Hesekiel 19
19
Trualeet fa de Leidasch
1Un dan wull de Har haben daut ekj dit Trualeet aunstemmen sull, wiels daut soo schlemm met de Leidasch en Israel wia.
2Diene Mutta wia eene Utnom von een Leiw.
See läd sikj mank de Leiws dol,
un brocht äare kjliene mank de Tieren opp. #1Mo 49,9
3Eent von de kjliene, dee see opptrock,
wort een groota Leiw.
Dee lieed sikj aundre Tieren jriepen,
un dee freet Menschen opp.
4De Velkja hieeden woo jefäadlich dee wort,
un see kjrieejen am en een Loch faust,
un neemen am met Hoakes no Ägipten. #2Kjen 23,31-33; Jer 22,11-12
5Aus de Muttaleiw dan oppjäwen must,
met däm fa wäm see soo väl Hopninj haud,
trock see noch een kjlienet opp,
daut et een groota Leiw wort. #(5 un 6) 2Kjen 24,6.8-9
6Dee lieed sikj met de aundre Leiws ranen,
un lieed sikj aundre Tieren jriepen,
un freet uk Menschen.
7Hee muak sikj bie daut tus,
waut däm väajen Kjennich sient jewast wia
un vestieed gaunze Städa.
Aule Lied runtom
enjsten sikj, wan hee breld.
8Dan muaken aul de Lenda rom am sikj reed
un stalden äare Nats opp
un kjrieejen am en een Loch faust.
9See neemen am faust
met eenen iesanen Rinkj rom dän Hauls
un brochten am no Babel, nom Kjennich.
See bemuaken am un bewoakten am,
soo daut sien brellen nich mea
manke Boaj en Israel to hieren wia. #2Kjen 24,15
10Diene Mutta wia eene Wienrank
en een Wiengoaden, dicht biem Wota jeplaunt.
See haud väl Asta un Frucht,
wiels daut soo goot jewessat wia. #Hes 17,6
11De Asta worden studich un stoakj,
aus fa een Kjennich sien Stock,
un wossen huach enne Hecht,
un wieren oppfaulent fa woo huach
un dicht dee bewossen wia.
12Oba dee wort en Oaja utjeräten un veschmäten,
daut see vom Oostwint oppe Ieed vedrieejd.
De Frucht foll auf un de dikja Staum vedrieejd,
un aules wort em Fia jeschmäten.
13Nu es dee enne Wiltnis vesat
en een drieejet onjewessadet Launt.
14Doa kjeem een Fia von bie däm Staum,
un vebrend beides Asta un Frucht.
Nu es de Staum soo vedorwen,
daut et kjeen Kjennichs Stock jäwen kaun.
Dit truaje Leet es een bekaundet Trualeet jeworden.
Currently Selected:
Hesekiel 19: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hesekiel 19
19
Trualeet fa de Leidasch
1Un dan wull de Har haben daut ekj dit Trualeet aunstemmen sull, wiels daut soo schlemm met de Leidasch en Israel wia.
2Diene Mutta wia eene Utnom von een Leiw.
See läd sikj mank de Leiws dol,
un brocht äare kjliene mank de Tieren opp. #1Mo 49,9
3Eent von de kjliene, dee see opptrock,
wort een groota Leiw.
Dee lieed sikj aundre Tieren jriepen,
un dee freet Menschen opp.
4De Velkja hieeden woo jefäadlich dee wort,
un see kjrieejen am en een Loch faust,
un neemen am met Hoakes no Ägipten. #2Kjen 23,31-33; Jer 22,11-12
5Aus de Muttaleiw dan oppjäwen must,
met däm fa wäm see soo väl Hopninj haud,
trock see noch een kjlienet opp,
daut et een groota Leiw wort. #(5 un 6) 2Kjen 24,6.8-9
6Dee lieed sikj met de aundre Leiws ranen,
un lieed sikj aundre Tieren jriepen,
un freet uk Menschen.
7Hee muak sikj bie daut tus,
waut däm väajen Kjennich sient jewast wia
un vestieed gaunze Städa.
Aule Lied runtom
enjsten sikj, wan hee breld.
8Dan muaken aul de Lenda rom am sikj reed
un stalden äare Nats opp
un kjrieejen am en een Loch faust.
9See neemen am faust
met eenen iesanen Rinkj rom dän Hauls
un brochten am no Babel, nom Kjennich.
See bemuaken am un bewoakten am,
soo daut sien brellen nich mea
manke Boaj en Israel to hieren wia. #2Kjen 24,15
10Diene Mutta wia eene Wienrank
en een Wiengoaden, dicht biem Wota jeplaunt.
See haud väl Asta un Frucht,
wiels daut soo goot jewessat wia. #Hes 17,6
11De Asta worden studich un stoakj,
aus fa een Kjennich sien Stock,
un wossen huach enne Hecht,
un wieren oppfaulent fa woo huach
un dicht dee bewossen wia.
12Oba dee wort en Oaja utjeräten un veschmäten,
daut see vom Oostwint oppe Ieed vedrieejd.
De Frucht foll auf un de dikja Staum vedrieejd,
un aules wort em Fia jeschmäten.
13Nu es dee enne Wiltnis vesat
en een drieejet onjewessadet Launt.
14Doa kjeem een Fia von bie däm Staum,
un vebrend beides Asta un Frucht.
Nu es de Staum soo vedorwen,
daut et kjeen Kjennichs Stock jäwen kaun.
Dit truaje Leet es een bekaundet Trualeet jeworden.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.