Daniel 11
11
Eene Weltmacht no de aundre
1En Darius, von Medien sien ieeschtet Joa, stunt ekj, Gabriel, däm bie un holp am.
2Ekj woa die nu de Woarheit sajen. Kjikj emol, doa woaren noch dree persische Kjennichs komen, un de vieeda woat rikj sennen, noch rikja aus dee ver am. Un wan hee to groote Macht kjemt derch sien Rikjtum, woat hee aules aunsaten jäajen daut griechische Rikj. #Dan 10,21 3Dan woat een majchtja Kjennich komen. Dee woat met sea groote Krauft omgonen un krakjt daut doonen waut am jankat. #Dan 8,21 4No am woat daut Rikj oppjebroaken woaren, un no de vea Wintrechtungen vedeelt woaren. Dee woaren nich von siene Nokomen rejieet woaren un woaren uk nich soo groosoatich sennen. Aundre woaren daut Rikj nämen no am. #Dan 8,8.22
5De Kjennich vom Sieden woat stoakj sennen oba eena von siene Volkjsleida woat noch stoakja sennen un woat sien ieejnet Rikj met väl Krauft rejieren. 6No een poa Joa woaren dee beid sikj eenjen, un de Dochta vom Kjennich vom Sieden woat däm Kjennich vom Nuaden siene Fru woaren, om Fräd to moaken. See woat oba nich äare Macht behoolen, un hee un siene Nokomen woaren äare Macht velieren. See woat met äaren Maun, un äa Kjint un äare Deena, oppjejäft woaren. 7Dan woat een aundra von äare Famielje Kjennich em Sieden woaren en äaren Voda siene Städ. Dee woat jäajen de Armee von däm Kjennich vom Nuaden kjriejen un en siene Hauptstaut nengonen un äwa dän jewennen. 8Hee woat dän äare Jetta un jegotne Aufjetta trigj no Ägipten nämen, toop met daut goldne un daut selwane Teetich. Dan woat miere Joa Fräd sennen. 9Dan woat de Kjennich vom Nuaden noch eemol däm Kjennich vom Sieden aunjriepen, un dan oba trigj trakjen en sien ieejnet Launt.
10Dan woaren de Säns vom Kjennich vom Sieden een grootet Häa toop ropen, un aus eene Äwaschwamunk nenjriepen bat aun de Hauptstaut. 11Doamet woat de Kjennich vom Sieden doll woaren un woat met däm Kjennich vom Nuaden un sien grootet Häa kjriejen un en siene Macht jejäft woaren. 12Wan hee äwa daut Häa jewennen woat, woat hee en sikj stolt woaren. Hee woat miere 10.000 ombrinjen, oba hee woat nich de Äwamacht hoolen. 13De Kjennich vom Nuaden woat dan noch eemol een Häa reed moaken, jrata aus daut väaje mol, un wan de Tiet ieescht reed es, woat hee met eene groote Armee komen, dee väl Jereetschoft haft. 14Dan woaren en dee Tiet väle sikj oppmoaken un sikj jäajen däm Kjennich vom Sieden oppstalen. Doa woaren uk Mana von dien Volkj, soone waut met Jewault omgonen, sikj doatoo hanjäwen en de Meeninj, daut äa Droom fa äa Launt utkomen woat, oba dee woat daut nich jlekjen. 15De Kjennich vom Nuaden woat komen eenen Wajch moaken bat oppe Stautswaunt un de vesechade Städ ennämen. De Soldoten vom Sieden woaren de Staut nich hoolen kjennen, nich emol äare baste Soldoten woaren opp de lenjd stonen bliewen. 16Oba de Aunjriepa woat sienen Wellen haben, kjeena woat am opphoolen. Hee woat sikj en daut prachtvolle Launt tus moaken un met eene stoakje Haunt rejieren. #Dan 8,9 17Hee woat sikj väanämen, daut hee met de Macht von sien gaunzet Rikj, waut hee haft, aunkomen woat, un hee woat Frädens Bedinjungen brinjen un dee enfieren. Hee woat am eene Mejal to Fru jäwen om daut Rikj entonämen. Oba de Plon woat nich goot fa am utkomen ooda am halpen. 18Dan woat hee nom Mäa opptoo gonen un väl Launt ennämen. Oba een Kommandaunt woat een Enj moaken met sien trotzen, un am trigj trotzen. 19Dan woat hee trigj no de Hauptstaut en sien ieejnet Launt gonen, oba hinjawäajes woat hee tofaul komen, un woat selfst nich bat doa komen.
20Dee waut no am Kjennich woat sennen, woat eenen Kollakjta schekjen om Taks to kollakjten von daut scheene Rikj, oba en een poa Doag woat sien Enj sennen un nich derch Oaja ooda Jestried.
21Dee waut siene Städ dan ennemt, woat veacht woaren un kjeena woat am daut Kjennichsrajcht jäwen. Hee woat met Lest un onen Jäajenstaunt daut Kjennichrikj äwanämen. #Dan 8,23-24 22Armeeen woaren von am flichten un vedorwen woaren un de Leida vom Bunt uk. 23Soo schwind aus hee sikj met am eenich woat, woat hee hinjalestich met däm haundlen, un hee woat Macht kjrieen äwa een kjlienet Volkj. 24Hee woat onen Woarnunk en de rikjste Prowins nengonen, soo aus kjeena von siene Staumvodasch jedonen haud. Hee woat siene Mana veschiedenstet jäwen von daut waut hee jeplindat un jestolen haft. Hee woat eenen Plon moaken, stoakje Städa entonämen, oba mau fa eene jewesse Tiet. 25Hee woat siene Macht oppbuen un sienen Moot oppreizen un met eene groote Armee jäajen däm Kjennich vom Sieden komen. De Kjennich vom Sieden woat met eene sea groote Armee jäajen am komen, oba woat nich jewennen, wäajen de Lest dee jäajen am jeplont woat. 26Soogoa dee, dee hee met sien rikjet Äten vesorcht haft, woaren am enne Grunt brinjen. Siene Armee woat sikj vestreien un väle Doodes haben. 27De twee Kjennichs woaren beid met eene beese Enstalunk eena toom aundren räden. Oba daut woat nuscht doarut jäwen, wiels de bestemde Tiet fa daut Enj es noch nich. 28De Kjennich vom Nuaden woat sea rikj sennen un trigj no sien Launt gonen, oba em Hoat woat hee jäajen däm heiljen Bunt sennen. Hee woat uk fa eene Tiet jäajen däm Bunt oabeiden un dan trigj no sien Launt gonen. 29Om de jesade Tiet woat hee noch eemol em Sieden nenn trakjen. Daut woat ditmol nich soo sennen aus daut väaje mol. 30Ditmol woaren see en Schäp von Kittim jäajen am komen, un am woat daut soo väl enjsten, daut hee trigjtrakjen woat. Dan woat hee sienen Oaja opp däm heiljen Bunt komen loten. Doa jeef hee Acht opp dee, dee dän heiljen Bunt veloten haben. 31Siene Armee woat daut Heilichtum un de huage Mia toschaund moaken un een Enj moaken von daut däachelje Opfa. Dee woaren uk daut oppscheiselje Bilt oppstalen un dän Tempel en onieren brinjen. #Dan 9,27 32Dee, dee dän Bunt äwaträden, woat hee schmeichlen un veleiden, oba de Menschen, dee Gott kjanen, dee woaren am Jäajenstaunt jäwen. 33Dee, dee Weisheit haben, woaren väle to een Vestentnis brinjen, wan see uk fa eene Tiet daut Schwieet un daut Fia lieden motten, ooda uk em Jefenkjnis setten ooda bestolen woaren. 34Wan see faulen, woat an mau weinich Help jewäsen woaren. Dee, dee sikj an aunschluten, woaren daut hinjalestich doonen. 35Eenje von dee waut weis sent, woaren en de Vefoljunk faulen, daut see kjennen rein un ajcht un witt sennen bat daut Enj, wiels de bestemde Tiet es noch nich.
36De Kjennich woat doonen, krakjt waut hee well. Hee woat sikj huach opphäwen un sikj Iea jäwen hecha aus irjent eenen Aufgott. Äwa däm Gott, dee äwa de Jetta es, woat hee onerhieedet sajen. Hee woat sienen Wajch haben bat hee jenuach Schoden aunjerecht haft, soo aus daut bestemt es. #Dan 7,8.25; 2Tess 2,4; Opb 13,5-6 37De Kjennich woat sikj nich kjemren om de Jetta, dee siene Väavodasch jedeent haben, ooda om däm, dän de Frues mäajen. Hee woat no kjeen Gott horchen un bloos sikj selfst huach häwen. #Hes 8,14 38Enne Städ von dise Jetta woat hee eenen Aufgott fa Städa met Mieren un Jewäa ieren, dän siene Väavodasch nich kjanden. Hee woat däm Golt, Selwa, diere Steena un diere Jeschenkja jäwen. 39Hee woat met dee stoakjste Städa kjriejen, met de Help von eenen framden Aufgott. Soone waut am Aunerkjanunk jäwen, woat hee ieren un Veauntwuatunk äwa väle jäwen. Hee woat daut Launt aus Loon jäwen.
40Wan daut Enj kjemt, woat de Kjennich vom Sieden jäajen am kjriejen. De Kjennich vom Nuaden woat dan met Pieed un Woages un väl Schäp aunjriepen, un derch veschiedne Lenda gonen aus eene Äwaschwamunk. 41Wan hee met siene Armee en daut straume Launt nenn trakjt, woaren väle dusende omkomen. De Edomita, Moabita, un daut jratste Poat von de Amonita oba woaren veschoont bliewen. #Dan 11,16 42Hee woat met siene Macht jäajen de Lenda gonen. Soogoa Ägipten woat nich jeschoont bliewen, wan hee soo de Lenda bestälen woat. 43Hee woat aul daut Golt un Selwa un aul de wieetvolle Sachen en Ägipten en siene Macht kjrieen, un Libien un Kusch woaren am unjadon sennen. 44Oba dan woat Norecht vom Oosten un Nuaden komen, dee am sea enjsten woat, un hee woat schrakjlich omhäa gonen un grooten Schoden un väle Doodes veuasoaken. 45Hee woat sien Kjennichszelt tweschen daut Mäa un däm schmocken heiljen Boajch oppstalen. Doch woat sien Enj komen un kjeena woat am halpen.
Currently Selected:
Daniel 11: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Daniel 11
11
Eene Weltmacht no de aundre
1En Darius, von Medien sien ieeschtet Joa, stunt ekj, Gabriel, däm bie un holp am.
2Ekj woa die nu de Woarheit sajen. Kjikj emol, doa woaren noch dree persische Kjennichs komen, un de vieeda woat rikj sennen, noch rikja aus dee ver am. Un wan hee to groote Macht kjemt derch sien Rikjtum, woat hee aules aunsaten jäajen daut griechische Rikj. #Dan 10,21 3Dan woat een majchtja Kjennich komen. Dee woat met sea groote Krauft omgonen un krakjt daut doonen waut am jankat. #Dan 8,21 4No am woat daut Rikj oppjebroaken woaren, un no de vea Wintrechtungen vedeelt woaren. Dee woaren nich von siene Nokomen rejieet woaren un woaren uk nich soo groosoatich sennen. Aundre woaren daut Rikj nämen no am. #Dan 8,8.22
5De Kjennich vom Sieden woat stoakj sennen oba eena von siene Volkjsleida woat noch stoakja sennen un woat sien ieejnet Rikj met väl Krauft rejieren. 6No een poa Joa woaren dee beid sikj eenjen, un de Dochta vom Kjennich vom Sieden woat däm Kjennich vom Nuaden siene Fru woaren, om Fräd to moaken. See woat oba nich äare Macht behoolen, un hee un siene Nokomen woaren äare Macht velieren. See woat met äaren Maun, un äa Kjint un äare Deena, oppjejäft woaren. 7Dan woat een aundra von äare Famielje Kjennich em Sieden woaren en äaren Voda siene Städ. Dee woat jäajen de Armee von däm Kjennich vom Nuaden kjriejen un en siene Hauptstaut nengonen un äwa dän jewennen. 8Hee woat dän äare Jetta un jegotne Aufjetta trigj no Ägipten nämen, toop met daut goldne un daut selwane Teetich. Dan woat miere Joa Fräd sennen. 9Dan woat de Kjennich vom Nuaden noch eemol däm Kjennich vom Sieden aunjriepen, un dan oba trigj trakjen en sien ieejnet Launt.
10Dan woaren de Säns vom Kjennich vom Sieden een grootet Häa toop ropen, un aus eene Äwaschwamunk nenjriepen bat aun de Hauptstaut. 11Doamet woat de Kjennich vom Sieden doll woaren un woat met däm Kjennich vom Nuaden un sien grootet Häa kjriejen un en siene Macht jejäft woaren. 12Wan hee äwa daut Häa jewennen woat, woat hee en sikj stolt woaren. Hee woat miere 10.000 ombrinjen, oba hee woat nich de Äwamacht hoolen. 13De Kjennich vom Nuaden woat dan noch eemol een Häa reed moaken, jrata aus daut väaje mol, un wan de Tiet ieescht reed es, woat hee met eene groote Armee komen, dee väl Jereetschoft haft. 14Dan woaren en dee Tiet väle sikj oppmoaken un sikj jäajen däm Kjennich vom Sieden oppstalen. Doa woaren uk Mana von dien Volkj, soone waut met Jewault omgonen, sikj doatoo hanjäwen en de Meeninj, daut äa Droom fa äa Launt utkomen woat, oba dee woat daut nich jlekjen. 15De Kjennich vom Nuaden woat komen eenen Wajch moaken bat oppe Stautswaunt un de vesechade Städ ennämen. De Soldoten vom Sieden woaren de Staut nich hoolen kjennen, nich emol äare baste Soldoten woaren opp de lenjd stonen bliewen. 16Oba de Aunjriepa woat sienen Wellen haben, kjeena woat am opphoolen. Hee woat sikj en daut prachtvolle Launt tus moaken un met eene stoakje Haunt rejieren. #Dan 8,9 17Hee woat sikj väanämen, daut hee met de Macht von sien gaunzet Rikj, waut hee haft, aunkomen woat, un hee woat Frädens Bedinjungen brinjen un dee enfieren. Hee woat am eene Mejal to Fru jäwen om daut Rikj entonämen. Oba de Plon woat nich goot fa am utkomen ooda am halpen. 18Dan woat hee nom Mäa opptoo gonen un väl Launt ennämen. Oba een Kommandaunt woat een Enj moaken met sien trotzen, un am trigj trotzen. 19Dan woat hee trigj no de Hauptstaut en sien ieejnet Launt gonen, oba hinjawäajes woat hee tofaul komen, un woat selfst nich bat doa komen.
20Dee waut no am Kjennich woat sennen, woat eenen Kollakjta schekjen om Taks to kollakjten von daut scheene Rikj, oba en een poa Doag woat sien Enj sennen un nich derch Oaja ooda Jestried.
21Dee waut siene Städ dan ennemt, woat veacht woaren un kjeena woat am daut Kjennichsrajcht jäwen. Hee woat met Lest un onen Jäajenstaunt daut Kjennichrikj äwanämen. #Dan 8,23-24 22Armeeen woaren von am flichten un vedorwen woaren un de Leida vom Bunt uk. 23Soo schwind aus hee sikj met am eenich woat, woat hee hinjalestich met däm haundlen, un hee woat Macht kjrieen äwa een kjlienet Volkj. 24Hee woat onen Woarnunk en de rikjste Prowins nengonen, soo aus kjeena von siene Staumvodasch jedonen haud. Hee woat siene Mana veschiedenstet jäwen von daut waut hee jeplindat un jestolen haft. Hee woat eenen Plon moaken, stoakje Städa entonämen, oba mau fa eene jewesse Tiet. 25Hee woat siene Macht oppbuen un sienen Moot oppreizen un met eene groote Armee jäajen däm Kjennich vom Sieden komen. De Kjennich vom Sieden woat met eene sea groote Armee jäajen am komen, oba woat nich jewennen, wäajen de Lest dee jäajen am jeplont woat. 26Soogoa dee, dee hee met sien rikjet Äten vesorcht haft, woaren am enne Grunt brinjen. Siene Armee woat sikj vestreien un väle Doodes haben. 27De twee Kjennichs woaren beid met eene beese Enstalunk eena toom aundren räden. Oba daut woat nuscht doarut jäwen, wiels de bestemde Tiet fa daut Enj es noch nich. 28De Kjennich vom Nuaden woat sea rikj sennen un trigj no sien Launt gonen, oba em Hoat woat hee jäajen däm heiljen Bunt sennen. Hee woat uk fa eene Tiet jäajen däm Bunt oabeiden un dan trigj no sien Launt gonen. 29Om de jesade Tiet woat hee noch eemol em Sieden nenn trakjen. Daut woat ditmol nich soo sennen aus daut väaje mol. 30Ditmol woaren see en Schäp von Kittim jäajen am komen, un am woat daut soo väl enjsten, daut hee trigjtrakjen woat. Dan woat hee sienen Oaja opp däm heiljen Bunt komen loten. Doa jeef hee Acht opp dee, dee dän heiljen Bunt veloten haben. 31Siene Armee woat daut Heilichtum un de huage Mia toschaund moaken un een Enj moaken von daut däachelje Opfa. Dee woaren uk daut oppscheiselje Bilt oppstalen un dän Tempel en onieren brinjen. #Dan 9,27 32Dee, dee dän Bunt äwaträden, woat hee schmeichlen un veleiden, oba de Menschen, dee Gott kjanen, dee woaren am Jäajenstaunt jäwen. 33Dee, dee Weisheit haben, woaren väle to een Vestentnis brinjen, wan see uk fa eene Tiet daut Schwieet un daut Fia lieden motten, ooda uk em Jefenkjnis setten ooda bestolen woaren. 34Wan see faulen, woat an mau weinich Help jewäsen woaren. Dee, dee sikj an aunschluten, woaren daut hinjalestich doonen. 35Eenje von dee waut weis sent, woaren en de Vefoljunk faulen, daut see kjennen rein un ajcht un witt sennen bat daut Enj, wiels de bestemde Tiet es noch nich.
36De Kjennich woat doonen, krakjt waut hee well. Hee woat sikj huach opphäwen un sikj Iea jäwen hecha aus irjent eenen Aufgott. Äwa däm Gott, dee äwa de Jetta es, woat hee onerhieedet sajen. Hee woat sienen Wajch haben bat hee jenuach Schoden aunjerecht haft, soo aus daut bestemt es. #Dan 7,8.25; 2Tess 2,4; Opb 13,5-6 37De Kjennich woat sikj nich kjemren om de Jetta, dee siene Väavodasch jedeent haben, ooda om däm, dän de Frues mäajen. Hee woat no kjeen Gott horchen un bloos sikj selfst huach häwen. #Hes 8,14 38Enne Städ von dise Jetta woat hee eenen Aufgott fa Städa met Mieren un Jewäa ieren, dän siene Väavodasch nich kjanden. Hee woat däm Golt, Selwa, diere Steena un diere Jeschenkja jäwen. 39Hee woat met dee stoakjste Städa kjriejen, met de Help von eenen framden Aufgott. Soone waut am Aunerkjanunk jäwen, woat hee ieren un Veauntwuatunk äwa väle jäwen. Hee woat daut Launt aus Loon jäwen.
40Wan daut Enj kjemt, woat de Kjennich vom Sieden jäajen am kjriejen. De Kjennich vom Nuaden woat dan met Pieed un Woages un väl Schäp aunjriepen, un derch veschiedne Lenda gonen aus eene Äwaschwamunk. 41Wan hee met siene Armee en daut straume Launt nenn trakjt, woaren väle dusende omkomen. De Edomita, Moabita, un daut jratste Poat von de Amonita oba woaren veschoont bliewen. #Dan 11,16 42Hee woat met siene Macht jäajen de Lenda gonen. Soogoa Ägipten woat nich jeschoont bliewen, wan hee soo de Lenda bestälen woat. 43Hee woat aul daut Golt un Selwa un aul de wieetvolle Sachen en Ägipten en siene Macht kjrieen, un Libien un Kusch woaren am unjadon sennen. 44Oba dan woat Norecht vom Oosten un Nuaden komen, dee am sea enjsten woat, un hee woat schrakjlich omhäa gonen un grooten Schoden un väle Doodes veuasoaken. 45Hee woat sien Kjennichszelt tweschen daut Mäa un däm schmocken heiljen Boajch oppstalen. Doch woat sien Enj komen un kjeena woat am halpen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.