien Wuat, daut dit soo woaren woat, sajcht de Har. #2Chr 16,14; Jer 22,18
6Un de Profeet Jeremia säd däm Kjennich Zedekia aul dit en Jerusalem, 7aus däm babelonischen Kjennich siene Armee jäajen Lachisch un Aseka un Jerusalem kjamfen deed. Daut wieren de Städa met huage Mieren, waut noch en Juda äwajebläwen wieren.
De waut Sklowen haben hoolen nich äa Wuat
8Een aundret mol kjrieech Jeremia eene Norecht von däm Harn, no däm daut de Kjennich Zedekia en Jerusalem met daut gaunze Volkj eenen Bunt jemoakt haud, un see jesajcht hauden, daut see aula wudden #Jer 34,14 9äare Sklowen, Mana uk Frues, dee Hebräa wieren, frieloten. Kjeene Menschen von Juda sullen eenen aundren Mensch, dee von sien ieejnet Volkj kjeem, aus Sklow hoolen. 10Un aule Rejierungsmana un de aundre vespruaken en dän Bunt, daut see äare Sklowen, beides de Mana un de Frues, frie loten wudden un nich mea aus Sklowen brucken. Un see leeten dee friegonen. 11Oba lota, hilden see daut Vespräakjen nich, un velangden daut de Mana un Frues, woone see friejeloten hauden, wada sullen aus äare Sklowen deenen.
12Dan kjrieech Jeremia dise Norecht vom Harn: 13Dit es waut de Har, dee Israel äa Gott es, sajcht: Ekj muak eenen Bunt met june Elren, aus ekj an ut Ägipten ut de Sklowarie brocht, un säd: 14En daut säwende Joa saul een jiedra, dee een Hebräa jekoft haft, däm frieloten. Wan dee sas Joa jedeent haft, sell jie am frieloten. Oba june Elren horchten nich no mie un deeden nich waut ekj säd. #2Mo 21,2; 3Mo 25,39-41; 5Mo 15,12 15Jie bekjanden nu, un deeden waut ekj aus rajcht sach, un säden to june Metmenschen see sullen friejeloten woaren. Un jie muaken eenen Bunt en daut Hus daut mient heet, daut jie daut doonen wudden. #3Mo 25,10 16Oba nu hab jie daut nich jehoolen, un haben eene Schaund opp mienen Nomen jebrocht. Een jiedra velangt wada, daut siene Sklowen sullen trigjkomen. Dee Mana un Frues, dee hee friejeloten haud, daut see doahan gonen kunnen wua see wullen, sullen an wada aus Sklowen deenen.
17Un doatoo sajcht de Har: Jie sent mie nich jehuarsom jewast, un jie haben kjeen Frieloten aunjesajcht fa june Metmenschen, dee jie hilden. Un nu woa ekj, sajcht de Har, een frieloten äwa junt utspräakjen. Jie woaren daut Schwieet un de Krankheit un de Hungaschnoot friejejäft woaren, daut aule Velkja oppe Welt daut schudren woat äwa junt. 18Un met dee Menschen, dee mienen Bunt veachten, dee waut daut nich hilden, waut see ver mie vespruaken, woa ekj soo doonen, aus met daut Kaulf, woont see en twee Stekja schneeden un doa tweschen derch jinjen. 19De Rejierungsmana von Juda un von Jerusalem, de aunjestalde, de Priesta, un daut gaunze Volkj von jun Launt, waut tweschen dee twee halften von daut Kaulf derchjinjen, 20woa ekj en de Fiend, dee an nom Läwen stonen, äare Macht komen loten. Un äare Doodes woaren von de Väajel enne Loft un de Tieren oppe Stap vefräten woaren. #Jer 7,33 21Un Zedekia, de Kjennich von Juda un siene Rejierungsmana woa ekj en äare Fiend, dee an nom Läwen stonen, äare Macht jäwen. Un ekj woa an en de Macht von de Armee von däm Kjennich von Babel jäwen, dee sikj nu von junt trigjetrocken haft. #Jer 37,5 22Horcht mau. Ekj velang daut von an, sajcht de Har, un woa an wada trigj rom dise Staut brinjen. Un see woaren jäajen dise Staut kjamfen un jewennen, un woaren dee vebrennen. Un ekj woa de Städa von Juda to eene Wiltnis moaken, daut kjeena doa mea wonen woat. #Jer 37,8
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.