Liera 3
3
Gott lat fa aules Tiet
1Aules haft siene Jeläajenheit;
doa es eene Tiet fa jieda Sach oppe Ieed.
#
Psa 31,16; Liera 8,6 2Jebuaren woaren haft siene Tiet, stoawen haft siene Tiet,
plaunten haft siene Tiet, utrieten haft siene Tiet.
3Doot schlonen haft siene Tiet, veheelen haft siene Tiet,
dolrieten haft siene Tiet, oppbuen haft siene Tiet;
4hielen haft siene Tiet, lachen haft siene Tiet,
truaren haft siene Tiet, daunzen haft siene Tiet.
5Steena schmieten haft siene Tiet, nich Steena schmieten haft siene Tiet,
wäm goot drekjen haft siene Tiet, nich goot drekjen haft siene Tiet;
6finjen haft siene Tiet, velieren haft siene Tiet,
biebehoolen haft siene Tiet, wajchschmieten haft siene Tiet.
7Tweirieten haft siene Tiet, toopneien haft siene Tiet,
stell sennen haft siene Tiet, räden haft siene Tiet.
8Goot sennen haft siene Tiet, veläajen sennen haft siene Tiet,
kjriejen haft siene Tiet, frädlich sennen haft siene Tiet.
9Waut nuzt däm Oabeida sien sträwen?
10Ekj hab nojeseenen wäajen de Oabeit, dee Gott de Menschen jejäft haft, daut see dee doonen. 11Soo aus hee daut enjefieet haft, lat de Tiet sikj fa aules schekjen, un hee haft däm Mensch eene Oninj jejäft von Tieden, von dee wie nuscht weeten; wie woaren nienich aules waut Gott deit, vom Aunfank bat aum Enj, vestonen. #Liera 8,17
12Dan wort mie daut kloa, daut et nuscht bätret fa eenem jeft, aus daut eena sikj daut em Läwen scheen gonen lat un goot läft, #Liera 2,24 13daut meent daut eena at un drinkjt, un en aul sien bemieejen, sikj daut scheen gonen lat. Daut kjemt aula von Gott.
14Un mie wort daut kloa, daut aules, waut Gott deit, opp emma blift; un doa es uk nuscht, waut doa bietosaten jeit, ooda waut eena doavon wajchnämen kaun. Gott haft aules soo enjefieet, daut wie Ieaforcht fa am haben. 15Daut waut passieet, es aul jewast; un daut waut noch sennen woat, es uk aul jewast. Gott sitt emma wada, waut fa ons aul vebie es.
16Un ekj sach uk, daut doa opp dise Ieed, wua nom rajcht jeseenen sull, soogoa doa jinkj daut orrajcht, un wua eena jleewd, daut see wudden jerajcht sennen, soogoa doa jinkj daut gottloos too. 17Dan docht ekj bie mie, Gott woat de jerajchte un de ojjerajchte ver Jerecht brinjen; doa woat eene Tiet sennen fa jieda Dinkj, waut oppe Ieed passieet. #Liera 12,14 18Un ekj docht uk bie mie, daut Gott prooft de Menschen auf, daut see enseenen, daut see selfst soo aus Vee sent. 19Daut jeit met de Menschen soo aus met daut Vee: dee motten beid stoawen. Dee haben beid dän läwendjen Odem, un en däm Senn, sent dee äwareen. Daut es bloos nich to bejriepen. #Psa 49,13.21 20Aules haft daut selwje Enj. Aules es von Ieed jekomen, un aules woat wada to Ieed. #1Mo 3,19; Psa 146,4 21Kjeena weet auf de läwendja Odem vom Mensch enne Hecht jeit, un dee vom Vee rauf, enne Ieed nenn jeit. 22Un soo wort mie daut kloa, daut doa nuscht bätret fa däm Mensch es, aus daut hee sikj lat siene Oabeit scheengonen; daut es waut hee doafäa kjricht. Ooda es doa wäa, dee am wiesen kaun, waut nohäa kjemt?
Currently Selected:
Liera 3: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Liera 3
3
Gott lat fa aules Tiet
1Aules haft siene Jeläajenheit;
doa es eene Tiet fa jieda Sach oppe Ieed.
#
Psa 31,16; Liera 8,6 2Jebuaren woaren haft siene Tiet, stoawen haft siene Tiet,
plaunten haft siene Tiet, utrieten haft siene Tiet.
3Doot schlonen haft siene Tiet, veheelen haft siene Tiet,
dolrieten haft siene Tiet, oppbuen haft siene Tiet;
4hielen haft siene Tiet, lachen haft siene Tiet,
truaren haft siene Tiet, daunzen haft siene Tiet.
5Steena schmieten haft siene Tiet, nich Steena schmieten haft siene Tiet,
wäm goot drekjen haft siene Tiet, nich goot drekjen haft siene Tiet;
6finjen haft siene Tiet, velieren haft siene Tiet,
biebehoolen haft siene Tiet, wajchschmieten haft siene Tiet.
7Tweirieten haft siene Tiet, toopneien haft siene Tiet,
stell sennen haft siene Tiet, räden haft siene Tiet.
8Goot sennen haft siene Tiet, veläajen sennen haft siene Tiet,
kjriejen haft siene Tiet, frädlich sennen haft siene Tiet.
9Waut nuzt däm Oabeida sien sträwen?
10Ekj hab nojeseenen wäajen de Oabeit, dee Gott de Menschen jejäft haft, daut see dee doonen. 11Soo aus hee daut enjefieet haft, lat de Tiet sikj fa aules schekjen, un hee haft däm Mensch eene Oninj jejäft von Tieden, von dee wie nuscht weeten; wie woaren nienich aules waut Gott deit, vom Aunfank bat aum Enj, vestonen. #Liera 8,17
12Dan wort mie daut kloa, daut et nuscht bätret fa eenem jeft, aus daut eena sikj daut em Läwen scheen gonen lat un goot läft, #Liera 2,24 13daut meent daut eena at un drinkjt, un en aul sien bemieejen, sikj daut scheen gonen lat. Daut kjemt aula von Gott.
14Un mie wort daut kloa, daut aules, waut Gott deit, opp emma blift; un doa es uk nuscht, waut doa bietosaten jeit, ooda waut eena doavon wajchnämen kaun. Gott haft aules soo enjefieet, daut wie Ieaforcht fa am haben. 15Daut waut passieet, es aul jewast; un daut waut noch sennen woat, es uk aul jewast. Gott sitt emma wada, waut fa ons aul vebie es.
16Un ekj sach uk, daut doa opp dise Ieed, wua nom rajcht jeseenen sull, soogoa doa jinkj daut orrajcht, un wua eena jleewd, daut see wudden jerajcht sennen, soogoa doa jinkj daut gottloos too. 17Dan docht ekj bie mie, Gott woat de jerajchte un de ojjerajchte ver Jerecht brinjen; doa woat eene Tiet sennen fa jieda Dinkj, waut oppe Ieed passieet. #Liera 12,14 18Un ekj docht uk bie mie, daut Gott prooft de Menschen auf, daut see enseenen, daut see selfst soo aus Vee sent. 19Daut jeit met de Menschen soo aus met daut Vee: dee motten beid stoawen. Dee haben beid dän läwendjen Odem, un en däm Senn, sent dee äwareen. Daut es bloos nich to bejriepen. #Psa 49,13.21 20Aules haft daut selwje Enj. Aules es von Ieed jekomen, un aules woat wada to Ieed. #1Mo 3,19; Psa 146,4 21Kjeena weet auf de läwendja Odem vom Mensch enne Hecht jeit, un dee vom Vee rauf, enne Ieed nenn jeit. 22Un soo wort mie daut kloa, daut doa nuscht bätret fa däm Mensch es, aus daut hee sikj lat siene Oabeit scheengonen; daut es waut hee doafäa kjricht. Ooda es doa wäa, dee am wiesen kaun, waut nohäa kjemt?
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.