Hosea 13
13
De Sind brinjt dän Doot
1To eene Tiet, wan Efraim waut säd,
dan horchten see en Israel;
oba see haben sikj aun de Baals vesindicht,
un nu motten see stoawen.
2Oba see sindjen noch emma.
See moaken sikj jegotne Bilda,
soo straum aus see kjennen;
Jetta, dee von Menschen jemoakt sent.
See sajen: Moakt een Opfa fa dit.
Mana kussen Kjalwa. #Jes 44,10
3Doafäa woaren see veschwinjen
aus de Näwel em Morjen,
un aus de Deiw, dee boolt wajch es;
soo aus Sprie biem draschen veflicht,
ooda de Ruak ut däm Fensta holt. #Psa 1,4; Hos 6,4
4Ekj sie de Har, jun Gott,
noch von en Ägipten;
un jie haben werkjlich kjeenen aundren Gott jehaut.
Kjeena haft junt jeholpen buta ekj. #2Mo 20,2-3
5Ekj sie dee, wäa sikj om junt kjemmad
aus jie enne Wiltnis, en daut drieeje Launt wieren. #Hos 9,10
6Dan eet jie junt voll un worden saut.
Aus jie saut wieren, word jie prauzich;
un dan vegaut jie von mie. #5Mo 32,15
7Doawäajen woa ekj soo aus een Leiw fa junt sennen,
un soo aus een Tiega aun de Kaunt vom Wajch. #Hos 5,14
8Met de Wucht von een Boa,
von dee de junge jenomen sent,
woa ekj junt de Brost oprieten
un soo oppfräten aus een Leiw.
De wille Tieren woaren jun Fleesch aufrieten.
9Jie woaren enne Grunt jebrocht woaren, Israel;
ekj sie de eensja, dee junt raden kaun. #Jer 2,17
10Wua es jun Kjennich,
dee en jieda Staut halpen saul?
Wua sent de Leidasch
to dee jie emol säden:
Jäft ons eenen Kjennich
un aunjestalde äwa ons. #(10 un 11) 1Sam 8,5-9
11Ekj jeef junt Kjennichs
en miene Veläajenheit;
un ekj hab dee wajchjenomen
en mienen Groll.
12Efraim siene Schult es enjeprast;
siene Sind es oppbewoat.
13De Weedoag sent jekomen
oba hee es nich kluak;
hee lat sikj nich kroagen
un kjemt nich ut de Mutta.
14Woa ekj an frie moaken
von doa wua de Doodes sent?
Woa ekj vom Doot bewoaren?
Lot däm Doot met siene Ploagen
un daut Grauf met siene Krankheit
fa mie Rach eewen.
Ekj weet nich mea waut Metlieden es. #1Kor 15,54-55; 2Tim 1,10; Opb 20,14; 21,4
15Un wan hee uk stoakj es mank siene Breeda,
woat vom Harn een Oostwint komen;
von de Wiltnis woat dee aunholen,
un daut Gruntwota woat utdrieejen,
un de Kjwal woat kjeen Wota haben.
Dee woat aul daut wieetvolle,
un jieda feinet Dinkj wajchnämen.
Currently Selected:
Hosea 13: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hosea 13
13
De Sind brinjt dän Doot
1To eene Tiet, wan Efraim waut säd,
dan horchten see en Israel;
oba see haben sikj aun de Baals vesindicht,
un nu motten see stoawen.
2Oba see sindjen noch emma.
See moaken sikj jegotne Bilda,
soo straum aus see kjennen;
Jetta, dee von Menschen jemoakt sent.
See sajen: Moakt een Opfa fa dit.
Mana kussen Kjalwa. #Jes 44,10
3Doafäa woaren see veschwinjen
aus de Näwel em Morjen,
un aus de Deiw, dee boolt wajch es;
soo aus Sprie biem draschen veflicht,
ooda de Ruak ut däm Fensta holt. #Psa 1,4; Hos 6,4
4Ekj sie de Har, jun Gott,
noch von en Ägipten;
un jie haben werkjlich kjeenen aundren Gott jehaut.
Kjeena haft junt jeholpen buta ekj. #2Mo 20,2-3
5Ekj sie dee, wäa sikj om junt kjemmad
aus jie enne Wiltnis, en daut drieeje Launt wieren. #Hos 9,10
6Dan eet jie junt voll un worden saut.
Aus jie saut wieren, word jie prauzich;
un dan vegaut jie von mie. #5Mo 32,15
7Doawäajen woa ekj soo aus een Leiw fa junt sennen,
un soo aus een Tiega aun de Kaunt vom Wajch. #Hos 5,14
8Met de Wucht von een Boa,
von dee de junge jenomen sent,
woa ekj junt de Brost oprieten
un soo oppfräten aus een Leiw.
De wille Tieren woaren jun Fleesch aufrieten.
9Jie woaren enne Grunt jebrocht woaren, Israel;
ekj sie de eensja, dee junt raden kaun. #Jer 2,17
10Wua es jun Kjennich,
dee en jieda Staut halpen saul?
Wua sent de Leidasch
to dee jie emol säden:
Jäft ons eenen Kjennich
un aunjestalde äwa ons. #(10 un 11) 1Sam 8,5-9
11Ekj jeef junt Kjennichs
en miene Veläajenheit;
un ekj hab dee wajchjenomen
en mienen Groll.
12Efraim siene Schult es enjeprast;
siene Sind es oppbewoat.
13De Weedoag sent jekomen
oba hee es nich kluak;
hee lat sikj nich kroagen
un kjemt nich ut de Mutta.
14Woa ekj an frie moaken
von doa wua de Doodes sent?
Woa ekj vom Doot bewoaren?
Lot däm Doot met siene Ploagen
un daut Grauf met siene Krankheit
fa mie Rach eewen.
Ekj weet nich mea waut Metlieden es. #1Kor 15,54-55; 2Tim 1,10; Opb 20,14; 21,4
15Un wan hee uk stoakj es mank siene Breeda,
woat vom Harn een Oostwint komen;
von de Wiltnis woat dee aunholen,
un daut Gruntwota woat utdrieejen,
un de Kjwal woat kjeen Wota haben.
Dee woat aul daut wieetvolle,
un jieda feinet Dinkj wajchnämen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.