Jeremia 28
28
Woonen Profeet sellen see jleewen?
1Un en daut selwje Joa, daut 5. Joa daut Zedekia Kjennich en Juda wia, enne 5. Moonat, räd Hananja, Assur sien Sän, een Profeet von Gibeon emol to Jeremia em Harn sien Hus. Doa ver de Priesta un daut gaunze Volkj säd hee, #2Chr 1,3.13 2daut de Har, dee aules rejieet, un Israel äa Gott es, haft jesajcht: Ekj hab daut Joch, woont de Kjennich von Babel opplajcht, tweijebroaken. 3Daut woat nich twee Joa dieren, bat ekj aul de Sachen von däm Harn sien Hus, woone Nebukadnezar, de Kjennich von Babel, von hia wajchjeschlapt un no Babel jenomen haft, wada woa trigj no dise Städ brinjen. #Jer 27,16 4Un ekj woa uk Jojachin, Jojakim sien Sän, dän Kjennich von Juda, un aul de aundre veschlapte von Juda, dee no Babel jegonen sent, trigjbrinjen no dise Städ, sajcht de Har, wiels ekj woa daut Joch von däm Kjennich von Babel tweibräakjen. #Jer 27,20
5Un doa ver de Priesta un daut gaunze Volkj, waut en däm Harn sien Hus wieren, säd de Profeet Jeremia to däm Profeet Hananja: 6Mucht daut soo sennen. Wan de Har daut doch doonen wudd! Lot däm Harn daut utfieren waut du jesajcht hast, un de Sachen, waut en däm Harn sien Hus jehieren, un de Menschen dee veschlapt sent, von Babel no dise Städ trigjbrinjen. 7Oba horch, no waut ekj to die un aul dise Menschen to sajen hab. 8De Profeeten, dee lang trigj, ver miene Tiet un ver diene Tiet, en ons Launt wieren, dee haben jäajen väle Lenda un wäajen groote Kjennichrikjs von Kjrich un Schoden un schlemme Krankheiten jeprofezeit. 9Oba wan een Profeet säd, daut goodet komen wudd, dan weet eena ieescht, wan daut soo utkjemt, auf de Profeet vom Harn jeschekjt es wast. #5Mo 18,21-22
10Dan neem de Profeet Hananja daut Joch von däm Profeet Jeremia siene Schulren, un bruak daut twei. #Jer 27,2 11Un Hananja säd ver aul de Menschen: De Har sajcht: Krakjt soo aus dit, un daut woat nich twee Joa dieren, woa ekj daut Joch von dän babelonischen Kjennich Nebukadnezar tweibräakjen, un de Velkja daut von de Schulren nämen. Un de Profeet Jeremia jinkj doa wieda. #Jer 29,10
12Nich lang no däm, daut de Profeet Hananja daut Joch von opp dän Profeet Jeremia siene Schulren tweijebroaken haud, kjrieech Jeremia dise Norecht von däm Harn. 13Hee sull no Hananja gonen un am sajen: Du hast daut heltana Joch tweijebroaken, sajcht de Har, oba en de Städ von daut heltane Joch, woascht du een iesanet kjrieen. 14Dit es waut de Har, dee aules rejieet, un Israel äa Gott es, sajcht: Ekj hab aul dise Velkja een iesanet Joch oppe Schulren jelajcht, soo daut see sikj to Nebukadnezar schekjen woaren un am deenen. Ekj hab däm Kjennich von Babel uk de Tieren oppe Stap hanjestalt. #5Mo 28,48; Jer 27,6
15Un de Profeet Jeremia säd to däm Profeet Hananja: Horch emol, Hananja. De Har haft die nich jeschekjt, un du moakst dit Volkj soont jleewen, waut nich soo es. 16Un doawäajen sajcht de Har, du saust oppaussen. Hee woat die, von mank dee waut läwen, wajchnämen. Du woascht dit Joa stoawen, wiels du hast an jäajen däm Harn jesat, met daut waut du jesajcht hast. 17Un Hananja storf en de säwende Moonat von daut selwje Joa.
Currently Selected:
Jeremia 28: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jeremia 28
28
Woonen Profeet sellen see jleewen?
1Un en daut selwje Joa, daut 5. Joa daut Zedekia Kjennich en Juda wia, enne 5. Moonat, räd Hananja, Assur sien Sän, een Profeet von Gibeon emol to Jeremia em Harn sien Hus. Doa ver de Priesta un daut gaunze Volkj säd hee, #2Chr 1,3.13 2daut de Har, dee aules rejieet, un Israel äa Gott es, haft jesajcht: Ekj hab daut Joch, woont de Kjennich von Babel opplajcht, tweijebroaken. 3Daut woat nich twee Joa dieren, bat ekj aul de Sachen von däm Harn sien Hus, woone Nebukadnezar, de Kjennich von Babel, von hia wajchjeschlapt un no Babel jenomen haft, wada woa trigj no dise Städ brinjen. #Jer 27,16 4Un ekj woa uk Jojachin, Jojakim sien Sän, dän Kjennich von Juda, un aul de aundre veschlapte von Juda, dee no Babel jegonen sent, trigjbrinjen no dise Städ, sajcht de Har, wiels ekj woa daut Joch von däm Kjennich von Babel tweibräakjen. #Jer 27,20
5Un doa ver de Priesta un daut gaunze Volkj, waut en däm Harn sien Hus wieren, säd de Profeet Jeremia to däm Profeet Hananja: 6Mucht daut soo sennen. Wan de Har daut doch doonen wudd! Lot däm Harn daut utfieren waut du jesajcht hast, un de Sachen, waut en däm Harn sien Hus jehieren, un de Menschen dee veschlapt sent, von Babel no dise Städ trigjbrinjen. 7Oba horch, no waut ekj to die un aul dise Menschen to sajen hab. 8De Profeeten, dee lang trigj, ver miene Tiet un ver diene Tiet, en ons Launt wieren, dee haben jäajen väle Lenda un wäajen groote Kjennichrikjs von Kjrich un Schoden un schlemme Krankheiten jeprofezeit. 9Oba wan een Profeet säd, daut goodet komen wudd, dan weet eena ieescht, wan daut soo utkjemt, auf de Profeet vom Harn jeschekjt es wast. #5Mo 18,21-22
10Dan neem de Profeet Hananja daut Joch von däm Profeet Jeremia siene Schulren, un bruak daut twei. #Jer 27,2 11Un Hananja säd ver aul de Menschen: De Har sajcht: Krakjt soo aus dit, un daut woat nich twee Joa dieren, woa ekj daut Joch von dän babelonischen Kjennich Nebukadnezar tweibräakjen, un de Velkja daut von de Schulren nämen. Un de Profeet Jeremia jinkj doa wieda. #Jer 29,10
12Nich lang no däm, daut de Profeet Hananja daut Joch von opp dän Profeet Jeremia siene Schulren tweijebroaken haud, kjrieech Jeremia dise Norecht von däm Harn. 13Hee sull no Hananja gonen un am sajen: Du hast daut heltana Joch tweijebroaken, sajcht de Har, oba en de Städ von daut heltane Joch, woascht du een iesanet kjrieen. 14Dit es waut de Har, dee aules rejieet, un Israel äa Gott es, sajcht: Ekj hab aul dise Velkja een iesanet Joch oppe Schulren jelajcht, soo daut see sikj to Nebukadnezar schekjen woaren un am deenen. Ekj hab däm Kjennich von Babel uk de Tieren oppe Stap hanjestalt. #5Mo 28,48; Jer 27,6
15Un de Profeet Jeremia säd to däm Profeet Hananja: Horch emol, Hananja. De Har haft die nich jeschekjt, un du moakst dit Volkj soont jleewen, waut nich soo es. 16Un doawäajen sajcht de Har, du saust oppaussen. Hee woat die, von mank dee waut läwen, wajchnämen. Du woascht dit Joa stoawen, wiels du hast an jäajen däm Harn jesat, met daut waut du jesajcht hast. 17Un Hananja storf en de säwende Moonat von daut selwje Joa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.