Hesekiel 7
7
Daut Launt woat to Enj gonen
1Un mie wort kloa waut de Har to sajen haud. Hee säd: 2Menschensän, dit es waut Gott de Har äwa daut Launt Israel sajcht: Daut Enj kjemt. Daut Enj woat bat opp aule Akjen von daut Launt komen. 3Jun Enj kjemt nu, un ekj woa mienen Oaja äwa junt brinjen. Ekj woa junt verem Jerecht holen, fa daut waut jie jedonen haben, un ekj woa aul de oppscheiselje Dinja bestrofen, dee jie jedonen haben. 4Ekj woa mie wäajen nuscht de Uagen toohoolen, un woa kjeen Metlieden met junt haben. Ekj woa junt bestrofen fa daut waut jie vedeent haben, un fa de oppscheiselje Dinja, dee jie jedonen haben. Dan woa jie enseenen, daut ekj de Har sie. #Hes 5,11; 8,18; 9,10
5Lot junt dit von Gott däm Harn jesajcht sennen: Doa woat een Schoden nom aundren komen. 6Daut Enj kjemt! Nu es daut bat doa! Nu haft daut aunjefongen! Kjikj emol, doa es daut! 7Daut haft aunjefongen, un kjemt nu äwa junt, dee jie em Launt wonen. Nu es daut bat doa, daut kjeena oppe Boaj fa Freid schrieen woat, bloos ut Angst. 8Nu woascht du miene Wutt to feelen kjrieen, un mien Oaja woat sikj utspaunen. Ekj woa junt doano rechten aus jie vedeent haben, un junt trigj tolen fa daut oppscheiselje, waut jie jedonen haben. 9Ekj woa nich miene Uagen toohoolen, un woa kjeen Metlieden met junt haben. Ekj woa junt jäwen, waut jie vedeent haben, un trigj tolen fa daut oppscheiselje, waut jie jedonen haben. Dan woa jie enseenen, daut ekj de Har sie, dee junt stroft.
10Nu es daut soo wiet! Nu es daut soo wiet romjekomen! De Stock kjemt äwadäl; un de onveschämda vestakjt sikj nich; #Jes 2,12 11dee waut Jewault eeft steit steil. Oba see woaren nich bestonen, nich äa Jelt, nich äa Straums, un nich woo see nu aunjeseenen sent. 12De Tiet es doa, un de Dach nodat. Lot däm wäa doa kjaft sikj nich freien, un däm wäa doa vekjaft sikj nich jrämen, wiels de Strof woat opp eenen krakjt soo komen aus opp däm aundren. 13Wan hee daut uk noch äwaläft, woat dee wäa waut vekjaft nich trigj gonen no waut hee vekjeepen deed. De Strof es fa jieda eenen, un woat nich noloten. Kjeena woat sikj sien Läwen sechren, wiels see aula orrajcht jedonen haben.
14See blosen met de Posaun, un moaken sikj aula reed, oba kjeena woat em Kjrich gonen, wiels mien Oaja es opp daut gaunze Volkj jezielt. 15Buta de Staut rejieet de Armee; un enne Staut Krankheit un Hunga. Wäa oppe Stap es, woat vom Schwieet stoawen, un wäa enne Staut es, woat von Krankheit un Hunga vefräten. 16Dee waut doavon komen un enne Boaj ranen, woaren enne Schluchten setten un gurren aus de Duwen, wiels see uk schuldich sent. 17Aule Henj woaren schwak woaren, un aule Kjneeen woaren aus Wota sennen. #Jes 13,7 18See woaren sikj Sakkjleeda äwatrakjen, un unja väl Angst lieden. Jieda Jesecht schämt sikj, un jieda Kopp woat kol jeschoaren woaren. #Jer 48,37 19See woaren äa Selwa oppe Gaussen schmieten, un woaren äa Golt aus schwiensch aunseenen. Dän Dach, wan däm Harn sien Oaja kjemt, woaren Selwa un Golt kjeenem raden. See kjennen sikj doamet nich saut äten, ooda äare Moag doamet vollstoppen. Oba daut wia daut, waut an enne Sind fieed. #Spr 11,4; Zef 1,18 20See haben von äare wieetvolle Sachen, dee an soo väl wieet wieren, Jetta un Tieren jemoakt. Nu woa ekj an daut aula loten aunbrennen. 21Ekj woa daut mäajlich moaken, daut framde Menschen daut stälen woaren, un daut dee, dee schlajcht sent, sikj daut tooieejnen woaren, un doavon waut oppscheiseljet moaken. 22Ekj woa an nich halpen wan de Tempel schentlich jebrukt woat. Doa woaren Reibasch komen un em Tempel schaund driewen.
23Moakt de Kjäden reed, wiels en daut Launt woaren Menschen aulawäajen omjebrocht, un enne Staut sent aulawäajen Vebräakja. 24Doawäajen woa ekj de schlemste Velkja jäajen junt brinjen, daut see june Hiesa ennämen. Ekj woa een Enj moaken von daut wuatoo de rikje sikj freien, un woa Schaund opp äare heilje Städa brinjen. 25See woaren sikj sea enjsten, bat see no Fräd kjikjen. Oba see woaren kjeene Help finjen. 26Een Schoden woat äwa däm aundren komen, un eene schlajchte Norecht no de aundre. Emsonst woa jie de Profeeten froagen, waut an es kloa jeworden, un de Priesta woaren nich daut Jesaz utlajen, un de Leidasch woaren kjeen Rot haben. 27De Kjennich woat truaren, un siene stoakje Mana woaren sikj nich weeten. De Lied äare Henj woaren tekjren. Ekj woa an jäwen waut see vedeent haben, un an strofen, doano aus see jeläft haben. Dan woaren see enseenen, daut ekj de Har sie.
Currently Selected:
Hesekiel 7: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hesekiel 7
7
Daut Launt woat to Enj gonen
1Un mie wort kloa waut de Har to sajen haud. Hee säd: 2Menschensän, dit es waut Gott de Har äwa daut Launt Israel sajcht: Daut Enj kjemt. Daut Enj woat bat opp aule Akjen von daut Launt komen. 3Jun Enj kjemt nu, un ekj woa mienen Oaja äwa junt brinjen. Ekj woa junt verem Jerecht holen, fa daut waut jie jedonen haben, un ekj woa aul de oppscheiselje Dinja bestrofen, dee jie jedonen haben. 4Ekj woa mie wäajen nuscht de Uagen toohoolen, un woa kjeen Metlieden met junt haben. Ekj woa junt bestrofen fa daut waut jie vedeent haben, un fa de oppscheiselje Dinja, dee jie jedonen haben. Dan woa jie enseenen, daut ekj de Har sie. #Hes 5,11; 8,18; 9,10
5Lot junt dit von Gott däm Harn jesajcht sennen: Doa woat een Schoden nom aundren komen. 6Daut Enj kjemt! Nu es daut bat doa! Nu haft daut aunjefongen! Kjikj emol, doa es daut! 7Daut haft aunjefongen, un kjemt nu äwa junt, dee jie em Launt wonen. Nu es daut bat doa, daut kjeena oppe Boaj fa Freid schrieen woat, bloos ut Angst. 8Nu woascht du miene Wutt to feelen kjrieen, un mien Oaja woat sikj utspaunen. Ekj woa junt doano rechten aus jie vedeent haben, un junt trigj tolen fa daut oppscheiselje, waut jie jedonen haben. 9Ekj woa nich miene Uagen toohoolen, un woa kjeen Metlieden met junt haben. Ekj woa junt jäwen, waut jie vedeent haben, un trigj tolen fa daut oppscheiselje, waut jie jedonen haben. Dan woa jie enseenen, daut ekj de Har sie, dee junt stroft.
10Nu es daut soo wiet! Nu es daut soo wiet romjekomen! De Stock kjemt äwadäl; un de onveschämda vestakjt sikj nich; #Jes 2,12 11dee waut Jewault eeft steit steil. Oba see woaren nich bestonen, nich äa Jelt, nich äa Straums, un nich woo see nu aunjeseenen sent. 12De Tiet es doa, un de Dach nodat. Lot däm wäa doa kjaft sikj nich freien, un däm wäa doa vekjaft sikj nich jrämen, wiels de Strof woat opp eenen krakjt soo komen aus opp däm aundren. 13Wan hee daut uk noch äwaläft, woat dee wäa waut vekjaft nich trigj gonen no waut hee vekjeepen deed. De Strof es fa jieda eenen, un woat nich noloten. Kjeena woat sikj sien Läwen sechren, wiels see aula orrajcht jedonen haben.
14See blosen met de Posaun, un moaken sikj aula reed, oba kjeena woat em Kjrich gonen, wiels mien Oaja es opp daut gaunze Volkj jezielt. 15Buta de Staut rejieet de Armee; un enne Staut Krankheit un Hunga. Wäa oppe Stap es, woat vom Schwieet stoawen, un wäa enne Staut es, woat von Krankheit un Hunga vefräten. 16Dee waut doavon komen un enne Boaj ranen, woaren enne Schluchten setten un gurren aus de Duwen, wiels see uk schuldich sent. 17Aule Henj woaren schwak woaren, un aule Kjneeen woaren aus Wota sennen. #Jes 13,7 18See woaren sikj Sakkjleeda äwatrakjen, un unja väl Angst lieden. Jieda Jesecht schämt sikj, un jieda Kopp woat kol jeschoaren woaren. #Jer 48,37 19See woaren äa Selwa oppe Gaussen schmieten, un woaren äa Golt aus schwiensch aunseenen. Dän Dach, wan däm Harn sien Oaja kjemt, woaren Selwa un Golt kjeenem raden. See kjennen sikj doamet nich saut äten, ooda äare Moag doamet vollstoppen. Oba daut wia daut, waut an enne Sind fieed. #Spr 11,4; Zef 1,18 20See haben von äare wieetvolle Sachen, dee an soo väl wieet wieren, Jetta un Tieren jemoakt. Nu woa ekj an daut aula loten aunbrennen. 21Ekj woa daut mäajlich moaken, daut framde Menschen daut stälen woaren, un daut dee, dee schlajcht sent, sikj daut tooieejnen woaren, un doavon waut oppscheiseljet moaken. 22Ekj woa an nich halpen wan de Tempel schentlich jebrukt woat. Doa woaren Reibasch komen un em Tempel schaund driewen.
23Moakt de Kjäden reed, wiels en daut Launt woaren Menschen aulawäajen omjebrocht, un enne Staut sent aulawäajen Vebräakja. 24Doawäajen woa ekj de schlemste Velkja jäajen junt brinjen, daut see june Hiesa ennämen. Ekj woa een Enj moaken von daut wuatoo de rikje sikj freien, un woa Schaund opp äare heilje Städa brinjen. 25See woaren sikj sea enjsten, bat see no Fräd kjikjen. Oba see woaren kjeene Help finjen. 26Een Schoden woat äwa däm aundren komen, un eene schlajchte Norecht no de aundre. Emsonst woa jie de Profeeten froagen, waut an es kloa jeworden, un de Priesta woaren nich daut Jesaz utlajen, un de Leidasch woaren kjeen Rot haben. 27De Kjennich woat truaren, un siene stoakje Mana woaren sikj nich weeten. De Lied äare Henj woaren tekjren. Ekj woa an jäwen waut see vedeent haben, un an strofen, doano aus see jeläft haben. Dan woaren see enseenen, daut ekj de Har sie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.