Hesekiel 17
17
De Odlasch un de Auflaja
1Un mie wort noch wada kloa waut de Har to sajen haud. Hee säd: 2Menschensän, laj de Israeliten dise Jeschicht väa, un lot see een bät äwa dee nodenkjen. 3Saj an: dit es waut Gott de Har sajcht: Doa wia emol een groota Odla, dee lange stoakje Flichten haud. Däm siene Fadren leeten schmock un hauden veschiedne Kalieren. Dis Odla fluach no Libanon un socht sikj eenen Zeedaboom un kjrieech däm siene Spetz to hoolen. 4Hee bruak de Spetz, met daut waut niejewossen wia, auf, un neem dee no een Launt von Haundelsmana. Doa plaunt hee de Spetz en äare Haundels Staut en. #Hes 16,29 5Dan neem de Odla von daut Sotich von jan Launt un sad daut en goode Ieed, dicht bie een Wota, wua daut goot jewessat wia. 6Daut Sot kjiend un kjeem opp, un daut jeef eene breede Wienrank un nich sea huach. De Ranken strakjten sikj no däm Odla. Un de Plaunt warteld sikj doa en, un haud feine Ranken un Bläda. #Hes 19,10 7Oba doa wia noch een groota Odla met groote Flichten un väl Fadren, un de Rank langd met siene Wartlen no disen Odla, un strakjt siene Asta no däm. Hee wull haben daut de tweeda Odla am mea Wota jäwen sull aus daut Flekj wua hee jeplaunt wia. 8Oba hee wia je em ieeschten Faul aul en goode Ieed jesat, wua goot Wota wia. Hee haud goot kunt Asta un Wiendruwen haben un eene goode Wienrank sennen. 9Un dan saj: Dit es waut Gott de Har sajcht: Woat dit goot utkomen? Woat hee nich siene Wartel utjeräten kjrieen, soo daut de Frucht vedoawen woat. Dee woat utdrieejen un daut Loof woat vewalkjen. Daut woat kjeene groote Krauft ooda väl Menschen brucken toom däm de Wartlen utrieten. 10Un wan dee uk enjewartelt es, woat daut waut jäwen? Soo schwind aus de Oostwint wudd äwa de niee Städ komen, woat dee vedrieejen.
11Un mie wort noch wada kloa, waut de Har to sajen haud. Hee säd: 12Saj to daut stieekopje Volkj: Weet jie nich, waut ekj met dit sajen well? Un saj: Horcht emol. Doa kjeem een babelonischa Kjennich no Jerusalem un neem däm Kjennich un siene aunjestalde faust un veschlapt dee no sien Launt, no Babel. #2Kjen 24,10.15-16 13Un dan neem hee eenen von däm Kjennich siene Säns un muak eenen Bunt met däm un muak am vespräakjen, daut hee am deenen wudd. Oba de bowaschte Menschen von em Launt veschlapt hee. #(13-15) 2Kjen 24,17; 2Chr 36,13 14Soo bleef daut Launt doljeschloagen un kunn sikj nich huach opphäwen. See sullen dän Bunt hoolen un dän Wajch bestonen bliewen. 15Oba see bleewen nich bie däm Bunt, un schekjten Mana no Ägipten, un wullen haben daut dee an Pieed un väl Soldoten schekjen sullen. Hieet sikj daut no een gooda Plon? Jleefst du, daut wan hee soont deed, wudd hee doamet wajchkomen? Wudd hee doamet wajchkomen wan hee dän Bunt veschmeet? 16Dit sajcht Gott de Har gaunz kloa: En daut Launt von däm Kjennich, dee am aunjestalt haud, däm sien Vespräakjen hee nich hilt, un däm sien Bunt hee veschmeet, en däm sien Launt, dietlich jesajcht, en Babel, woat hee stoawen. 17Un de ägiptischa Kjennich met siene groote Armee un väl Mana woat en däm Kjrich nich waut halpen, wan Ieed woat jäajen de Stautswaunt oppjeschett un Torms jebut woaren fa de babelonische Armee. Dan woaren väle omjebrocht woaren. 18Wiels hee sien Vespräakjen veschmeet un sienen Bunt nich hilt, un wiels hee siene Haunt opp sien Wuat jeef un dan doch soo jehaundelt haft, woat hee nich doamet wajchkomen.
19Dit es waut Gott de Har sajcht: Ekj sie mie gaunz kloa, daut ekj däm Kjennich von Juda doafäa trigjtolen woa, daut hee mien Vespräakjen veschmäten haft un mienen Bunt nich jehoolen haft. 20Ekj woa mien Nat äwa am schmieten, soo daut hee en miene Schlenj faust jenomen woat woaren. Dan woa ekj am no Babel nämen un am doa ver daut Jerecht nämen, wiels hee mie nich tru jewast es. #Hes 12,13 21Un aul siene baste Soldoten woaren em Kjrich omjebrocht woaren, un wäa noch äwablift woat soo aus von däm Wint aulawäajen vespreet woaren. Dan woa jie enseenen daut ekj Gott de Har sie.
22Dit es waut Gott de Har sajcht:
Vonne Spetz von een Zeeda,
vonne bowaschte Asta,
woa ekj een Auflaja nämen
un eene Städ fa daut finjen.
Met een licht jreenet Blaut,
von daut latste Jewaus,
plaunt ekj huach oppem Boajch
opp een aunjeseena Boajch
disen wieekjeljen Boom. #Jes 11,1
23Un en Israel, huach
oppem Boajch, plaunt ekj dän,
daut met Asta un Frucht,
daut een rajcht schmocka Boom
en daut Launt dan oppwaust.
Un veschiedenste Väajel
sent Tus en däm Boom;
un de Asta jäwen Schauten
fa aules waut flicht. #Hes 20,40; Dan 4,9; Mat 13,32
24Oppe Stap woat jieda
Boom daut dan seenen,
daut ekj gaunz auleen Har sie.
Ekj schlo dan dän hechsten
un häw jiedren kjlienen.
Waut jreent, lot ekj vedrieejen,
un waut drieech es, lot ekj jreenen.
Un wan ekj aus Har
waut jesajcht hab to junt,
woat daut secha soo romkomen. #1Sam 2,7-8; Hes 21,31
Currently Selected:
Hesekiel 17: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hesekiel 17
17
De Odlasch un de Auflaja
1Un mie wort noch wada kloa waut de Har to sajen haud. Hee säd: 2Menschensän, laj de Israeliten dise Jeschicht väa, un lot see een bät äwa dee nodenkjen. 3Saj an: dit es waut Gott de Har sajcht: Doa wia emol een groota Odla, dee lange stoakje Flichten haud. Däm siene Fadren leeten schmock un hauden veschiedne Kalieren. Dis Odla fluach no Libanon un socht sikj eenen Zeedaboom un kjrieech däm siene Spetz to hoolen. 4Hee bruak de Spetz, met daut waut niejewossen wia, auf, un neem dee no een Launt von Haundelsmana. Doa plaunt hee de Spetz en äare Haundels Staut en. #Hes 16,29 5Dan neem de Odla von daut Sotich von jan Launt un sad daut en goode Ieed, dicht bie een Wota, wua daut goot jewessat wia. 6Daut Sot kjiend un kjeem opp, un daut jeef eene breede Wienrank un nich sea huach. De Ranken strakjten sikj no däm Odla. Un de Plaunt warteld sikj doa en, un haud feine Ranken un Bläda. #Hes 19,10 7Oba doa wia noch een groota Odla met groote Flichten un väl Fadren, un de Rank langd met siene Wartlen no disen Odla, un strakjt siene Asta no däm. Hee wull haben daut de tweeda Odla am mea Wota jäwen sull aus daut Flekj wua hee jeplaunt wia. 8Oba hee wia je em ieeschten Faul aul en goode Ieed jesat, wua goot Wota wia. Hee haud goot kunt Asta un Wiendruwen haben un eene goode Wienrank sennen. 9Un dan saj: Dit es waut Gott de Har sajcht: Woat dit goot utkomen? Woat hee nich siene Wartel utjeräten kjrieen, soo daut de Frucht vedoawen woat. Dee woat utdrieejen un daut Loof woat vewalkjen. Daut woat kjeene groote Krauft ooda väl Menschen brucken toom däm de Wartlen utrieten. 10Un wan dee uk enjewartelt es, woat daut waut jäwen? Soo schwind aus de Oostwint wudd äwa de niee Städ komen, woat dee vedrieejen.
11Un mie wort noch wada kloa, waut de Har to sajen haud. Hee säd: 12Saj to daut stieekopje Volkj: Weet jie nich, waut ekj met dit sajen well? Un saj: Horcht emol. Doa kjeem een babelonischa Kjennich no Jerusalem un neem däm Kjennich un siene aunjestalde faust un veschlapt dee no sien Launt, no Babel. #2Kjen 24,10.15-16 13Un dan neem hee eenen von däm Kjennich siene Säns un muak eenen Bunt met däm un muak am vespräakjen, daut hee am deenen wudd. Oba de bowaschte Menschen von em Launt veschlapt hee. #(13-15) 2Kjen 24,17; 2Chr 36,13 14Soo bleef daut Launt doljeschloagen un kunn sikj nich huach opphäwen. See sullen dän Bunt hoolen un dän Wajch bestonen bliewen. 15Oba see bleewen nich bie däm Bunt, un schekjten Mana no Ägipten, un wullen haben daut dee an Pieed un väl Soldoten schekjen sullen. Hieet sikj daut no een gooda Plon? Jleefst du, daut wan hee soont deed, wudd hee doamet wajchkomen? Wudd hee doamet wajchkomen wan hee dän Bunt veschmeet? 16Dit sajcht Gott de Har gaunz kloa: En daut Launt von däm Kjennich, dee am aunjestalt haud, däm sien Vespräakjen hee nich hilt, un däm sien Bunt hee veschmeet, en däm sien Launt, dietlich jesajcht, en Babel, woat hee stoawen. 17Un de ägiptischa Kjennich met siene groote Armee un väl Mana woat en däm Kjrich nich waut halpen, wan Ieed woat jäajen de Stautswaunt oppjeschett un Torms jebut woaren fa de babelonische Armee. Dan woaren väle omjebrocht woaren. 18Wiels hee sien Vespräakjen veschmeet un sienen Bunt nich hilt, un wiels hee siene Haunt opp sien Wuat jeef un dan doch soo jehaundelt haft, woat hee nich doamet wajchkomen.
19Dit es waut Gott de Har sajcht: Ekj sie mie gaunz kloa, daut ekj däm Kjennich von Juda doafäa trigjtolen woa, daut hee mien Vespräakjen veschmäten haft un mienen Bunt nich jehoolen haft. 20Ekj woa mien Nat äwa am schmieten, soo daut hee en miene Schlenj faust jenomen woat woaren. Dan woa ekj am no Babel nämen un am doa ver daut Jerecht nämen, wiels hee mie nich tru jewast es. #Hes 12,13 21Un aul siene baste Soldoten woaren em Kjrich omjebrocht woaren, un wäa noch äwablift woat soo aus von däm Wint aulawäajen vespreet woaren. Dan woa jie enseenen daut ekj Gott de Har sie.
22Dit es waut Gott de Har sajcht:
Vonne Spetz von een Zeeda,
vonne bowaschte Asta,
woa ekj een Auflaja nämen
un eene Städ fa daut finjen.
Met een licht jreenet Blaut,
von daut latste Jewaus,
plaunt ekj huach oppem Boajch
opp een aunjeseena Boajch
disen wieekjeljen Boom. #Jes 11,1
23Un en Israel, huach
oppem Boajch, plaunt ekj dän,
daut met Asta un Frucht,
daut een rajcht schmocka Boom
en daut Launt dan oppwaust.
Un veschiedenste Väajel
sent Tus en däm Boom;
un de Asta jäwen Schauten
fa aules waut flicht. #Hes 20,40; Dan 4,9; Mat 13,32
24Oppe Stap woat jieda
Boom daut dan seenen,
daut ekj gaunz auleen Har sie.
Ekj schlo dan dän hechsten
un häw jiedren kjlienen.
Waut jreent, lot ekj vedrieejen,
un waut drieech es, lot ekj jreenen.
Un wan ekj aus Har
waut jesajcht hab to junt,
woat daut secha soo romkomen. #1Sam 2,7-8; Hes 21,31
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.