Hebräa 7
7
Melchisedek, een Hanwies opp Jesus
1Dis Melchisedek wia een Kjennich von Salem. Hee wia uk een Priesta vom aulahechsten Gott. Hee jinkj Abraham entjäajen aus dee von sien Kaumf met de Kjennichs trigj kjeem, un säajend am. #(1 un 2) 1Mo 14,18-20 2Abraham jeef am dan von aules waut hee metbrocht daut tieende Poat. Ieeschtens bediet de Nomen Melchisedek vedolmetscht: Jerajchta Kjennich, dan uk: Kjennich von Salem, daut meent: Frädenskjennich. 3Hee wia onen Voda, onen Mutta, un onen Häakunftsstaum, sien Läwen haud nich een Aunfank uk nich een Enj. Doarenn likjent hee Gott sien Sän. Hee blift een Priesta en Eewichkjeit. #Joh 7,27
Melchisedek steit äwa Abraham un de Priesta ut siene Nokomenschoft
4Kjikjt emol, woo groot dee es, däm de Staumvoda Abraham dän Tieenden von aul daut jeef waut hee von en dän Kjrich metjenomen haud! 5Nom Jesaz haben de Priesta von Levi sien Staum daut rajcht, vom Volkj dän Tieenden to kollakjten, wan daut uk äare Breeda sent, dee uk von Abraham staumen. #4Mo 18,21 6Disa oba, dee nich von Levi staumd, dee neem doch dän Tieenden von Abraham, un säajend dän, dän Gott sien Vespräakjen jejäft haud. 7Nu es daut onen Twiewel soo, daut de jerinjra derch dän jratren jesäajent woat. 8Bie de Nokomenschoft von Levi nämen Menschen dee stoawen woaren dän Tieenden, oba bie Melchisedek eena, von däm jesajcht woat, daut hee läft. 9Eena kunn soogoa sajen, daut Levi, dee dän Tieenden nemt, en disem Faul uk dän Tieenden derch Abraham jetolt haft, 10wiels Levi sull däm Abraham noch emol jebuaren woaren aus disa dän Melchisedek troff.
Daut Priestatum von Levi es aufjeleest derch daut Priestatum no Melchisedek siene Ordnunk
11Wan daut volkomne derch daut levitische Priestatum haud kunt errieekjt woaren, (daut Jesaz wia doafäa jejäft worden), wuarom wia dan noch een aundra Priesta needich jewast, eena no Melchisedek siene Ordnunk, un nich no Aaron siene Ordnunk? 12Wiels, wan de Priesta Ordnunk jeendat woat, mott daut Jesaz uk jeendat woaren. 13Dee, von däm dit jesajcht woat, jehieet to een aundren Staum, un von däm Staum haft noch niemols wäa aum Aultoa jedeent. 14Daut es kloa bekaunt, daut ons Har von Juda häastaumd, un von däm Staum haft Moses nuscht von Priesta jerät. #1Mo 49,10; Mat 1,1-3
Jesus soo aus Melchisedek
15Un noch kloara es daut waut wie jesajcht haben, wan een aundra aus Priesta enjesat woat, dee soo es aus Melchisedek. 16Hee es nich no de Häakunftsräajlen vom Jesaz een Priesta jeworden, oba derch de Krauft von Läwen waut nich kaputt to moaken es. 17Un hee woat betieekjent aus “een eewja Priesta no Melchisedek siene Ordnunk”. #Psa 110,4; Heb 5,6 18De ieeschte Ordnunk wort auntsied jestalt, wiels dee schwak un nuzloos wia. 19Daut Jesaz kunn nuscht volkomnet moaken. Un nu woat ons eene bätre Hopninj väajestalt, derch dee wie no Gott komen kjennen.
Daut niee Priestatum, waut emma bliewen woat
20Doch daut wia nich onen een Eit. De aundre verhäa worden Priesta onen een Eit. 21Oba disa wort een Priesta derch Gott sien Eit, aus hee to am säd:
“De Har haft met eenen Eit vesproaken, un woat sienen Senn nich endren:
Du best no Melchisedek siene Ordnunk een Priesta en Eewichkjeit.” #Psa 110,4
22Un soo väl sechra hab wie en Jesus eenen bätren Bunt. #Heb 8,6; 12,24
23Doa sent väle jewast, dee Priesta worden, oba wiels see storwen, kunnen see daut nich bliewen. 24Jesus oba, wiels hee eewich läft, haft een Priesta Aumt, daut nich opphieet. 25Doawäajen kaun hee dee volstendich raden, dee derch am no Gott komen. Hee läft eewich un bät fa an. #Reema 8,34; 1Joh 2,1
26Wie brukten krakjt soo eenen Huagenpriesta, dee heilich, oschuldich, rein, von de Sinda aufjesondat, un hecha aus de Himmel es. 27Disa haft daut nich needich, soo aus jane Huagepriesta, aule Dach ieescht fa siene ieejne Sind to opfren, ea hee fa daut Volkj äare Sinden opfren kaun; wiels daut deed hee don eemol fa aulemol, aus hee sikj selfst opfad. #3Mo 9,7; 16,6.15 28Daut Jesaz stald fälahaufte Mana aun, Huagepriesta to sennen. Oba Gott sien Vespräakjen derch Eit, daut lota kjeem aus daut Jesaz, sad dän Sän en, dee eewich un volkomen es.
Currently Selected:
Hebräa 7: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hebräa 7
7
Melchisedek, een Hanwies opp Jesus
1Dis Melchisedek wia een Kjennich von Salem. Hee wia uk een Priesta vom aulahechsten Gott. Hee jinkj Abraham entjäajen aus dee von sien Kaumf met de Kjennichs trigj kjeem, un säajend am. #(1 un 2) 1Mo 14,18-20 2Abraham jeef am dan von aules waut hee metbrocht daut tieende Poat. Ieeschtens bediet de Nomen Melchisedek vedolmetscht: Jerajchta Kjennich, dan uk: Kjennich von Salem, daut meent: Frädenskjennich. 3Hee wia onen Voda, onen Mutta, un onen Häakunftsstaum, sien Läwen haud nich een Aunfank uk nich een Enj. Doarenn likjent hee Gott sien Sän. Hee blift een Priesta en Eewichkjeit. #Joh 7,27
Melchisedek steit äwa Abraham un de Priesta ut siene Nokomenschoft
4Kjikjt emol, woo groot dee es, däm de Staumvoda Abraham dän Tieenden von aul daut jeef waut hee von en dän Kjrich metjenomen haud! 5Nom Jesaz haben de Priesta von Levi sien Staum daut rajcht, vom Volkj dän Tieenden to kollakjten, wan daut uk äare Breeda sent, dee uk von Abraham staumen. #4Mo 18,21 6Disa oba, dee nich von Levi staumd, dee neem doch dän Tieenden von Abraham, un säajend dän, dän Gott sien Vespräakjen jejäft haud. 7Nu es daut onen Twiewel soo, daut de jerinjra derch dän jratren jesäajent woat. 8Bie de Nokomenschoft von Levi nämen Menschen dee stoawen woaren dän Tieenden, oba bie Melchisedek eena, von däm jesajcht woat, daut hee läft. 9Eena kunn soogoa sajen, daut Levi, dee dän Tieenden nemt, en disem Faul uk dän Tieenden derch Abraham jetolt haft, 10wiels Levi sull däm Abraham noch emol jebuaren woaren aus disa dän Melchisedek troff.
Daut Priestatum von Levi es aufjeleest derch daut Priestatum no Melchisedek siene Ordnunk
11Wan daut volkomne derch daut levitische Priestatum haud kunt errieekjt woaren, (daut Jesaz wia doafäa jejäft worden), wuarom wia dan noch een aundra Priesta needich jewast, eena no Melchisedek siene Ordnunk, un nich no Aaron siene Ordnunk? 12Wiels, wan de Priesta Ordnunk jeendat woat, mott daut Jesaz uk jeendat woaren. 13Dee, von däm dit jesajcht woat, jehieet to een aundren Staum, un von däm Staum haft noch niemols wäa aum Aultoa jedeent. 14Daut es kloa bekaunt, daut ons Har von Juda häastaumd, un von däm Staum haft Moses nuscht von Priesta jerät. #1Mo 49,10; Mat 1,1-3
Jesus soo aus Melchisedek
15Un noch kloara es daut waut wie jesajcht haben, wan een aundra aus Priesta enjesat woat, dee soo es aus Melchisedek. 16Hee es nich no de Häakunftsräajlen vom Jesaz een Priesta jeworden, oba derch de Krauft von Läwen waut nich kaputt to moaken es. 17Un hee woat betieekjent aus “een eewja Priesta no Melchisedek siene Ordnunk”. #Psa 110,4; Heb 5,6 18De ieeschte Ordnunk wort auntsied jestalt, wiels dee schwak un nuzloos wia. 19Daut Jesaz kunn nuscht volkomnet moaken. Un nu woat ons eene bätre Hopninj väajestalt, derch dee wie no Gott komen kjennen.
Daut niee Priestatum, waut emma bliewen woat
20Doch daut wia nich onen een Eit. De aundre verhäa worden Priesta onen een Eit. 21Oba disa wort een Priesta derch Gott sien Eit, aus hee to am säd:
“De Har haft met eenen Eit vesproaken, un woat sienen Senn nich endren:
Du best no Melchisedek siene Ordnunk een Priesta en Eewichkjeit.” #Psa 110,4
22Un soo väl sechra hab wie en Jesus eenen bätren Bunt. #Heb 8,6; 12,24
23Doa sent väle jewast, dee Priesta worden, oba wiels see storwen, kunnen see daut nich bliewen. 24Jesus oba, wiels hee eewich läft, haft een Priesta Aumt, daut nich opphieet. 25Doawäajen kaun hee dee volstendich raden, dee derch am no Gott komen. Hee läft eewich un bät fa an. #Reema 8,34; 1Joh 2,1
26Wie brukten krakjt soo eenen Huagenpriesta, dee heilich, oschuldich, rein, von de Sinda aufjesondat, un hecha aus de Himmel es. 27Disa haft daut nich needich, soo aus jane Huagepriesta, aule Dach ieescht fa siene ieejne Sind to opfren, ea hee fa daut Volkj äare Sinden opfren kaun; wiels daut deed hee don eemol fa aulemol, aus hee sikj selfst opfad. #3Mo 9,7; 16,6.15 28Daut Jesaz stald fälahaufte Mana aun, Huagepriesta to sennen. Oba Gott sien Vespräakjen derch Eit, daut lota kjeem aus daut Jesaz, sad dän Sän en, dee eewich un volkomen es.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.