Rechta 8
8
1De Mana von Efraim säden to Gideon: Wuarom deetst du ons daut aun, daut du ons nich roopst, aus du toom Kaumf jäajen de Midianita jinjst? Un see zankten sikj jrintlich met am. #Rech 12,1 2Hee säd oba to an: Waut hab ekj nu jedonen, waut met junt to vejlikjen es? Es nich daut noläsen von Efraim bäta aus de gaunze Wienarnt von Abieser? #Rech 6,11.15 3Gott haft de Midianita äare Volkjsleida, Oreb un Seeb en june Henj jejäft. Waut hab ekj doonen kunt, em vejlikj met daut waut jie jedonen haben? Aus hee daut säd, leet äa Oaja äwa am no.
Gideon besiecht de äwaje Midianita
4Gideon wia met de 300 Mana, waut bie am wieren, äwa däm Jordan jekomen. Un wiels see von de Vefoljunk gaunz meed wieren, 5säd hee to de Mana von de Staut Sukkot: Jäft miene Mana, waut mie oppe Haken foljen, Broot, wiels see sent gaunz meed, un ekj mott de Midianita Kjennichs, Sebach un Zalmunna, hinjaraun joagen. #1Mo 33,17 6Oba de väaschte Mana von Sukkot säden: Sent Sebach un Zalmunna äare Fusten aul en diene Henj, daut wie diene Truppen Broot jäwen sellen? 7Dan säd Gideon: Goot, wan de Har Sebach un Zalmunna en miene Jewault jeft, well ekj jun Fleesch met Spekjasch ut de Wiltnis un met Spekjapitschen vedraschen! 8Un hee jinkj von dort nopp no Pnuel un fruach uk dort no Broot, oba de Mana von de Staut auntwuaden am krakjt soo aus de Mana von Sukkot. 9Un hee säd uk to de Lied von Pnuel: Wan ekj heel trigjkom, well ekj disen Schutzplauz dolrieten!
10Sebach un Zalmunna oba hauden sikj met äa Häa von de Menschen vom Oosten en Karkor jeloagat. 15.000 Mana wieren an von äa gaunzet Häa noch jebläwen, un 120.000 wieren en dän Kaumf to dood jekomen. 11Un Gideon nodad sikj an opp dän Wajch von dee, dee en Zelten wonden, waut aun de oostne Kaunt Nobach un Jogboha jeit. Un wiels de Midianita jleewden en Sechaheit to sennen, äwafoll hee dee gaunz onen daut see doamet jeräakjent hauden. 12Un Sebach un Zalmunna vesochten wajchtokomen; oba hee vefoljd an un neem de beid Midianita Kjennichs faust, Sebach un Zalmunna, un vesprenjd daut gaunze Häa daut see utenaunda randen.
Gideon deit sikj aufrajchnen
13Aus Gideon, Joasch sien Sän, vom Kaumf trigjkjeem un de Stiej von Heres raufjinkj, 14jreep hee sikj eenen Jung von de Staut Sukkot un forscht däm ut. Dee schreef am de väaschte Mana un de Leida von de Staut opp, aules toop 77 Nomes. 15Un aus hee no Sukkot kjeem, säd hee to de Mana von de Staut: Kjikjt, hia sent Sebach un Zalmunna, wuawäajen jie mie vespotten deeden, un säden: Hast du Sebach un Zalmunna äare Fusten aul en diene Henj, daut wie diene Lied, waut meed sent, Broot jäwen sellen? 16Un hee jreep sikj de väaschte Mana von de Staut un hold spekjaje Stakja ut de Wiltnis un vedrascht de Mana von Sukkot doamet. 17Un dän Schutzplauz von Pnuel leet hee dolrieten un de Mana von de Staut ombrinjen.
18Gideon fruach Sebach un Zalmunna: Wäm likjenden de Mana, waut jie opp dän Boajch Tabor dootjemoakt haben? See auntwuaden: Dee likjenden krakjt die, an leet daut aula no Kjennichsäns. 19Un hee säd: Daut sent miene Breeda, miene Mutta äare Säns, jewast. Soo secha aus de Har läft: Wan jie dee läwen jeloten hauden, wudd ekj junt nich doot moaken. #4Mo 35,31 20Un hee säd to sienen ieeschtjebuarnen Sän Jeter: Sto opp un schlo dee doot! Oba de Jung trock sien Schwieet nich ut de Scheed; hee fercht sikj, wiels hee noch soo junk wia. 21Sebach un Zalmunna oba säden: Moak du die opp un doo daut selfst! Wiels soo aus de Maun es, soo es uk siene Krauft! Dan stunt Gideon opp un schluach Sebach un Zalmunna doot. Un hee neem sikj de goldne Haulfmonen, waut aun de Halsa von äare Kameelen hongen.
Gideon länt daut auf, aus Kjennich jeieet to woaren
22Dan säden de Mana von Israel to Gideon: Sie du Kjennich äwa ons, du un dien Sän un dien Grootsän no die! Wiels du ons ut de Midianita äare Jewault jerat hast. 23Oba Gideon säd to an: Ekj well nich Kjennich äwa junt sennen, un mien Sän saul uk nich Kjennich äwa junt sennen; de Har saul äwa junt rejieren! 24Gideon oba säd to an: Eent velang ekj von junt: Jäft mie de Uarinj, waut jie em Kjrich jesaumelt haben! Wiels de besiejde Fiend Ismaeliten wieren, hauden dee goldne Uarinj jedroacht. 25See auntwuaden: Dee jäw wie die jieren. Un see spreeden een Äwatrakjsel ut, un jieda eena schmeet siene enjesaumelde Rinj doanopp. 26Un daut Golt von de Rinj, waut hee jefoddat haud, wuach meist 20 Kilo, onen de kjliene Monen un Uarinj un Kjennichskjleeda, waut de Midianita äare Kjennichs jedroacht hauden, un dän Schmuck aun de Halsa von äare Kameelen. #4Mo 31,50 27Un Gideon muak von daut Golt eenen Efod un stald däm en siene Heimatstaut Ofra opp. Un gaunz Israel kjeem dort han, un bäd daut Bilt aun un wort däm Harn soo aus daut ontru. Un daut wia, waut Gideon un siene Famielje toom Schoden wia. #Rech 17,5
Gideon sien Doot. Israel woat wada ontru
28Soo worden de Midianita jedwungen sikj ver de Israeliten to bekjen; un see kunnen sikj nich mea jäajen Israel erhäwen, soolang aus Gideon läwd. Un daut Launt haud 40 Joa Fräd. #Rech 3,11; 5,31
29Un Jerubaal, Joasch sien Sän, jinkj trigj no sien Hus un wond doa. 30Un hee haud 70 Säns, wiels hee väl Frues haud. 31Uk siene Näbenfru, waut hee en Sichem haud, brocht am eenen Sän to Welt; däm nand hee Abimelech. 32Un Gideon, Joasch sien Sän, storf aus hee gaunz oolt wia un wort en de Graufstäd von sienen Voda Joasch en Ofra, opp daut Launt von Abieser siene Volkjsgrupp, begroft. #Rech 6,11
33Aus Gideon ieescht jestorwen wia, randen de Israeliten vom nieen de Baal Jetta hinjaraun un muaken sikj dän Baal Berit to äaren Gott, #Rech 2,11; 9,4 34un vegauten däm Harn, äaren Gott, waut an ut de Jewault von aul äare Fiend runtom jerat haud. 35Uk Gideon siene Nokomen betolden see de groote Doten, waut Gideon fa Israel jedonen haud, met Ondankboakjeit. #Rech 9,5.19.24
Currently Selected:
Rechta 8: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Rechta 8
8
1De Mana von Efraim säden to Gideon: Wuarom deetst du ons daut aun, daut du ons nich roopst, aus du toom Kaumf jäajen de Midianita jinjst? Un see zankten sikj jrintlich met am. #Rech 12,1 2Hee säd oba to an: Waut hab ekj nu jedonen, waut met junt to vejlikjen es? Es nich daut noläsen von Efraim bäta aus de gaunze Wienarnt von Abieser? #Rech 6,11.15 3Gott haft de Midianita äare Volkjsleida, Oreb un Seeb en june Henj jejäft. Waut hab ekj doonen kunt, em vejlikj met daut waut jie jedonen haben? Aus hee daut säd, leet äa Oaja äwa am no.
Gideon besiecht de äwaje Midianita
4Gideon wia met de 300 Mana, waut bie am wieren, äwa däm Jordan jekomen. Un wiels see von de Vefoljunk gaunz meed wieren, 5säd hee to de Mana von de Staut Sukkot: Jäft miene Mana, waut mie oppe Haken foljen, Broot, wiels see sent gaunz meed, un ekj mott de Midianita Kjennichs, Sebach un Zalmunna, hinjaraun joagen. #1Mo 33,17 6Oba de väaschte Mana von Sukkot säden: Sent Sebach un Zalmunna äare Fusten aul en diene Henj, daut wie diene Truppen Broot jäwen sellen? 7Dan säd Gideon: Goot, wan de Har Sebach un Zalmunna en miene Jewault jeft, well ekj jun Fleesch met Spekjasch ut de Wiltnis un met Spekjapitschen vedraschen! 8Un hee jinkj von dort nopp no Pnuel un fruach uk dort no Broot, oba de Mana von de Staut auntwuaden am krakjt soo aus de Mana von Sukkot. 9Un hee säd uk to de Lied von Pnuel: Wan ekj heel trigjkom, well ekj disen Schutzplauz dolrieten!
10Sebach un Zalmunna oba hauden sikj met äa Häa von de Menschen vom Oosten en Karkor jeloagat. 15.000 Mana wieren an von äa gaunzet Häa noch jebläwen, un 120.000 wieren en dän Kaumf to dood jekomen. 11Un Gideon nodad sikj an opp dän Wajch von dee, dee en Zelten wonden, waut aun de oostne Kaunt Nobach un Jogboha jeit. Un wiels de Midianita jleewden en Sechaheit to sennen, äwafoll hee dee gaunz onen daut see doamet jeräakjent hauden. 12Un Sebach un Zalmunna vesochten wajchtokomen; oba hee vefoljd an un neem de beid Midianita Kjennichs faust, Sebach un Zalmunna, un vesprenjd daut gaunze Häa daut see utenaunda randen.
Gideon deit sikj aufrajchnen
13Aus Gideon, Joasch sien Sän, vom Kaumf trigjkjeem un de Stiej von Heres raufjinkj, 14jreep hee sikj eenen Jung von de Staut Sukkot un forscht däm ut. Dee schreef am de väaschte Mana un de Leida von de Staut opp, aules toop 77 Nomes. 15Un aus hee no Sukkot kjeem, säd hee to de Mana von de Staut: Kjikjt, hia sent Sebach un Zalmunna, wuawäajen jie mie vespotten deeden, un säden: Hast du Sebach un Zalmunna äare Fusten aul en diene Henj, daut wie diene Lied, waut meed sent, Broot jäwen sellen? 16Un hee jreep sikj de väaschte Mana von de Staut un hold spekjaje Stakja ut de Wiltnis un vedrascht de Mana von Sukkot doamet. 17Un dän Schutzplauz von Pnuel leet hee dolrieten un de Mana von de Staut ombrinjen.
18Gideon fruach Sebach un Zalmunna: Wäm likjenden de Mana, waut jie opp dän Boajch Tabor dootjemoakt haben? See auntwuaden: Dee likjenden krakjt die, an leet daut aula no Kjennichsäns. 19Un hee säd: Daut sent miene Breeda, miene Mutta äare Säns, jewast. Soo secha aus de Har läft: Wan jie dee läwen jeloten hauden, wudd ekj junt nich doot moaken. #4Mo 35,31 20Un hee säd to sienen ieeschtjebuarnen Sän Jeter: Sto opp un schlo dee doot! Oba de Jung trock sien Schwieet nich ut de Scheed; hee fercht sikj, wiels hee noch soo junk wia. 21Sebach un Zalmunna oba säden: Moak du die opp un doo daut selfst! Wiels soo aus de Maun es, soo es uk siene Krauft! Dan stunt Gideon opp un schluach Sebach un Zalmunna doot. Un hee neem sikj de goldne Haulfmonen, waut aun de Halsa von äare Kameelen hongen.
Gideon länt daut auf, aus Kjennich jeieet to woaren
22Dan säden de Mana von Israel to Gideon: Sie du Kjennich äwa ons, du un dien Sän un dien Grootsän no die! Wiels du ons ut de Midianita äare Jewault jerat hast. 23Oba Gideon säd to an: Ekj well nich Kjennich äwa junt sennen, un mien Sän saul uk nich Kjennich äwa junt sennen; de Har saul äwa junt rejieren! 24Gideon oba säd to an: Eent velang ekj von junt: Jäft mie de Uarinj, waut jie em Kjrich jesaumelt haben! Wiels de besiejde Fiend Ismaeliten wieren, hauden dee goldne Uarinj jedroacht. 25See auntwuaden: Dee jäw wie die jieren. Un see spreeden een Äwatrakjsel ut, un jieda eena schmeet siene enjesaumelde Rinj doanopp. 26Un daut Golt von de Rinj, waut hee jefoddat haud, wuach meist 20 Kilo, onen de kjliene Monen un Uarinj un Kjennichskjleeda, waut de Midianita äare Kjennichs jedroacht hauden, un dän Schmuck aun de Halsa von äare Kameelen. #4Mo 31,50 27Un Gideon muak von daut Golt eenen Efod un stald däm en siene Heimatstaut Ofra opp. Un gaunz Israel kjeem dort han, un bäd daut Bilt aun un wort däm Harn soo aus daut ontru. Un daut wia, waut Gideon un siene Famielje toom Schoden wia. #Rech 17,5
Gideon sien Doot. Israel woat wada ontru
28Soo worden de Midianita jedwungen sikj ver de Israeliten to bekjen; un see kunnen sikj nich mea jäajen Israel erhäwen, soolang aus Gideon läwd. Un daut Launt haud 40 Joa Fräd. #Rech 3,11; 5,31
29Un Jerubaal, Joasch sien Sän, jinkj trigj no sien Hus un wond doa. 30Un hee haud 70 Säns, wiels hee väl Frues haud. 31Uk siene Näbenfru, waut hee en Sichem haud, brocht am eenen Sän to Welt; däm nand hee Abimelech. 32Un Gideon, Joasch sien Sän, storf aus hee gaunz oolt wia un wort en de Graufstäd von sienen Voda Joasch en Ofra, opp daut Launt von Abieser siene Volkjsgrupp, begroft. #Rech 6,11
33Aus Gideon ieescht jestorwen wia, randen de Israeliten vom nieen de Baal Jetta hinjaraun un muaken sikj dän Baal Berit to äaren Gott, #Rech 2,11; 9,4 34un vegauten däm Harn, äaren Gott, waut an ut de Jewault von aul äare Fiend runtom jerat haud. 35Uk Gideon siene Nokomen betolden see de groote Doten, waut Gideon fa Israel jedonen haud, met Ondankboakjeit. #Rech 9,5.19.24
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.