2. Samuel 1
1
David truat äwa Saul
1Aus David trigjekomen wia von sien Siech äwa de Amalekita, bleef hee noch twee Doag en Ziklag, onen daut hee waut von Saul sien Doot to hieren kjrieech. #1Sam 30,26 2Dan aum dredden Dach kjeem doa met eemol eent von Saul siene Mana. Däm sien Kjleet wia opjeräten un hee haud Ieed oppem Kopp. Hee jinkj no David un schmeet sikj ver am oppe Ieed un kjneed sikj ver am. 3Un David säd to am: Von wua best du jekomen? Un hee säd: Ekj sie von de israelitische Armee wajch jerant. 4Un David säd to am: Kaust du mie sajen, woo daut jegonen es? Un de Maun säd: De Armee es vom Kaumf jerant, un doa sent een deel Doodes. Un Saul un sien Sän Jonatan sent uk doot. 5Un David säd to dän jungen Maun: Woo weetst du daut Saul un sien Sän Jonatan doot sent? 6Un de junga Maun, dee dit vetald, säd: Weetst, ekj wia don jrod opp däm Boajch Gilboa. Un doa sach ekj Saul opp sien Spies nopp jelänt. Un de Filista äare Kjrichswoages un Ritta dicht bie. #1Sam 31,1-3 7Un Saul kjikjt sikj rom un sach mie un roopt mie. Un ekj säd: Waut kaun ekj fa die doonen? 8Un hee säd to mie: Wäa best du? Un ekj säd: Ekj sie een Amalekita. 9Un dan säd hee to mie: Komm bat hia, un schlo mie doot. Ekj sie schlemm vewunt, oba ekj sie noch nich doot. 10Un dan jinkj ekj no am, un ekj schluach am doot. Ekj wia mie secha, daut hee nich lang läwen kunn, wäajen siene Wunden. Un ekj neem de Kroon von sien Kopp un dän Oarmbaunt von sien Oarm un hab die, mien Harn, dee jebrocht. 11Dan kjrieech David sienen Rock to hoolen un reet dän op en Trua. Un aul de Mana met am deeden krakjt daut selwje. #1Sam 4,12 12See truaden un hielden äwa Saul un sienen Sän Jonatan, un äwa daut Volkj Israel, däm Harn sien Volkj, wiels de Kjrich soo wia jäajen an jegonen. Un see eeten nuscht bat Owent. #1Sam 31,13 13Un David säd to dän jungen Maun, dee am de Norecht jebrocht haud: Von wua kjemst du? Un dee säd: Ekj sie een Amalekita sien Sän, dee mank de Israeliten wont. 14Un David säd to am: Woo kjemt daut, daut du die nich enjst däm Harn sienen Jesaulwden doottomoaken? #1Sam 24,7; 26,9 15Un David säd to eent von siene junge Mana: Schlo däm doot. Un dee deed daut. #2Sam 4,10.12 16Un David säd äwa däm: Du hast die dän Doot vedeent. Du sätst selfst, daut du dän Harn sienen Jesaulwden dootjeschloagen hautst.
17Un David truad äwa Saul un Saul sienen Sän Jonatan met dit Trualeet. 18Hee bestald daut de Lied en Juda dit sull jelieet woaren. Dit Trualeet es en daut Jaschar Buak oppjeschräwen: #Jos 10,13; 2Sam 1,22
19Oo Israel!
Onse Leidasch sent en de Boaj jefollen;
Onse baste Mana sent doot.
20Sajcht daut nich en Gat
un moakt daut nich bekaunt
opp de Gaussen en Aschkelon;
daut de Dajchta von jane onbeschnädne Filista
sikj nich äwa ons freien.
21Jie Boaj en Gilboa,
mucht doa kjeen Deiw ooda Räajen opp junt faulen,
un kjeene fruchtboare Stapen opp junt sennen,
wiels doa es daut Schilt von onse Leidasch veschmäten,
un doa es Saul sien Schilt nich mea met Eelj jeräwen.
22Jonatan haft nich met sienen Boagen oppjejäft
wan doa uk Doodes rom am wieren;
un Saul sien Schwieet haft nich vejäfs jeschloagen,
wan de Fient uk stoakj wia.
23Saul un Jonatan, woo beleeft un aunjeseenen,
emma schauften see toop, em Läwen un em Doot;
See wieren fekjsa aus Odlasch un stoakja aus Leiws.
24Jie Frulied en Israel, hielt äwa Saul,
hee jeef junt schmocke roode Kjleeda,
un jeef junt goldne Spalden doaraun.
25Onse baste Mana sent medden en däm Kaumf jefollen,
Jonatan es opp dienen Boajch jestorwen.
26Daut es mie sea schod, mien Brooda Jonatan.
Du wieescht mie sea väl wieet;
diene Leew es mie väl wieet jewast,
mea aus de Leew von eene Fru.
27Onse baste Mana sent jefollen.
Onse baste Kjrieja sent doot.
Currently Selected:
2. Samuel 1: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Samuel 1
1
David truat äwa Saul
1Aus David trigjekomen wia von sien Siech äwa de Amalekita, bleef hee noch twee Doag en Ziklag, onen daut hee waut von Saul sien Doot to hieren kjrieech. #1Sam 30,26 2Dan aum dredden Dach kjeem doa met eemol eent von Saul siene Mana. Däm sien Kjleet wia opjeräten un hee haud Ieed oppem Kopp. Hee jinkj no David un schmeet sikj ver am oppe Ieed un kjneed sikj ver am. 3Un David säd to am: Von wua best du jekomen? Un hee säd: Ekj sie von de israelitische Armee wajch jerant. 4Un David säd to am: Kaust du mie sajen, woo daut jegonen es? Un de Maun säd: De Armee es vom Kaumf jerant, un doa sent een deel Doodes. Un Saul un sien Sän Jonatan sent uk doot. 5Un David säd to dän jungen Maun: Woo weetst du daut Saul un sien Sän Jonatan doot sent? 6Un de junga Maun, dee dit vetald, säd: Weetst, ekj wia don jrod opp däm Boajch Gilboa. Un doa sach ekj Saul opp sien Spies nopp jelänt. Un de Filista äare Kjrichswoages un Ritta dicht bie. #1Sam 31,1-3 7Un Saul kjikjt sikj rom un sach mie un roopt mie. Un ekj säd: Waut kaun ekj fa die doonen? 8Un hee säd to mie: Wäa best du? Un ekj säd: Ekj sie een Amalekita. 9Un dan säd hee to mie: Komm bat hia, un schlo mie doot. Ekj sie schlemm vewunt, oba ekj sie noch nich doot. 10Un dan jinkj ekj no am, un ekj schluach am doot. Ekj wia mie secha, daut hee nich lang läwen kunn, wäajen siene Wunden. Un ekj neem de Kroon von sien Kopp un dän Oarmbaunt von sien Oarm un hab die, mien Harn, dee jebrocht. 11Dan kjrieech David sienen Rock to hoolen un reet dän op en Trua. Un aul de Mana met am deeden krakjt daut selwje. #1Sam 4,12 12See truaden un hielden äwa Saul un sienen Sän Jonatan, un äwa daut Volkj Israel, däm Harn sien Volkj, wiels de Kjrich soo wia jäajen an jegonen. Un see eeten nuscht bat Owent. #1Sam 31,13 13Un David säd to dän jungen Maun, dee am de Norecht jebrocht haud: Von wua kjemst du? Un dee säd: Ekj sie een Amalekita sien Sän, dee mank de Israeliten wont. 14Un David säd to am: Woo kjemt daut, daut du die nich enjst däm Harn sienen Jesaulwden doottomoaken? #1Sam 24,7; 26,9 15Un David säd to eent von siene junge Mana: Schlo däm doot. Un dee deed daut. #2Sam 4,10.12 16Un David säd äwa däm: Du hast die dän Doot vedeent. Du sätst selfst, daut du dän Harn sienen Jesaulwden dootjeschloagen hautst.
17Un David truad äwa Saul un Saul sienen Sän Jonatan met dit Trualeet. 18Hee bestald daut de Lied en Juda dit sull jelieet woaren. Dit Trualeet es en daut Jaschar Buak oppjeschräwen: #Jos 10,13; 2Sam 1,22
19Oo Israel!
Onse Leidasch sent en de Boaj jefollen;
Onse baste Mana sent doot.
20Sajcht daut nich en Gat
un moakt daut nich bekaunt
opp de Gaussen en Aschkelon;
daut de Dajchta von jane onbeschnädne Filista
sikj nich äwa ons freien.
21Jie Boaj en Gilboa,
mucht doa kjeen Deiw ooda Räajen opp junt faulen,
un kjeene fruchtboare Stapen opp junt sennen,
wiels doa es daut Schilt von onse Leidasch veschmäten,
un doa es Saul sien Schilt nich mea met Eelj jeräwen.
22Jonatan haft nich met sienen Boagen oppjejäft
wan doa uk Doodes rom am wieren;
un Saul sien Schwieet haft nich vejäfs jeschloagen,
wan de Fient uk stoakj wia.
23Saul un Jonatan, woo beleeft un aunjeseenen,
emma schauften see toop, em Läwen un em Doot;
See wieren fekjsa aus Odlasch un stoakja aus Leiws.
24Jie Frulied en Israel, hielt äwa Saul,
hee jeef junt schmocke roode Kjleeda,
un jeef junt goldne Spalden doaraun.
25Onse baste Mana sent medden en däm Kaumf jefollen,
Jonatan es opp dienen Boajch jestorwen.
26Daut es mie sea schod, mien Brooda Jonatan.
Du wieescht mie sea väl wieet;
diene Leew es mie väl wieet jewast,
mea aus de Leew von eene Fru.
27Onse baste Mana sent jefollen.
Onse baste Kjrieja sent doot.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.