Jesaja 53
53
1Wäa wudd daut uk jejleeft haben, waut wie jehieet haben?
Wäa wudd daut enjeseenen haben, daut de Har dit aun Haunt haud? #Jes 52,10; Joh 12,38; Reema 10,16
2Hee leet am väakomen aus een frescha Aust
un aus eene Wartel ut de drieeje Ieed.
Doa wia nuscht besondret aun am, daut wie am hauden sult kjanen,
un nuscht auntrakjendet, daut ons no am trakjen deed. #Jes 11,1
3Wie sagen am aus een Utbunt un aus veacht;
hee haft väl jeläden un es krank jewast.
Hee wia aus eena, dee sien Jesecht nich wees;
hee wia een Utbunt un wie räakjenden am nuscht. #Psa 22,7-8; Mrk 9,12
4Doch de Krankheit, dee hee druach, wia onse;
daut lieden, waut ons troff, druach hee.
Oba wie dochten Gott muak am lieden un bestroft am. #Mat 8,17
5Doch wia hee wäajen onse Sinden velazt;
hee bruak unja ons vegonen dol.
Opp am lach de Strof dee ons heel muak;
doaderch daut hee de Schläaj kjrieech, sent wie jesunt. #Reema 4,25; 1Pet 2,24
6Wie wieren aula oppem Errwajch,
soo aus Schop, dee jieda sienen ieejnen Wajch gonen.
Oba de Har läd aul ons ojjerajcht sennen opp am. #1Pet 2,25; 2Kor 5,21
7Däm haben see sea toojesat
un am daut schwoa jemoakt,
oba hee haft niemols jekloacht.
Krakjt soo aus een Schop,
daut no de Schlachtstäd jeleit woat,
ooda aus een Muttaschop, wan daut jeschoaren woat,
neem hee daut stell han. #Mrk 14,65; Joh 1,29; Apost 8,32
8Hee wort faustjenomen un veuadeelt;
un wäa säd waut, aus see am wajchleiden?
Hee must sien Läwen hanjäwen fa de Schult
waut mien Volkj vedeent haud.
9Sien Grauf wia mank de Sinda un rikje,
un doch haud hee kjeenem Jewault aunjedonen,
un haud kjeene Läajes jerät. #1Pet 2,22; 1Joh 3,5
10Däm Harn jefoll daut,
däm Kjnajcht to schlonen
un lieden to loten.
Wan hee sien Läwen aus een Schultopfa jejäft haft,
dan woat hee Nokomen haben un lang läwen;
un de Har woat sikj freien daut et soo schauft. #3Mo 5,15; Mat 20,28; Psa 22,31
11Wiels siene Seel sikj soo hanjejäft haft,
woat hee daut Licht seenen un tofräd sennen.
Derch daut, waut hee weet, woat mien jerajchta Deena
väle jerajcht moaken, wiels hee äare Sinden drajcht. #1Kor 1,30; Joh 1,29
12Un doafäa woa ekj am mank de groote talen;
hee woat met de stoakje dän Jewenst toojedeelt kjrieen.
Hee haft sien Läwen bat däm Doot hanjejäft,
un leet sikj met Sinda jlikj jetrocken woaren.
Hee nemt väle äare Sinden auf,
un steit fa de Sinda en. #Mrk 15,27-28; Luk 22,37; 23,33-34
Currently Selected:
Jesaja 53: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jesaja 53
53
1Wäa wudd daut uk jejleeft haben, waut wie jehieet haben?
Wäa wudd daut enjeseenen haben, daut de Har dit aun Haunt haud? #Jes 52,10; Joh 12,38; Reema 10,16
2Hee leet am väakomen aus een frescha Aust
un aus eene Wartel ut de drieeje Ieed.
Doa wia nuscht besondret aun am, daut wie am hauden sult kjanen,
un nuscht auntrakjendet, daut ons no am trakjen deed. #Jes 11,1
3Wie sagen am aus een Utbunt un aus veacht;
hee haft väl jeläden un es krank jewast.
Hee wia aus eena, dee sien Jesecht nich wees;
hee wia een Utbunt un wie räakjenden am nuscht. #Psa 22,7-8; Mrk 9,12
4Doch de Krankheit, dee hee druach, wia onse;
daut lieden, waut ons troff, druach hee.
Oba wie dochten Gott muak am lieden un bestroft am. #Mat 8,17
5Doch wia hee wäajen onse Sinden velazt;
hee bruak unja ons vegonen dol.
Opp am lach de Strof dee ons heel muak;
doaderch daut hee de Schläaj kjrieech, sent wie jesunt. #Reema 4,25; 1Pet 2,24
6Wie wieren aula oppem Errwajch,
soo aus Schop, dee jieda sienen ieejnen Wajch gonen.
Oba de Har läd aul ons ojjerajcht sennen opp am. #1Pet 2,25; 2Kor 5,21
7Däm haben see sea toojesat
un am daut schwoa jemoakt,
oba hee haft niemols jekloacht.
Krakjt soo aus een Schop,
daut no de Schlachtstäd jeleit woat,
ooda aus een Muttaschop, wan daut jeschoaren woat,
neem hee daut stell han. #Mrk 14,65; Joh 1,29; Apost 8,32
8Hee wort faustjenomen un veuadeelt;
un wäa säd waut, aus see am wajchleiden?
Hee must sien Läwen hanjäwen fa de Schult
waut mien Volkj vedeent haud.
9Sien Grauf wia mank de Sinda un rikje,
un doch haud hee kjeenem Jewault aunjedonen,
un haud kjeene Läajes jerät. #1Pet 2,22; 1Joh 3,5
10Däm Harn jefoll daut,
däm Kjnajcht to schlonen
un lieden to loten.
Wan hee sien Läwen aus een Schultopfa jejäft haft,
dan woat hee Nokomen haben un lang läwen;
un de Har woat sikj freien daut et soo schauft. #3Mo 5,15; Mat 20,28; Psa 22,31
11Wiels siene Seel sikj soo hanjejäft haft,
woat hee daut Licht seenen un tofräd sennen.
Derch daut, waut hee weet, woat mien jerajchta Deena
väle jerajcht moaken, wiels hee äare Sinden drajcht. #1Kor 1,30; Joh 1,29
12Un doafäa woa ekj am mank de groote talen;
hee woat met de stoakje dän Jewenst toojedeelt kjrieen.
Hee haft sien Läwen bat däm Doot hanjejäft,
un leet sikj met Sinda jlikj jetrocken woaren.
Hee nemt väle äare Sinden auf,
un steit fa de Sinda en. #Mrk 15,27-28; Luk 22,37; 23,33-34
Plautdietsch Bible © 2003 Kindred Productions and United Bible Societies Association, Inc.