2. Mose 17
17
Wota bie Massa un Meriba
(4Mo 20,1-13)
1De Jemeenschoft von Israeliten muaken sikj oppem Wajch von de Sin Wiltnis een Dach nom aundren, soo aus de Har an säd, un see loagaden sikj bie Refidim. Oba doa wia nich Wota fa daut Volkj. #4Mo 33,12-14 2Daut Volkj wia entwei met Moses un säd: Jeff ons Wota, daut wie drinkjen kjennen. Un Moses säd: Wuarom sent jie entwei met mie? Wuarom stal jie däm Harn oppe Proow? #5Mo 6,16 3Oba daut Volkj darscht doa no Wota, un see grumsaujden to Moses: Wuarom hast du ons ut Ägipten jebrocht, daut wie hia met onse Kjinja un ons Vee von Darscht stoawen sullen? #2Mo 15,24; 16,2; 4Mo 14,2-4; 17,6-28 4Moses roopt däm Harn aun: Waut doo ekj met dit Volkj? Wan daut soo wieda jeit, dan woaren see mie noch steenjen? #4Mo 14,10 5De Har auntwuad Moses: Go du ver daut Volkj veropp. Nemm de Leidasch vom Volkj met die, un uk dän Stock, met woonen du dän Niel schluachst, un go. #2Mo 7,20 6Doa bie däm Steen bie Horeb woa ekj ver die stonen. Schlo doa jäajen däm Steen, un dan woat doa Wota väakomen, daut de Menschen woaren drinkjen kjennen. Un Moses deed daut, soo daut aul de israelitische Leidasch daut sagen. #4Mo 20,11; 1Kor 10,4 7See nanden de Städ Massa un Meriba, wiels de Israeliten doa grumsaujden un däm Harn aufproowden. See säden: Es de Har bie ons ooda nich? #Psa 95,8-9; Micha 3,11
Gott halpt em Kjrich
8De Amalekita jreepen de Israeliten bie Refidim aun. #1Mo 36,12.16 9Moses säd to Josua: Las die Mana ut, un go rut met de Amalekita to kjriejen. Morjen woa ekj bowen oppem Boajch stonen, un en miene Haunt woa ekj dän Stock hoolen, dän Gott mie jejäft haft. #4Mo 13,8.16 10Josua deed soo aus Moses am jesajcht haud, om met de Amalekita to kjriejen. Un Moses, Aaron un Hur jinjen opp däm Boajch nopp. #2Mo 24,14 11Un daut muak sikj, daut soo lang aus Moses siene Henj opphoof, jewonnen de Israeliten, un wan hee de Henj rauf läd, dan jewonnen de Amalekita. 12Aus dan Moses siene Henj meed worden, läden see eenen Steen han, un Moses sad sikj opp däm dol. Un Aaron un Hur, eena aun jieda Sied, neemen jieda eene Haunt un hilden dee huach. Un siene Henj bleewen bestendich huach, bat de Sonn unjajinkj. 13Un Josua jewonn äwa Amalek un siene Armee en äaren Kaumf.
14De Har säd to Moses: Schriew dit opp, daut jie daut woaren em Denkj hoolen. Un saj Josua daut onbedinjt: De Amalekita woa ekj utroden, soo daut kjeena dee woat em Denkj hoolen. #5Mo 25,17-19; 1Sam 15,2-3 15Un Moses stald doa eenen Aultoa opp un nand däm: De Har es miene Flag. 16Soo aus de Haunt huach no däm Harn sien Troon rieekjt, säd Moses, soo woat hee Israel emma wada jäajen Amalek em Kjrich leiden, eemol no daut aundremol. #Jer 3,17
Currently Selected:
2. Mose 17: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 17
17
Wota bie Massa un Meriba
(4Mo 20,1-13)
1De Jemeenschoft von Israeliten muaken sikj oppem Wajch von de Sin Wiltnis een Dach nom aundren, soo aus de Har an säd, un see loagaden sikj bie Refidim. Oba doa wia nich Wota fa daut Volkj. #4Mo 33,12-14 2Daut Volkj wia entwei met Moses un säd: Jeff ons Wota, daut wie drinkjen kjennen. Un Moses säd: Wuarom sent jie entwei met mie? Wuarom stal jie däm Harn oppe Proow? #5Mo 6,16 3Oba daut Volkj darscht doa no Wota, un see grumsaujden to Moses: Wuarom hast du ons ut Ägipten jebrocht, daut wie hia met onse Kjinja un ons Vee von Darscht stoawen sullen? #2Mo 15,24; 16,2; 4Mo 14,2-4; 17,6-28 4Moses roopt däm Harn aun: Waut doo ekj met dit Volkj? Wan daut soo wieda jeit, dan woaren see mie noch steenjen? #4Mo 14,10 5De Har auntwuad Moses: Go du ver daut Volkj veropp. Nemm de Leidasch vom Volkj met die, un uk dän Stock, met woonen du dän Niel schluachst, un go. #2Mo 7,20 6Doa bie däm Steen bie Horeb woa ekj ver die stonen. Schlo doa jäajen däm Steen, un dan woat doa Wota väakomen, daut de Menschen woaren drinkjen kjennen. Un Moses deed daut, soo daut aul de israelitische Leidasch daut sagen. #4Mo 20,11; 1Kor 10,4 7See nanden de Städ Massa un Meriba, wiels de Israeliten doa grumsaujden un däm Harn aufproowden. See säden: Es de Har bie ons ooda nich? #Psa 95,8-9; Micha 3,11
Gott halpt em Kjrich
8De Amalekita jreepen de Israeliten bie Refidim aun. #1Mo 36,12.16 9Moses säd to Josua: Las die Mana ut, un go rut met de Amalekita to kjriejen. Morjen woa ekj bowen oppem Boajch stonen, un en miene Haunt woa ekj dän Stock hoolen, dän Gott mie jejäft haft. #4Mo 13,8.16 10Josua deed soo aus Moses am jesajcht haud, om met de Amalekita to kjriejen. Un Moses, Aaron un Hur jinjen opp däm Boajch nopp. #2Mo 24,14 11Un daut muak sikj, daut soo lang aus Moses siene Henj opphoof, jewonnen de Israeliten, un wan hee de Henj rauf läd, dan jewonnen de Amalekita. 12Aus dan Moses siene Henj meed worden, läden see eenen Steen han, un Moses sad sikj opp däm dol. Un Aaron un Hur, eena aun jieda Sied, neemen jieda eene Haunt un hilden dee huach. Un siene Henj bleewen bestendich huach, bat de Sonn unjajinkj. 13Un Josua jewonn äwa Amalek un siene Armee en äaren Kaumf.
14De Har säd to Moses: Schriew dit opp, daut jie daut woaren em Denkj hoolen. Un saj Josua daut onbedinjt: De Amalekita woa ekj utroden, soo daut kjeena dee woat em Denkj hoolen. #5Mo 25,17-19; 1Sam 15,2-3 15Un Moses stald doa eenen Aultoa opp un nand däm: De Har es miene Flag. 16Soo aus de Haunt huach no däm Harn sien Troon rieekjt, säd Moses, soo woat hee Israel emma wada jäajen Amalek em Kjrich leiden, eemol no daut aundremol. #Jer 3,17
Currently Selected:
:
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.