Hesekiel 2
2
Hesekiel woat beroopen
1Un hee säd to mie: Menschensän, sto opp. Ekj well met die räden. 2Un aus hee soo to mie räd, kjeem de Jeist en mie un recht mie opp. Un ekj horcht no waut hee to mie säd. 3Hee säd: Menschensän, ekj well haben, daut du saust no de Israeliten gonen. Daut es een Volkj waut jäajenaun es; un dee sent mie jäajenaun jeworden. De Menschen sent vondoag krakjt soo aus äare Elren ver an jewast sent; dee sent mie jäajenaun. 4Dee sent stieekoppich. Daut sent Heltablessen. Un ekj well haben, daut du no an jeist un to an sajchst: “Dit es waut Gott de Har sajcht.” 5Eendoont auf daut stieekopje Volkj nu horcht ooda nich, see sellen nu weeten, daut doa een Profeet mank an es. #Hes 2,7; 3,11.27
6Un, Menschensän, du saust die nich ver an ooda von daut waut see sajen enjsten loten. Daut woat sennen aus wan du mank Kaktus un Spekjakrut schaufst, ooda uk soo aus mank Skorpionen. Oba enjst die nich fa daut waut see sajen woaren, un lot die daut nich aunjriepen woo see die aunkjikjen. See sent een stieekopjet Volkj. #Jer 1,8 7Du saust an miene Wieed jäwen, auf see doano horchen ooda nich. See sent een stieekopjet Volkj.
8Oba Menschensän, horch du no waut ekj die sajen woa. Sie du nich krakjt soo stieekoppich aus daut äwaje Volkj. Moak dien Mul op, un at waut ekj die jäw. 9Un weetst, dan sach ekj doa eene Haunt ver mie hanjestrakjt, un en de Haunt wia eene Schreftroll. #Opb 10,8 10Hee rold dee op ver mie, un ekj sach daut dee von beid Sieden beschräwen wia. Un daut waut doa jeschräwen wia, wieren een kloagen un jaumren un truaren.
Currently Selected:
Hesekiel 2: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hesekiel 2
2
Hesekiel woat beroopen
1Un hee säd to mie: Menschensän, sto opp. Ekj well met die räden. 2Un aus hee soo to mie räd, kjeem de Jeist en mie un recht mie opp. Un ekj horcht no waut hee to mie säd. 3Hee säd: Menschensän, ekj well haben, daut du saust no de Israeliten gonen. Daut es een Volkj waut jäajenaun es; un dee sent mie jäajenaun jeworden. De Menschen sent vondoag krakjt soo aus äare Elren ver an jewast sent; dee sent mie jäajenaun. 4Dee sent stieekoppich. Daut sent Heltablessen. Un ekj well haben, daut du no an jeist un to an sajchst: “Dit es waut Gott de Har sajcht.” 5Eendoont auf daut stieekopje Volkj nu horcht ooda nich, see sellen nu weeten, daut doa een Profeet mank an es. #Hes 2,7; 3,11.27
6Un, Menschensän, du saust die nich ver an ooda von daut waut see sajen enjsten loten. Daut woat sennen aus wan du mank Kaktus un Spekjakrut schaufst, ooda uk soo aus mank Skorpionen. Oba enjst die nich fa daut waut see sajen woaren, un lot die daut nich aunjriepen woo see die aunkjikjen. See sent een stieekopjet Volkj. #Jer 1,8 7Du saust an miene Wieed jäwen, auf see doano horchen ooda nich. See sent een stieekopjet Volkj.
8Oba Menschensän, horch du no waut ekj die sajen woa. Sie du nich krakjt soo stieekoppich aus daut äwaje Volkj. Moak dien Mul op, un at waut ekj die jäw. 9Un weetst, dan sach ekj doa eene Haunt ver mie hanjestrakjt, un en de Haunt wia eene Schreftroll. #Opb 10,8 10Hee rold dee op ver mie, un ekj sach daut dee von beid Sieden beschräwen wia. Un daut waut doa jeschräwen wia, wieren een kloagen un jaumren un truaren.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.