Jakobus 3
3
De onbandje Tung
1Drenjt junt nich doano, Liera to woaren, miene Breeda. Denkjt doaraun, wie Liera woaren strenja von Gott beuadeelt woaren. 2Wie loten ons aula veschiednet to schulden komen. Wäa en aul sien räden nuscht faulschet sajcht, es een volkomna Maun un kaun sienen gaunzen Kjarpa beharschen. 3Wan wie de Pieed oppteemen, daut ons dee horchen motten, dan hab wie dee doaderch gaunz en onse Jewault. 4Kjikjt emol no de groote Schäp, dee vom stoakjen Wint jedräwen woaren. Dee woaren vom Kapitän met een kjlienet Rooda doahan jestieet, wuahan hee well. 5Soo es uk de Tung een kjlienet Jlett un kaun groote Dinja aunrechten. Waut fa een groota Woolt kaun doch met een kjlienet Fia aunjestekjt woaren! 6Un de Tung es een Fia. De Tung es eene ojjerajchte Welt mank onse Jläda, dee dän gaunzen Kjarpa veorreinicht. Dee sat onse gaunze Natua en Flaumen met Fia direkjt ut de Hal. #Spr 16,27; Mat 12,36-37; 15,11.18 7Menschen haben aulahaunt Tieren, Väajel, Kruptieren un Wotatieren kunt tom moaken, 8oba de Tung, daut orruje Dinkj voll dootbrinjendet Jeft, kaun kjeena unja Kontroll brinjen. 9Met de Tung low wie Gott dän Voda, un met de Tung flieekj wie de Menschen, dee no Gott sien Bilt jeschaufen sent. #(9 un 10) Psa 141,3; 1Mo 1,26-27 10Ut eenem Mul kjemt lowen un flieekjen. Miene Breeda, daut saul soo nich sennen. #Efs 4,29 11Jeft eene Kjwal ut een Loch seetet un betret Wota tojlikj? 12Kaun een Fiejenboom Oliewen ooda eene Wienrank Fiejen droagen? Jrod soo ommäajlich kaun eene soltje Kjwal tojlikj seetet Wota jäwen.
Weisheit von bowen ooda von unjen
13Es mank junt irjentwäa weis un vestendich? Dee saul en siene gooden Waundel wiesen daut hee weis un truhoatich es. 14Wan jie oba betre Aufgonst un ieejennuzjet Sträwen em Hoat haben, dan pucht nich met june Weisheit, wiels daut stemt nich met de Woarheit. 15Soone Weisheit kjemt nich von bowen. Dee staumt von dise Welt. Dee es onjeistlich un staumt vom Soton. #Jak 1,5 16Wua de Menschen aufjenstich un nosikj sent, doa es aules ut de Ordnunk un doa jeit daut bees too. 17De Weisheit von bowen es ieeschtens rein, dan frädlich, jelind, lat sikj sajen, es voll Metleet un goode Woakjen, es nich partieisch un heichelt nich. 18Jerajchtichkjeit es eene Arnt, dee en Fräd von dee jeseit woat, dee doa Fräd vebreeden.
Currently Selected:
Jakobus 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jakobus 3
3
De onbandje Tung
1Drenjt junt nich doano, Liera to woaren, miene Breeda. Denkjt doaraun, wie Liera woaren strenja von Gott beuadeelt woaren. 2Wie loten ons aula veschiednet to schulden komen. Wäa en aul sien räden nuscht faulschet sajcht, es een volkomna Maun un kaun sienen gaunzen Kjarpa beharschen. 3Wan wie de Pieed oppteemen, daut ons dee horchen motten, dan hab wie dee doaderch gaunz en onse Jewault. 4Kjikjt emol no de groote Schäp, dee vom stoakjen Wint jedräwen woaren. Dee woaren vom Kapitän met een kjlienet Rooda doahan jestieet, wuahan hee well. 5Soo es uk de Tung een kjlienet Jlett un kaun groote Dinja aunrechten. Waut fa een groota Woolt kaun doch met een kjlienet Fia aunjestekjt woaren! 6Un de Tung es een Fia. De Tung es eene ojjerajchte Welt mank onse Jläda, dee dän gaunzen Kjarpa veorreinicht. Dee sat onse gaunze Natua en Flaumen met Fia direkjt ut de Hal. #Spr 16,27; Mat 12,36-37; 15,11.18 7Menschen haben aulahaunt Tieren, Väajel, Kruptieren un Wotatieren kunt tom moaken, 8oba de Tung, daut orruje Dinkj voll dootbrinjendet Jeft, kaun kjeena unja Kontroll brinjen. 9Met de Tung low wie Gott dän Voda, un met de Tung flieekj wie de Menschen, dee no Gott sien Bilt jeschaufen sent. #(9 un 10) Psa 141,3; 1Mo 1,26-27 10Ut eenem Mul kjemt lowen un flieekjen. Miene Breeda, daut saul soo nich sennen. #Efs 4,29 11Jeft eene Kjwal ut een Loch seetet un betret Wota tojlikj? 12Kaun een Fiejenboom Oliewen ooda eene Wienrank Fiejen droagen? Jrod soo ommäajlich kaun eene soltje Kjwal tojlikj seetet Wota jäwen.
Weisheit von bowen ooda von unjen
13Es mank junt irjentwäa weis un vestendich? Dee saul en siene gooden Waundel wiesen daut hee weis un truhoatich es. 14Wan jie oba betre Aufgonst un ieejennuzjet Sträwen em Hoat haben, dan pucht nich met june Weisheit, wiels daut stemt nich met de Woarheit. 15Soone Weisheit kjemt nich von bowen. Dee staumt von dise Welt. Dee es onjeistlich un staumt vom Soton. #Jak 1,5 16Wua de Menschen aufjenstich un nosikj sent, doa es aules ut de Ordnunk un doa jeit daut bees too. 17De Weisheit von bowen es ieeschtens rein, dan frädlich, jelind, lat sikj sajen, es voll Metleet un goode Woakjen, es nich partieisch un heichelt nich. 18Jerajchtichkjeit es eene Arnt, dee en Fräd von dee jeseit woat, dee doa Fräd vebreeden.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.