1. Samuel 13
13
Saul leit jäajen de Filista
1Saul wia ... Joa #13,1 Doa es kjeen Numma aunjejäft en de oole Schreften. oolt aus hee Kjennich wort un hee rejieed ... #13,1 Doa es kjeen Numma aunjejäft en de oole Schreften. un twee Joa en Israel. 2Saul neem don 3.000 Mana un leet de äwaje no Hus gonen. Hee neem 2.000 von de Mana un jinkj no Michmas en de Boaj bie Betel, un schekjt 1.000 met Jonatan no Gibea en de Jäajent von däm Staum Benjamin. 3Un Jonatan schluach de Filista äare Wajchta bie Gibea doot, un de Filista hieeden aula doavon. Dan leet Saul aulawäajen en daut gaunze Launt met Posaunen blosen soo daut de Hebräa sullen toom Kjrich komen. #1Sam 14,49 4Un aule Menschen en Israel hieeden doavon, daut Saul de Filista äare Wajchta dootjeschloagen haud, un daut dee sikj nu woarschienlich aun an rajchen wudden. Un daut Volkj kjeem toop no Saul en Gilgal.
5Un de Filista kjeemen toop bie Michmas, oosten von Bet Awen, om met Israel to kjriejen. Dee hauden 30.000 Kjrichswoages, un 6.000 Ritta opp Pieed, un Kjrieja soo väl aus doa Saunt aum Mäa es. 6Aus de Filista opp an tookjeemen, sagen de Israeliten woo schlemm äare Loag wia, un see vestuaken sikj en Heelen un mank daut Struck, un uk mank de groote Steena un en Jräwa un Zistren. 7Eenje flichten bat derch däm Jordan bat Gad un Gilead.
Saul wia noch emma en Gilgal un daut Volkj saumeld sikj om am en groote Forcht. 8Un Saul luad säwen Doag no Samuel, soo aus Samuel jesajcht haud. Oba Samuel wia nich no Gilgal jekomen un daut Volkj funk aun Saul to veloten. #1Sam 10,8 9Dan säd Saul: Brinjt mie daut Brauntopfa un daut Dankopfa. Un hee muak daut Brauntopfa. 10Aus hee jrod foadich met daut Opfa wia, kjeem Samuel. Un Saul jinkj am entjäajen un bejreest am. 11Oba Samuel säd: Waut hast du jedonen? Un Saul säd: Aus ekj sach daut mie daut Volkj veloten deed, un daut du nich benna de jesade Tiet kjeemst, un daut de Filista sikj en Michmas reed muaken, 12docht ekj: De Filista woaren noch bat Gilgal komen jäajen mie, un ekj hab noch nich däm Harn om Help jefroacht. Dan äwaneem ekj mie daut Opfa to moaken. 13Oba Samuel säd: Daut hautst du nich doonen sult. Du hast nich däm Harn sien Wuat jehoolen, waut hee die jejäft haud. Wan du jehuarsom jewast wieescht, dan haud de Har die un diene Nokomen daut Kjennichsrajcht opp emma jejäft. 14Nu oba, woat daut Kjennichsrajcht nich met die bliewen. De Har haft sikj eenen Maun jewält, dee am von Hoaten jefelt, un hee haft däm aunjestalt aus Leida äwa sien Volkj. Daut es wiels du nich jedonen hast waut de Har die jesajcht haud. #1Sam 16,1; Apost 13,22
15Un Samuel veleet un jinkj von Gilgal no Gibea en de Jäajent von Benjamin. Un Saul tald de Mana, dee met am wieren, un doa wieren bie 600. 16Un Saul un sien Sän Jonatan un siene Mana bleewen en Gibea en Benjamin. De Filista äa Loaga wia bie Michmas. 17Dan kjeemen dree Gruppen von Kjrieja von de Filista äa Loaga un bestoolen Israel. De eene Grupp jinkj no Ofra opptoo en de Jäajent von Schual. 18Noch eene jinkj no Bet Horon, un de dredde jinkj no de Jrens opptoo wua see daut Zeboim Tol en de Wiltnis seenen kjennen. 19Doa wia en daut gaunze Launt Israel kjeen Schmett, wiels de Filista wullen de Israeliten doavon aufhoolen Schwieed un Spiessen to moaken. #Rech 5,8 20Wan de Israeliten äare Schoaren schoapen wullen, ooda äare Haken un Akjsen un Siechel, musten see no de Schmets mank de Filista gonen. 21See musten twee von äare Jeltstekja jäwen toom eene Schoa ooda eene Hak schoapen, un eent von äare Jeltstekja jäwen toom eene Akjs ooda eene Forkj schoapen. 22Un soo, aus daut toom Kjrich kjeem wieren doa kjeene Mana waut een Schwieet ooda Spies hauden buta Saul un Jonatan. 23De Filista schekjten waut Kjrieja no dän Wajch derch de Boaj bie Michmas.
Currently Selected:
1. Samuel 13: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Samuel 13
13
Saul leit jäajen de Filista
1Saul wia ... Joa #13,1 Doa es kjeen Numma aunjejäft en de oole Schreften. oolt aus hee Kjennich wort un hee rejieed ... #13,1 Doa es kjeen Numma aunjejäft en de oole Schreften. un twee Joa en Israel. 2Saul neem don 3.000 Mana un leet de äwaje no Hus gonen. Hee neem 2.000 von de Mana un jinkj no Michmas en de Boaj bie Betel, un schekjt 1.000 met Jonatan no Gibea en de Jäajent von däm Staum Benjamin. 3Un Jonatan schluach de Filista äare Wajchta bie Gibea doot, un de Filista hieeden aula doavon. Dan leet Saul aulawäajen en daut gaunze Launt met Posaunen blosen soo daut de Hebräa sullen toom Kjrich komen. #1Sam 14,49 4Un aule Menschen en Israel hieeden doavon, daut Saul de Filista äare Wajchta dootjeschloagen haud, un daut dee sikj nu woarschienlich aun an rajchen wudden. Un daut Volkj kjeem toop no Saul en Gilgal.
5Un de Filista kjeemen toop bie Michmas, oosten von Bet Awen, om met Israel to kjriejen. Dee hauden 30.000 Kjrichswoages, un 6.000 Ritta opp Pieed, un Kjrieja soo väl aus doa Saunt aum Mäa es. 6Aus de Filista opp an tookjeemen, sagen de Israeliten woo schlemm äare Loag wia, un see vestuaken sikj en Heelen un mank daut Struck, un uk mank de groote Steena un en Jräwa un Zistren. 7Eenje flichten bat derch däm Jordan bat Gad un Gilead.
Saul wia noch emma en Gilgal un daut Volkj saumeld sikj om am en groote Forcht. 8Un Saul luad säwen Doag no Samuel, soo aus Samuel jesajcht haud. Oba Samuel wia nich no Gilgal jekomen un daut Volkj funk aun Saul to veloten. #1Sam 10,8 9Dan säd Saul: Brinjt mie daut Brauntopfa un daut Dankopfa. Un hee muak daut Brauntopfa. 10Aus hee jrod foadich met daut Opfa wia, kjeem Samuel. Un Saul jinkj am entjäajen un bejreest am. 11Oba Samuel säd: Waut hast du jedonen? Un Saul säd: Aus ekj sach daut mie daut Volkj veloten deed, un daut du nich benna de jesade Tiet kjeemst, un daut de Filista sikj en Michmas reed muaken, 12docht ekj: De Filista woaren noch bat Gilgal komen jäajen mie, un ekj hab noch nich däm Harn om Help jefroacht. Dan äwaneem ekj mie daut Opfa to moaken. 13Oba Samuel säd: Daut hautst du nich doonen sult. Du hast nich däm Harn sien Wuat jehoolen, waut hee die jejäft haud. Wan du jehuarsom jewast wieescht, dan haud de Har die un diene Nokomen daut Kjennichsrajcht opp emma jejäft. 14Nu oba, woat daut Kjennichsrajcht nich met die bliewen. De Har haft sikj eenen Maun jewält, dee am von Hoaten jefelt, un hee haft däm aunjestalt aus Leida äwa sien Volkj. Daut es wiels du nich jedonen hast waut de Har die jesajcht haud. #1Sam 16,1; Apost 13,22
15Un Samuel veleet un jinkj von Gilgal no Gibea en de Jäajent von Benjamin. Un Saul tald de Mana, dee met am wieren, un doa wieren bie 600. 16Un Saul un sien Sän Jonatan un siene Mana bleewen en Gibea en Benjamin. De Filista äa Loaga wia bie Michmas. 17Dan kjeemen dree Gruppen von Kjrieja von de Filista äa Loaga un bestoolen Israel. De eene Grupp jinkj no Ofra opptoo en de Jäajent von Schual. 18Noch eene jinkj no Bet Horon, un de dredde jinkj no de Jrens opptoo wua see daut Zeboim Tol en de Wiltnis seenen kjennen. 19Doa wia en daut gaunze Launt Israel kjeen Schmett, wiels de Filista wullen de Israeliten doavon aufhoolen Schwieed un Spiessen to moaken. #Rech 5,8 20Wan de Israeliten äare Schoaren schoapen wullen, ooda äare Haken un Akjsen un Siechel, musten see no de Schmets mank de Filista gonen. 21See musten twee von äare Jeltstekja jäwen toom eene Schoa ooda eene Hak schoapen, un eent von äare Jeltstekja jäwen toom eene Akjs ooda eene Forkj schoapen. 22Un soo, aus daut toom Kjrich kjeem wieren doa kjeene Mana waut een Schwieet ooda Spies hauden buta Saul un Jonatan. 23De Filista schekjten waut Kjrieja no dän Wajch derch de Boaj bie Michmas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.