1. Samuel 28
28
1Dan kjeem daut wada, daut de Filista sikj saumelden om met de Israeliten Kjrich to moaken. Un Achisch säd to David: Vesto, daut du un diene Mana sellen fa mie en de Armee kjriejen. 2Un David säd to Achisch: Du woascht krakjt seenen waut ekj doonen woa. Un Achisch säd to David: Ekj woa die dan to mienen Wajchta moaken opp emma.
Saul un de Fru en Endor
3Samuel wia aul jestorwen, un aule Israeliten hauden fa am jetruat. See hauden am en Rama, en siene Staut, begroft. Un Saul haud aul soone, waut met de Doodes räden un soone waut Tieekjens utläden, veboden en Israel to schaufen. #2Mo 22,17; 1Sam 25,1 4De Filista äare Kjrieja saumelden sikj un kjeemen un muaken äa Loaga bie Schunem. Saul saumeld de Israeliten un see muaken äa Loaga bie Gilboa. #Jos 19,18 5Oba aus Saul de Filista äare Armee sach, haud hee Angst un am zettad sea von bennen. 6Dan fruach Saul däm Harn no Rot, oba de Har jeef kjeene Auntwuat, nich en eenen Droom, nich derch Urim, un uk nich derch de Profeeten. #2Mo 28,30; 1Sam 14,41 7Un Saul säd to siene Deena: Sieekjt mie eene Fru, dee met de Doodes räden kaun. Ekj well ar waut froagen. Un de Deena säden am: Doa es soone en Endor. #3Mo 19,31 8Un Saul trock sikj soone Kjleeda aun, daut see am nich kjanen wudden, un jinkj met twee von siene Mana no de Fru. See deeden dit enne Nacht. Aus see de Fru fungen, säd Saul to ar: Moak emol Kontakt met de Jeista, un roop krakjt dän, dän ekj sajen woa. 9Oba de Fru säd: Du weetst doch, daut de Kjennich Saul daut veboden haft, daut eene met de Doodes rät ooda Tieekjens utlajcht. Wuarom saul ekj soont doonen, wuafäa ekj stoawen sull? 10Un Saul muak een Vespräakjen opp een Eit en däm Harn sien Nomen un säd: Soo secha aus de Har läft, woascht du nich em Trubbel komen wäajen dit. 11Un de Fru säd: Wäm west du haben daut ekj väaroop? Un Saul säd: Roop emol Samuel fa mie. 12Un aus de Fru Samuel sach, schrieech see lud un säd to Saul: Wuarom hast du mie soo aunjeschmäat? Du best de Kjennich Saul! 13Oba Saul säd: Du brukst die goanich enjsten. Waut sitst du? Un de Fru säd: Ekj see eenen Jeist ut de Ieed rut komen. 14Un Saul säd: No waut lat daut däm? Un see säd: Am lat daut no eenen oolen Maun, un hee es en een Rock jekjleet. Dan wist Saul, daut et Samuel wia, un hee kjneed sikj met sien Jesecht no de Ieed un veieed am. 15Un Samuel säd to Saul: Wuarom trubbelst du mie un brinjst mie opp? Un Saul säd: Ekj hab een grootet Probleem. De Filista komen opp jäajen mie, un Gott haft sikj wajch jedreit von mie. Hee auntwuat mie nich mea, nich derch Profeeten un uk nich en däm Droom. Doawäajen hab ekj die jeroopt. Ekj well weeten, waut ekj doonen saul.
16Un Samuel säd: Wuarom roopst du mie wan de Har die veloten haft un dien Fient jeworden es? 17De Har haft daut aun die jedonen, waut ekj die aul ea säd. Hee haft daut Rikj von die jenomen un haft dien Noba David daut jejäft. #1Sam 15,28 18Du horchst nich no waut de Har säd, un deetst nich däm Harn sienen grooten Oaja jäajen de Amalekita gaunz utfieren. Doawäajen haft de Har die vondoag en dise Loag jesat. #2Mo 17,14.16; 1Sam 15,18-19 19Nu woat de Har Israel un uk die en de Filista äare Macht jäwen. Morjen woascht du, met diene Säns toop, met mie sennen. De Har woat de israelitische Armee uk en de Filista äare Macht jäwen. #1Sam 31,6 20Doamet foll Saul ut Angst plaut oppe Ieed dol, wäajen waut Samuel jesajcht haud. Saul wia schwak, wiels hee dän gaunzen Dach un de gaunze Nacht nuscht jejäten haud. 21Un de Fru jinkj no Saul un sach woo Angst am wia. Un see säd to am: Horch emol häa. Ekj hab jedonen no waut du fruachst, wan ekj uk mien Läwen opp Spell sad. Ekj horcht no die. 22Nu horch du uk no mie. Lot mie een beskje Broot oppsaten fa die. Du saust waut äten, soo daut du een bät stoakja woascht un wada wieda gonen kaust. 23Oba Saul wäad sikj un säd: Ekj woa nuscht äten. Oba siene Mana, un uk de Fru, prachaden am bat hee no an horcht. Dan recht hee sikj aun un sad sikj opp daut Bad dol. 24De Fru haud een Mastkaulf, un see jinkj schwind un schlacht daut. See neem uk waut Mäl un rieed daut aun un bakt waut onjesuadet Broot. #2Mo 12,39 25Aus see dit oppjesat haud, saden Saul un siene Mana sikj bie un eeten. Un aus see jejäten hauden neemen see Aufscheet un veleeten noch enne Nacht.
Currently Selected:
1. Samuel 28: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Samuel 28
28
1Dan kjeem daut wada, daut de Filista sikj saumelden om met de Israeliten Kjrich to moaken. Un Achisch säd to David: Vesto, daut du un diene Mana sellen fa mie en de Armee kjriejen. 2Un David säd to Achisch: Du woascht krakjt seenen waut ekj doonen woa. Un Achisch säd to David: Ekj woa die dan to mienen Wajchta moaken opp emma.
Saul un de Fru en Endor
3Samuel wia aul jestorwen, un aule Israeliten hauden fa am jetruat. See hauden am en Rama, en siene Staut, begroft. Un Saul haud aul soone, waut met de Doodes räden un soone waut Tieekjens utläden, veboden en Israel to schaufen. #2Mo 22,17; 1Sam 25,1 4De Filista äare Kjrieja saumelden sikj un kjeemen un muaken äa Loaga bie Schunem. Saul saumeld de Israeliten un see muaken äa Loaga bie Gilboa. #Jos 19,18 5Oba aus Saul de Filista äare Armee sach, haud hee Angst un am zettad sea von bennen. 6Dan fruach Saul däm Harn no Rot, oba de Har jeef kjeene Auntwuat, nich en eenen Droom, nich derch Urim, un uk nich derch de Profeeten. #2Mo 28,30; 1Sam 14,41 7Un Saul säd to siene Deena: Sieekjt mie eene Fru, dee met de Doodes räden kaun. Ekj well ar waut froagen. Un de Deena säden am: Doa es soone en Endor. #3Mo 19,31 8Un Saul trock sikj soone Kjleeda aun, daut see am nich kjanen wudden, un jinkj met twee von siene Mana no de Fru. See deeden dit enne Nacht. Aus see de Fru fungen, säd Saul to ar: Moak emol Kontakt met de Jeista, un roop krakjt dän, dän ekj sajen woa. 9Oba de Fru säd: Du weetst doch, daut de Kjennich Saul daut veboden haft, daut eene met de Doodes rät ooda Tieekjens utlajcht. Wuarom saul ekj soont doonen, wuafäa ekj stoawen sull? 10Un Saul muak een Vespräakjen opp een Eit en däm Harn sien Nomen un säd: Soo secha aus de Har läft, woascht du nich em Trubbel komen wäajen dit. 11Un de Fru säd: Wäm west du haben daut ekj väaroop? Un Saul säd: Roop emol Samuel fa mie. 12Un aus de Fru Samuel sach, schrieech see lud un säd to Saul: Wuarom hast du mie soo aunjeschmäat? Du best de Kjennich Saul! 13Oba Saul säd: Du brukst die goanich enjsten. Waut sitst du? Un de Fru säd: Ekj see eenen Jeist ut de Ieed rut komen. 14Un Saul säd: No waut lat daut däm? Un see säd: Am lat daut no eenen oolen Maun, un hee es en een Rock jekjleet. Dan wist Saul, daut et Samuel wia, un hee kjneed sikj met sien Jesecht no de Ieed un veieed am. 15Un Samuel säd to Saul: Wuarom trubbelst du mie un brinjst mie opp? Un Saul säd: Ekj hab een grootet Probleem. De Filista komen opp jäajen mie, un Gott haft sikj wajch jedreit von mie. Hee auntwuat mie nich mea, nich derch Profeeten un uk nich en däm Droom. Doawäajen hab ekj die jeroopt. Ekj well weeten, waut ekj doonen saul.
16Un Samuel säd: Wuarom roopst du mie wan de Har die veloten haft un dien Fient jeworden es? 17De Har haft daut aun die jedonen, waut ekj die aul ea säd. Hee haft daut Rikj von die jenomen un haft dien Noba David daut jejäft. #1Sam 15,28 18Du horchst nich no waut de Har säd, un deetst nich däm Harn sienen grooten Oaja jäajen de Amalekita gaunz utfieren. Doawäajen haft de Har die vondoag en dise Loag jesat. #2Mo 17,14.16; 1Sam 15,18-19 19Nu woat de Har Israel un uk die en de Filista äare Macht jäwen. Morjen woascht du, met diene Säns toop, met mie sennen. De Har woat de israelitische Armee uk en de Filista äare Macht jäwen. #1Sam 31,6 20Doamet foll Saul ut Angst plaut oppe Ieed dol, wäajen waut Samuel jesajcht haud. Saul wia schwak, wiels hee dän gaunzen Dach un de gaunze Nacht nuscht jejäten haud. 21Un de Fru jinkj no Saul un sach woo Angst am wia. Un see säd to am: Horch emol häa. Ekj hab jedonen no waut du fruachst, wan ekj uk mien Läwen opp Spell sad. Ekj horcht no die. 22Nu horch du uk no mie. Lot mie een beskje Broot oppsaten fa die. Du saust waut äten, soo daut du een bät stoakja woascht un wada wieda gonen kaust. 23Oba Saul wäad sikj un säd: Ekj woa nuscht äten. Oba siene Mana, un uk de Fru, prachaden am bat hee no an horcht. Dan recht hee sikj aun un sad sikj opp daut Bad dol. 24De Fru haud een Mastkaulf, un see jinkj schwind un schlacht daut. See neem uk waut Mäl un rieed daut aun un bakt waut onjesuadet Broot. #2Mo 12,39 25Aus see dit oppjesat haud, saden Saul un siene Mana sikj bie un eeten. Un aus see jejäten hauden neemen see Aufscheet un veleeten noch enne Nacht.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.