Jakobus 5
5
De rikje woarnen
1Jie rikje, horcht emol häa. Hielt un jaumarieet äwa de beese Tiet, dee äwa junt komen woat. #Luk 6,24-25 2Jun Rikjtum es vefult, un june Kjleeda sent von Motten vefräten. 3Jun Golt un Selwa es verostat, un de Rosta es een Tieekjen jäajen junt un woat jun Fleesch fräten, soo aus Fia daut deit. Jie haben junt en dise latste Doag rikja un rikja jemoakt. 4Denkjt doaraun, dee Loon von de Oabeida, dee june Arnten enjebrocht haben, waut jie an nich utjetolt un fa junt behoolen haben, dee schricht nom Himmel jäajen junt, un de Har äwa aules haft de Drascha äa kloagen jehieet. #5Mo 24,14-15 5Jie haben opp dise Ieed huachhäa un gaunz no june Lost jeläft, un haben junt selfst fatjemoakt toom Schlachtdach! #Luk 16,19.25 6Jie haben jerajchte veuadeelt un dootjemoakt, un dee haben sikj nich jäajen junt jewäat. #Jak 2,6
Siet jeduldich un aunhoolent em Jebäd
7Breeda, blieft jeduldich bat ons Har kjemt. Seet emol, een Bua luat no siene scheene Arnt. Hee mott oba jeduldich luaren bat dee dän farjoasch Räajen un dän Hoafst Räajen jekjräajen haft. #Luk 21,19; Heb 10,36 8Soo blieft jeduldich un moakt june Hoaten stoakj, wiels Jesus woat boolt wadakomen. 9Breeda, kloacht nich eena jäajen dän aundren, daut jie nich veuadeelt woaren. De Rechta steit aul ver de Däa. 10Kjikjt no de Profeeten, dee em Harn sienen Nomen jerät haben. Dee sent ons een Väabilt, woo dee äare Lieden jeduldich jedroacht haben. #Mat 5,12 11Wie spräakjen dee seelich, dee jeduldich doabie jebläwen sent. Von Hiob siene Jedult hab jie jehieet, un jie haben jeseenen, woo de Har daut nohäa met am muak. De Har es metliedent un erboarmt sikj. #Hiob 1,21; 42,10-16
12Un äwa aules, miene Breeda, doot nich schwieren, nich biem Himmel uk nich bie de Ieed, uk nich met irjent een aundren Eit. Jun Jo saul Jo, un jun Nä saul Nä sennen. Dan woat Gott junt nich veuadeelen. #Mat 5,34-37
Daut Jebäd fa de kranke
13Mott wäa von junt lieden, dan lot am bäden. Es wäa jlekjlich, dan lot am Dankleeda sinjen. #Psa 50,15; Kol 3,16 14Es von junt wäa krank, dan lot de Eltestasch von de Jemeent komen un äwa am bäden un am en Jesus sienen Nomen met Eelj bedeenen. #Mrk 6,13 15Un daut Jebäd em Gloowen woat dän kranken halpen, un de Har woat am opprechten, un wan hee Sind begonen haft, dee woat am vejäft woaren. #Mrk 16,18 16Bekjant june Sinden eena toom aundren un bät eena fa dän aundren, daut jie kjennen jeheelt woaren. Daut Jebäd von eenem jerajchten kaun väl utrechten, wan daut opp iernst es. #Apost 12,5 17Elia wia een schwaka Mensch soo aus wie. Hee bäd iernstlich doarom, daut et nich räajnen sull, un daut räajend nich dree Joa un sas Moonat. #1Kjen 17,1; Luk 4,25 18Un aus hee wada bäd, jeef de Himmel dän Räajen un de Ieed brocht wada äare Frucht. #1Kjen 18,41-45
19Miene Breeda, wan wäa von junt von de Woarheit wajchbiestren wudd, un een aundra am dan trigjbrinjen wudd, #Gal 6,1 20dan saul dee weeten, wäa dän Sinda von sienem Errwajch omjeholt haft, dee woat siene Seel vom Doot raden un woat väl Sinden toodakjen. #Psa 51,15; Spr 10,12; 1Pet 4,8
Currently Selected:
Jakobus 5: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jakobus 5
5
De rikje woarnen
1Jie rikje, horcht emol häa. Hielt un jaumarieet äwa de beese Tiet, dee äwa junt komen woat. #Luk 6,24-25 2Jun Rikjtum es vefult, un june Kjleeda sent von Motten vefräten. 3Jun Golt un Selwa es verostat, un de Rosta es een Tieekjen jäajen junt un woat jun Fleesch fräten, soo aus Fia daut deit. Jie haben junt en dise latste Doag rikja un rikja jemoakt. 4Denkjt doaraun, dee Loon von de Oabeida, dee june Arnten enjebrocht haben, waut jie an nich utjetolt un fa junt behoolen haben, dee schricht nom Himmel jäajen junt, un de Har äwa aules haft de Drascha äa kloagen jehieet. #5Mo 24,14-15 5Jie haben opp dise Ieed huachhäa un gaunz no june Lost jeläft, un haben junt selfst fatjemoakt toom Schlachtdach! #Luk 16,19.25 6Jie haben jerajchte veuadeelt un dootjemoakt, un dee haben sikj nich jäajen junt jewäat. #Jak 2,6
Siet jeduldich un aunhoolent em Jebäd
7Breeda, blieft jeduldich bat ons Har kjemt. Seet emol, een Bua luat no siene scheene Arnt. Hee mott oba jeduldich luaren bat dee dän farjoasch Räajen un dän Hoafst Räajen jekjräajen haft. #Luk 21,19; Heb 10,36 8Soo blieft jeduldich un moakt june Hoaten stoakj, wiels Jesus woat boolt wadakomen. 9Breeda, kloacht nich eena jäajen dän aundren, daut jie nich veuadeelt woaren. De Rechta steit aul ver de Däa. 10Kjikjt no de Profeeten, dee em Harn sienen Nomen jerät haben. Dee sent ons een Väabilt, woo dee äare Lieden jeduldich jedroacht haben. #Mat 5,12 11Wie spräakjen dee seelich, dee jeduldich doabie jebläwen sent. Von Hiob siene Jedult hab jie jehieet, un jie haben jeseenen, woo de Har daut nohäa met am muak. De Har es metliedent un erboarmt sikj. #Hiob 1,21; 42,10-16
12Un äwa aules, miene Breeda, doot nich schwieren, nich biem Himmel uk nich bie de Ieed, uk nich met irjent een aundren Eit. Jun Jo saul Jo, un jun Nä saul Nä sennen. Dan woat Gott junt nich veuadeelen. #Mat 5,34-37
Daut Jebäd fa de kranke
13Mott wäa von junt lieden, dan lot am bäden. Es wäa jlekjlich, dan lot am Dankleeda sinjen. #Psa 50,15; Kol 3,16 14Es von junt wäa krank, dan lot de Eltestasch von de Jemeent komen un äwa am bäden un am en Jesus sienen Nomen met Eelj bedeenen. #Mrk 6,13 15Un daut Jebäd em Gloowen woat dän kranken halpen, un de Har woat am opprechten, un wan hee Sind begonen haft, dee woat am vejäft woaren. #Mrk 16,18 16Bekjant june Sinden eena toom aundren un bät eena fa dän aundren, daut jie kjennen jeheelt woaren. Daut Jebäd von eenem jerajchten kaun väl utrechten, wan daut opp iernst es. #Apost 12,5 17Elia wia een schwaka Mensch soo aus wie. Hee bäd iernstlich doarom, daut et nich räajnen sull, un daut räajend nich dree Joa un sas Moonat. #1Kjen 17,1; Luk 4,25 18Un aus hee wada bäd, jeef de Himmel dän Räajen un de Ieed brocht wada äare Frucht. #1Kjen 18,41-45
19Miene Breeda, wan wäa von junt von de Woarheit wajchbiestren wudd, un een aundra am dan trigjbrinjen wudd, #Gal 6,1 20dan saul dee weeten, wäa dän Sinda von sienem Errwajch omjeholt haft, dee woat siene Seel vom Doot raden un woat väl Sinden toodakjen. #Psa 51,15; Spr 10,12; 1Pet 4,8
Plautdietsch Bible © 2003 Kindred Productions and United Bible Societies Association, Inc.