Hesekiel 11
11
Daut Jerecht äwa de Leidasch en Jerusalem
1Un de Jeist hoof mie opp, un brocht mie no däm Harn sien Hus, un doa no daut oostne Puat. Un horch emol, doa sach ekj ver mie 25 Mana bie daut Puat, un mank de Mana sach ekj Jaasanja, Assur sien Sän, un Pelatja, Benaja sien Sän. #Hes 3,12 2Un de Har säd to mie: Menschensän, dit sent dee Mana, dee fa dise Staut Onheil plonen un schlajchten Rot jäwen. 3See sajen: “Wie haben enne latste Tiet nich Hiesa oppjebut. De Staut es een Gropen, un wie sent daut Fleesch.” #Hes 24,3-14 4Doawäajen saust du, Menschensän, jäajen an profezeien. 5Un de Jeist vom Harn kjeem opp mie un säd, daut ekj dit sajen sull: Dit es waut de Har sajcht: Daut es waut jie Israeliten sajen, oba ekj weet waut jie werkjlich denkjen. 6Jie haben väl Menschen omjebrocht, un de Doodes ligjen aulawäajen oppe Gaussen. 7Doawäajen sajcht Gott de Har: De Doodes, dee opp june Gaussen ligjen, sent daut Fleesch em Gropen, oba jie woaren ut dise Staut rutjenomen woaren. 8Jie ferchten junt fa daut Schwieet. Ekj woa daut Schwieet opp junt komen loten, sajcht Gott de Har. 9Ekj woa junt ut de Staut rut driewen un aun framde äwajäwen. Dee woaren Jerecht äwa junt fieren, 10soo daut jie woaren vom Schwieet doljeschloagen woaren. Ekj woa junt oppe Jrens von Israel rechten, un jie woaren enseenen, daut ekj de Har sie. #2Kjen 25,20-21 11De Staut woat nich een Gropen fa junt sennen, un jie woaren nich daut Fleesch doabennen sennen. Ekj woa junt oppe Jrensen von Israel rechten. 12Un jie woaren enseenen, daut ekj de Har sie. Jie haben miene Jebooten nich jehoolen, un haben junt nich no miene Väaschreften jerecht. Jie haben junt no de Väaschreften von de Velkja rom junt jerecht. 13Dan neem sikj daut soo rom, daut jrod aus ekj profezeien deed, storf Pelatja, Benaja sien Sän. Un ekj foll opp mien Jesecht han un schrieech lud: Har Gott, woascht du een Enj moaken met daut äwaje von Israel? #Hes 9,8
Troost fa dee waut veschlapt sent
14Un mie wort kloa, waut de Har sajen wull. De Har säd: 15Menschensän, de Lied dee noch en Jerusalem wonen, sajen von äare Breeda un äa Frintschoft, un aule aundre Israeliten, daut see wiet auf vom Harn sent, un daut wie, dee wie hia en Jerusalem wonen, daut Oafgoot hoolen. 16Doatoo saj nu: Gott de Har sajcht: Jo, soogoa wan ekj an wiet mank de Velkja jeschekjt hab, un an en de Lenda vestreit hab, woa ekj an een kortet stootje en de Lenda Schutz jäwen, wua see hanjeroden sent. #Hes 6,8-10 17Saj an: Dit es waut Gott de Har sajcht: Ekj well junt von mank de Velkja un von en de Lenda saumlen, wua jie nu vestreit sent, un ekj well junt daut Launt Israel jäwen. #Jer 24,5-6; 29,14 18Un see woaren komen un een kortet Enj moaken met aul daut beese waut see doonen un dän oppscheiseljen Jettadeenst. 19Un ekj woa an een eenkjanjet Hoat, un eenen nieen Jeist jäwen. Ekj woa daut steenane Hoat von an wajchnämen, un an een fleeschnet Hoat jäwen. #Jer 24,7; Hes 36,26 20Un dan woaren see no miene Väaschreften läwen un miene Jesazen hoolen, un jehuarsom sennen. Un see woaren mien Volkj sennen, un ekj woa äa Gott sennen. #Jer 7,23; Hes 14,11 21Oba dee, dee em Hoat wieda daut beese doonen un dän oppscheiseljen Jettadeenst biebehoolen, woaren daut opp äaren Kopp trigjkjrieen, waut see jedonen haben. Dit sajcht Gott de Har.
22Dan klaupten de Cheruben äare Flichten, un de Räda fluagen met an. Un de Harlichkjeit von Israel äa Gott wia bowa an. #(22 un 23) Hes 1,28 23Un de Harlichkjeit vom Harn hoof sikj opp von en de Medd von de Staut un stald sikj opp däm Boajch dee nom Oosten buta de Staut es. 24Un de Jeist hoof mie opp un brocht mie en eene Vision derch Gott sienen Jeist no Chaldäa no de veschlapte. Un daut, waut ekj doa jeseenen haud, veschwunk. #Hes 3,12 25Un ekj säd de veschlapte aules waut de Har mie jewäsen haud.
Currently Selected:
Hesekiel 11: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Hesekiel 11
11
Daut Jerecht äwa de Leidasch en Jerusalem
1Un de Jeist hoof mie opp, un brocht mie no däm Harn sien Hus, un doa no daut oostne Puat. Un horch emol, doa sach ekj ver mie 25 Mana bie daut Puat, un mank de Mana sach ekj Jaasanja, Assur sien Sän, un Pelatja, Benaja sien Sän. #Hes 3,12 2Un de Har säd to mie: Menschensän, dit sent dee Mana, dee fa dise Staut Onheil plonen un schlajchten Rot jäwen. 3See sajen: “Wie haben enne latste Tiet nich Hiesa oppjebut. De Staut es een Gropen, un wie sent daut Fleesch.” #Hes 24,3-14 4Doawäajen saust du, Menschensän, jäajen an profezeien. 5Un de Jeist vom Harn kjeem opp mie un säd, daut ekj dit sajen sull: Dit es waut de Har sajcht: Daut es waut jie Israeliten sajen, oba ekj weet waut jie werkjlich denkjen. 6Jie haben väl Menschen omjebrocht, un de Doodes ligjen aulawäajen oppe Gaussen. 7Doawäajen sajcht Gott de Har: De Doodes, dee opp june Gaussen ligjen, sent daut Fleesch em Gropen, oba jie woaren ut dise Staut rutjenomen woaren. 8Jie ferchten junt fa daut Schwieet. Ekj woa daut Schwieet opp junt komen loten, sajcht Gott de Har. 9Ekj woa junt ut de Staut rut driewen un aun framde äwajäwen. Dee woaren Jerecht äwa junt fieren, 10soo daut jie woaren vom Schwieet doljeschloagen woaren. Ekj woa junt oppe Jrens von Israel rechten, un jie woaren enseenen, daut ekj de Har sie. #2Kjen 25,20-21 11De Staut woat nich een Gropen fa junt sennen, un jie woaren nich daut Fleesch doabennen sennen. Ekj woa junt oppe Jrensen von Israel rechten. 12Un jie woaren enseenen, daut ekj de Har sie. Jie haben miene Jebooten nich jehoolen, un haben junt nich no miene Väaschreften jerecht. Jie haben junt no de Väaschreften von de Velkja rom junt jerecht. 13Dan neem sikj daut soo rom, daut jrod aus ekj profezeien deed, storf Pelatja, Benaja sien Sän. Un ekj foll opp mien Jesecht han un schrieech lud: Har Gott, woascht du een Enj moaken met daut äwaje von Israel? #Hes 9,8
Troost fa dee waut veschlapt sent
14Un mie wort kloa, waut de Har sajen wull. De Har säd: 15Menschensän, de Lied dee noch en Jerusalem wonen, sajen von äare Breeda un äa Frintschoft, un aule aundre Israeliten, daut see wiet auf vom Harn sent, un daut wie, dee wie hia en Jerusalem wonen, daut Oafgoot hoolen. 16Doatoo saj nu: Gott de Har sajcht: Jo, soogoa wan ekj an wiet mank de Velkja jeschekjt hab, un an en de Lenda vestreit hab, woa ekj an een kortet stootje en de Lenda Schutz jäwen, wua see hanjeroden sent. #Hes 6,8-10 17Saj an: Dit es waut Gott de Har sajcht: Ekj well junt von mank de Velkja un von en de Lenda saumlen, wua jie nu vestreit sent, un ekj well junt daut Launt Israel jäwen. #Jer 24,5-6; 29,14 18Un see woaren komen un een kortet Enj moaken met aul daut beese waut see doonen un dän oppscheiseljen Jettadeenst. 19Un ekj woa an een eenkjanjet Hoat, un eenen nieen Jeist jäwen. Ekj woa daut steenane Hoat von an wajchnämen, un an een fleeschnet Hoat jäwen. #Jer 24,7; Hes 36,26 20Un dan woaren see no miene Väaschreften läwen un miene Jesazen hoolen, un jehuarsom sennen. Un see woaren mien Volkj sennen, un ekj woa äa Gott sennen. #Jer 7,23; Hes 14,11 21Oba dee, dee em Hoat wieda daut beese doonen un dän oppscheiseljen Jettadeenst biebehoolen, woaren daut opp äaren Kopp trigjkjrieen, waut see jedonen haben. Dit sajcht Gott de Har.
22Dan klaupten de Cheruben äare Flichten, un de Räda fluagen met an. Un de Harlichkjeit von Israel äa Gott wia bowa an. #(22 un 23) Hes 1,28 23Un de Harlichkjeit vom Harn hoof sikj opp von en de Medd von de Staut un stald sikj opp däm Boajch dee nom Oosten buta de Staut es. 24Un de Jeist hoof mie opp un brocht mie en eene Vision derch Gott sienen Jeist no Chaldäa no de veschlapte. Un daut, waut ekj doa jeseenen haud, veschwunk. #Hes 3,12 25Un ekj säd de veschlapte aules waut de Har mie jewäsen haud.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.