Rechta 2
2
Däm Harn sien Enjel dreift Israel
1Däm Harn sien Enjel kjeem von Gilgal no Bochim un säd: Ekj hab junt ut Ägipten rutjebrocht un en dit Launt jebrocht, waut ekj june Vodasch jeschwuaren hab, un jesajcht, ekj wull mienen Bunt met junt niemols bräakjen. 2Jie sullen oba kjeenen Bunt met de Enwona von dit Launt moaken, un äare Aultoaren sull jie dolrieten. Oba jie haben mie nich jehorcht. Wuarom deed jie daut? #5Mo 7,2-5 3Doawäajen saj ekj nu: Ekj woa dee nich ver junt vedriewen! See woaren junt to Pitschen opp junen Rigjen woaren un äare Jetta woaren fa jun to eene Faul woaren. #Jos 23,13 4Un aus däm Harn sien Enjel dise Wieed to gaunz Israel jesajcht haud, funk daut gaunze Volkj aun to hielen. 5Doawäajen kjrieech dee Städ dän Nomen Bochim (de Hielende). Un see brochten däm Harn dort Opfa.
Woo Israel Gott en de Rechtatiet ontru wia
6Aus Josua daut Volkj haud gonen loten, wieren de Israeliten trigjegonen, een jiedra no sien Oafgoot, om daut Launt entonämen. #(6-10) Jos 24,29-31 7Daut Volkj deend däm Harn soolang aus Josua läwd, un uk noch lang no Josua sienen Doot, soolang aus doa Volkjsleida läwden, dee däm Harn siene groote Wunda aula jeseenen hauden, waut hee aun Israel jedonen haud. 8Josua, Nun sien Sän, däm Harn sien Deena, storf aus hee 110 Joa oolt wia. 9Un see begrowden am opp sien Oafgoot en Timnat Heres opp daut Boajlaunt en Efraim, nom Nuaden han vom Boajch Gaasch. 10Aus aul dee, dee to dee Tiet jeläft hauden, jestorwen wieren, woss eene aundre Jennerazion opp, waut däm Harn nich kjanden un siene groote Doten nich meterläft hauden. 11Dan deeden de Israeliten soont, waut däm Harn schlajcht jefoll, un deenden däm Aufgott Baal. 12See veleeten dän Harn, äare Vodasch äaren Gott, waut an ut Ägipten rutjebrocht haud, un foljden aundre Jetta no. See fungen aun, äare Nobavelkja äare Jetta auntobäden, un foddaden doamet däm Harn sienen Oaja rut. 13See veleeten däm Harn gaunz un deenden däm Gott Baal un de Jettin Astarte. 14Dan brend däm Harn sien Oaja äwa Israel opp, un hee jeef an en de Reibasch äare Henj. Dee äwafollen un bestolen an, un vekoften an aun äare fientliche Nobavelkja. Un see kunnen jäajen äare Fiend nich mea bestonen. 15Emma wan see toom Kaumf jinjen, wia däm Harn siene Haunt jäajen an, soo daut an nuscht jlekjt. Daut wia krakjt soo aus de Har an daut jesajcht un jeschwuaren haud. Un see worden hoat unjadrekjt. #3Mo 26,17; 5Mo 2,15; 28,20; 1Sam 12,15 16De Har roopt Rechta opp, waut an ut de Reibasch äare Henj raden deeden. #Apost 13,20 17Oba see jehorchten de Rechta uk nich, un randen bloos aundre Jetta hinjaraun un bäden dee aun. Soo schwind kjeemen see wada vom rajchten Wajch auf un jehorchten nich mea däm Harn siene Jebooten, soo aus äare Vodasch daut jedonen hauden. 18Wan de Har an eenen Rechta jeef, dan stunt de Har däm Rechta bie, un rad an ut de Jewault von äare Fiend, soolang aus de Rechta läwd. Däm Harn jaumad daut äwa äa kloagen wäajen dee, dee an unjadrekjten un kjwälden. 19Wan oba de Rechta ieescht jestorwen wia, dan follen see wada auf un muaken daut oaja met aundre Jetta nofoljen, deenen un aunbäden, aus äare Vodasch. See hieeden nich opp met äare schlajchte Woakjen un äa stieekopjet Läwen. #2Mo 32,9 20Doawäajen funk däm Harn sien Oaja äwa Israel aun to brennen, un hee säd: Wiels dit Volkj mie nich jehorcht un mienen Bunt emma wada brakjt, waut ekj met äare Vodasch jeschloten hab, 21woa ekj wiedahan kjeene Velkja mea utem Launt Kanaan vedriewen. De Velkja, waut Josua aul nich besiejen kunn ea hee storf, 22lot ekj em Launt, om de Israeliten oppe Proow to stalen, auf see däm Harn sienen Wajch jehorchen wellen, soo aus äare Vodasch, ooda nich. #5Mo 8,2; Rech 3,1.4 23Doawäajen leet de Har dise Velkja em Launt äwa, waut hee nich en Josua siene Macht jejäft haud, un deed dee nich fuaz vedriewen. #Rech 1,28; Psa 106,34
Currently Selected:
Rechta 2: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Rechta 2
2
Däm Harn sien Enjel dreift Israel
1Däm Harn sien Enjel kjeem von Gilgal no Bochim un säd: Ekj hab junt ut Ägipten rutjebrocht un en dit Launt jebrocht, waut ekj june Vodasch jeschwuaren hab, un jesajcht, ekj wull mienen Bunt met junt niemols bräakjen. 2Jie sullen oba kjeenen Bunt met de Enwona von dit Launt moaken, un äare Aultoaren sull jie dolrieten. Oba jie haben mie nich jehorcht. Wuarom deed jie daut? #5Mo 7,2-5 3Doawäajen saj ekj nu: Ekj woa dee nich ver junt vedriewen! See woaren junt to Pitschen opp junen Rigjen woaren un äare Jetta woaren fa jun to eene Faul woaren. #Jos 23,13 4Un aus däm Harn sien Enjel dise Wieed to gaunz Israel jesajcht haud, funk daut gaunze Volkj aun to hielen. 5Doawäajen kjrieech dee Städ dän Nomen Bochim (de Hielende). Un see brochten däm Harn dort Opfa.
Woo Israel Gott en de Rechtatiet ontru wia
6Aus Josua daut Volkj haud gonen loten, wieren de Israeliten trigjegonen, een jiedra no sien Oafgoot, om daut Launt entonämen. #(6-10) Jos 24,29-31 7Daut Volkj deend däm Harn soolang aus Josua läwd, un uk noch lang no Josua sienen Doot, soolang aus doa Volkjsleida läwden, dee däm Harn siene groote Wunda aula jeseenen hauden, waut hee aun Israel jedonen haud. 8Josua, Nun sien Sän, däm Harn sien Deena, storf aus hee 110 Joa oolt wia. 9Un see begrowden am opp sien Oafgoot en Timnat Heres opp daut Boajlaunt en Efraim, nom Nuaden han vom Boajch Gaasch. 10Aus aul dee, dee to dee Tiet jeläft hauden, jestorwen wieren, woss eene aundre Jennerazion opp, waut däm Harn nich kjanden un siene groote Doten nich meterläft hauden. 11Dan deeden de Israeliten soont, waut däm Harn schlajcht jefoll, un deenden däm Aufgott Baal. 12See veleeten dän Harn, äare Vodasch äaren Gott, waut an ut Ägipten rutjebrocht haud, un foljden aundre Jetta no. See fungen aun, äare Nobavelkja äare Jetta auntobäden, un foddaden doamet däm Harn sienen Oaja rut. 13See veleeten däm Harn gaunz un deenden däm Gott Baal un de Jettin Astarte. 14Dan brend däm Harn sien Oaja äwa Israel opp, un hee jeef an en de Reibasch äare Henj. Dee äwafollen un bestolen an, un vekoften an aun äare fientliche Nobavelkja. Un see kunnen jäajen äare Fiend nich mea bestonen. 15Emma wan see toom Kaumf jinjen, wia däm Harn siene Haunt jäajen an, soo daut an nuscht jlekjt. Daut wia krakjt soo aus de Har an daut jesajcht un jeschwuaren haud. Un see worden hoat unjadrekjt. #3Mo 26,17; 5Mo 2,15; 28,20; 1Sam 12,15 16De Har roopt Rechta opp, waut an ut de Reibasch äare Henj raden deeden. #Apost 13,20 17Oba see jehorchten de Rechta uk nich, un randen bloos aundre Jetta hinjaraun un bäden dee aun. Soo schwind kjeemen see wada vom rajchten Wajch auf un jehorchten nich mea däm Harn siene Jebooten, soo aus äare Vodasch daut jedonen hauden. 18Wan de Har an eenen Rechta jeef, dan stunt de Har däm Rechta bie, un rad an ut de Jewault von äare Fiend, soolang aus de Rechta läwd. Däm Harn jaumad daut äwa äa kloagen wäajen dee, dee an unjadrekjten un kjwälden. 19Wan oba de Rechta ieescht jestorwen wia, dan follen see wada auf un muaken daut oaja met aundre Jetta nofoljen, deenen un aunbäden, aus äare Vodasch. See hieeden nich opp met äare schlajchte Woakjen un äa stieekopjet Läwen. #2Mo 32,9 20Doawäajen funk däm Harn sien Oaja äwa Israel aun to brennen, un hee säd: Wiels dit Volkj mie nich jehorcht un mienen Bunt emma wada brakjt, waut ekj met äare Vodasch jeschloten hab, 21woa ekj wiedahan kjeene Velkja mea utem Launt Kanaan vedriewen. De Velkja, waut Josua aul nich besiejen kunn ea hee storf, 22lot ekj em Launt, om de Israeliten oppe Proow to stalen, auf see däm Harn sienen Wajch jehorchen wellen, soo aus äare Vodasch, ooda nich. #5Mo 8,2; Rech 3,1.4 23Doawäajen leet de Har dise Velkja em Launt äwa, waut hee nich en Josua siene Macht jejäft haud, un deed dee nich fuaz vedriewen. #Rech 1,28; Psa 106,34
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.