1. Kjennichs 16
16
1Dan kjeem een Wuat vom Harn no Jehu, Hanani sien Sän, äwa Bascha: 2Ekj hoof die opp von em Stoff un muak die toom Leida von mien Volkj, Israel, oba du haundelsd soo aus Jerobeam deed un muakst daut Volkj sindjen. Nu haben see met äare Sinden mienen Oaja jereizt, #1Kjen 14,7 3soo daut ekj nu die un diene Nokomen utroden woa. Ekj woa krakjt soo doonen met diene Nokomen aus ekj met Jerobeam, Nebat sien Sän, siene deed. #1Kjen 15,29 4Dee von diene Menschen, dee en de Staut stoawen, woaren von de Hunj jefräten woaren, un dee von an, dee oppe Stap stoawen, woaren von Väajel jefräten woaren. #1Kjen 14,11
5Daut äwaje von Bascha siene Jeschicht, waut hee deed un woo stoakj hee wia, daut es aula en daut Buak von de Jeschicht von de Kjennichs en Israel jeschräwen. 6Un aus Bascha storf, wort hee en Tirza met siene Vodasch begroft. Un Bascha sien Sän Ela wia Kjennich no am. 7De Norecht von däm Harn jäajen Bascha un siene Nokomen kjeem derch däm Profeet Jehu, Hanani sien Sän, wäajen aul de Sinden dee hee ver däm Harn deed. Däm Harn sien Oaja stieech jäajen am, nich bloos wiels hee krakjt soo onjehuarsom wia aus Jerobeam, oba uk wiels hee Jerobeam siene gaunze Famielje ombrocht un doot muak.
De Kjennichs Ela, Simri un Omri von Israel
8Ela, Bascha sien Sän, wort Kjennich en Israel aus Asa en sien 26. Joa aus Kjennich en Juda wia. Ela wia fa twee Joa Kjennich äwa Israel en de Staut Tirza. 9Ela sien Kommandaunt, Simri, dee äwa eene halft von de Kjrichswoages to jebeeden haud, muak eenen Plon, Ela omtobrinjen. Eenen Dach aus Ela en Arza sien Hus en Tirza wia, bedrunk hee sikj. Arza wia Oppsechta fa dän Paulaust. 10Un Simri jinkj doa nenn un schluach Ela doot, un wort dan selfst Kjennich. Dit wort aus Kjennich Asa en sien 27. Joa aus Kjennich en Juda wia. #2Kjen 9,31 11Soo boolt aus Simri Kjennich wort, brocht hee Bascha siene Nokomen aula om. Hee leet nich een Maunsmensch von däm sien Frintschoft ooda siene Frind aum Läwen. 12Soo kjeem daut, daut Simri Bascha siene Nokomen aula ombrocht, soo aus de Har haud äwa Bascha sajen loten derch däm Profeet Jehu. 13De Sinden, dee Bascha un sien Sän Ela met äaren Jettadeenst deeden, un de Sinden dee see daut Volkj doonen muaken, reizten dän Harn, Israel äaren Gott, sien Oaja jäajen an. 14De äwaje Jeschicht von Ela, un waut hee deed, es en daut Buak von de Jeschicht von de Kjennichs en Israel jeschräwen.
15Simri wia fa säwen Doag de Kjennich äwa Israel en Tirza. Dit wia en daut 27. Joa daut Asa Kjennich äwa Juda wia. De israelitische Armee haud sikj don jrod rom de Filista Staut Gibbeton jeloagat. #1Kjen 15,27 16Aus de Soldoten hieeden daut Simri jäajen dän Kjennich jeplont haud un dän dootjemoakt haud, muaken see äaren Kommandaunt Omri doa noch en daut Loaga Kjennich äwa Israel. 17Omri brocht de Armee don trigj von Gibbeton un hee brocht daut gaunze Häa om Tirza rom. 18Aus Simri ensach daut de Staut wudd enjenomen woaren, jinkj hee en däm Paulaust en daut Poat, woont see daut dolste vesechat hauden. Un hee stekjt daut Hus aun un vebrend dän Paulaust met sikj selfst doabennen. #2Sam 17,23 19Soo storf Simri wäajen siene Sinden. Däm Harn jefoll daut schlajcht waut hee deed. Hee läwd en soone Sinden aus Jerobeam haud, un muak Israel sindjen. 20Daut äwaje von de Jeschicht von Simri, un woo hee sienen Plon jäajen sienen Kjennich derchfieed, es en daut Buak von de Jeschicht von de Kjennichs en Israel jeschräwen.
21To dee Tiet deeld sikj Israel en twee Deel. Een Poat unjastett Tibni, Ginat sien Sän, un wullen am toom Kjennich moaken, un de äwaje hilden sikj aun Omri. 22Oba dee waut Omri unjastetten, kjrieejen de äwahaunt äwa dee, dee Tibni, Ginat sien Sän, unjastetten. Un Tibni storf un Omri wort Kjennich.
23Omri wort Kjennich äwa Israel en daut 33. Joa daut Asa Kjennich äwa Juda wia. Omri wia Kjennich fa twalw Joa, de ieeschte sas von dee en Tirza. 24Dan koft hee dän Boajch Samaria von Schemer fa 70 Kilo Selwa, un bud eene Staut met eene Mia opp däm Boajch. Hee nand de Staut Samaria, no Schemer, dee dän Boajch jeieejent haud. 25Omri deed waut däm Harn schlajcht jefoll, un dreef mea schlajchtet aus aul dee, dee ver am wieren. #Micha 6,16 26Hee haundeld en aules soo aus Jerobeam, Nebat sien Sän, en siene Sinden jedonen haud, un muak Israel sindjen. De Jettadeenst reizt däm Harn, Israel äaren Gott, sien Oaja.
27Daut äwaje von Omri siene Jeschicht, waut hee aules deed un woo stoakj hee wia, es en daut Buak von de Jeschicht von de Kjennichs en Israel jeschräwen. 28Aus Omri storf, wort hee en Samaria begroft. Un Omri sien Sän, Ahab, wort Kjennich no am.
Ahab woat Kjennich en Israel
29Ahab, Omri sien Sän, wort Kjennich äwa Israel en daut 38. Joa daut Asa Kjennich äwa Juda wia. Ahab wia fa 22 Joa Kjennich äwa Israel en Samaria. 30Un Ahab, Omri sien Sän, deed waut däm Harn schlajcht jefoll, un dolla aus aule waut ver am jewast wieren. 31Daut wia am nich jenuach daut hee soo sindijd aus Jerobeam, Nebat sien Sän. Hee neem sikj don noch Isebel, däm sidonischen Kjennich Etbaal siene Dochta aus siene Fru, un jinkj un deend Baal un bäd dän aun. 32Hee bud een Tempel fa Baal en Samaria un stald doabennen eenen Aultoa fa Baal opp. #2Kjen 3,2; 10,27-28; 11,18 33Hee stald uk een Ascherabilt opp. Ahab deed mea Sinden met woone hee däm Harn sien Oaja reizt, aus aul de Kjennichs en Israel ver am.
34To Ahab siene Tiet funk Hiel, von Betel, aun Jericho to buen. Un krakjt soo aus daut Wuat vom Harn derch Josua, Nun sienen Sän, jesajcht haud, kost am daut sienen elsten Sän, Abiram, aus hee de Grunt läd, un sienen jinjsten Sän, Segub, aus hee de Puaten nenn sad. #Jos 6,26
Currently Selected:
1. Kjennichs 16: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Kjennichs 16
16
1Dan kjeem een Wuat vom Harn no Jehu, Hanani sien Sän, äwa Bascha: 2Ekj hoof die opp von em Stoff un muak die toom Leida von mien Volkj, Israel, oba du haundelsd soo aus Jerobeam deed un muakst daut Volkj sindjen. Nu haben see met äare Sinden mienen Oaja jereizt, #1Kjen 14,7 3soo daut ekj nu die un diene Nokomen utroden woa. Ekj woa krakjt soo doonen met diene Nokomen aus ekj met Jerobeam, Nebat sien Sän, siene deed. #1Kjen 15,29 4Dee von diene Menschen, dee en de Staut stoawen, woaren von de Hunj jefräten woaren, un dee von an, dee oppe Stap stoawen, woaren von Väajel jefräten woaren. #1Kjen 14,11
5Daut äwaje von Bascha siene Jeschicht, waut hee deed un woo stoakj hee wia, daut es aula en daut Buak von de Jeschicht von de Kjennichs en Israel jeschräwen. 6Un aus Bascha storf, wort hee en Tirza met siene Vodasch begroft. Un Bascha sien Sän Ela wia Kjennich no am. 7De Norecht von däm Harn jäajen Bascha un siene Nokomen kjeem derch däm Profeet Jehu, Hanani sien Sän, wäajen aul de Sinden dee hee ver däm Harn deed. Däm Harn sien Oaja stieech jäajen am, nich bloos wiels hee krakjt soo onjehuarsom wia aus Jerobeam, oba uk wiels hee Jerobeam siene gaunze Famielje ombrocht un doot muak.
De Kjennichs Ela, Simri un Omri von Israel
8Ela, Bascha sien Sän, wort Kjennich en Israel aus Asa en sien 26. Joa aus Kjennich en Juda wia. Ela wia fa twee Joa Kjennich äwa Israel en de Staut Tirza. 9Ela sien Kommandaunt, Simri, dee äwa eene halft von de Kjrichswoages to jebeeden haud, muak eenen Plon, Ela omtobrinjen. Eenen Dach aus Ela en Arza sien Hus en Tirza wia, bedrunk hee sikj. Arza wia Oppsechta fa dän Paulaust. 10Un Simri jinkj doa nenn un schluach Ela doot, un wort dan selfst Kjennich. Dit wort aus Kjennich Asa en sien 27. Joa aus Kjennich en Juda wia. #2Kjen 9,31 11Soo boolt aus Simri Kjennich wort, brocht hee Bascha siene Nokomen aula om. Hee leet nich een Maunsmensch von däm sien Frintschoft ooda siene Frind aum Läwen. 12Soo kjeem daut, daut Simri Bascha siene Nokomen aula ombrocht, soo aus de Har haud äwa Bascha sajen loten derch däm Profeet Jehu. 13De Sinden, dee Bascha un sien Sän Ela met äaren Jettadeenst deeden, un de Sinden dee see daut Volkj doonen muaken, reizten dän Harn, Israel äaren Gott, sien Oaja jäajen an. 14De äwaje Jeschicht von Ela, un waut hee deed, es en daut Buak von de Jeschicht von de Kjennichs en Israel jeschräwen.
15Simri wia fa säwen Doag de Kjennich äwa Israel en Tirza. Dit wia en daut 27. Joa daut Asa Kjennich äwa Juda wia. De israelitische Armee haud sikj don jrod rom de Filista Staut Gibbeton jeloagat. #1Kjen 15,27 16Aus de Soldoten hieeden daut Simri jäajen dän Kjennich jeplont haud un dän dootjemoakt haud, muaken see äaren Kommandaunt Omri doa noch en daut Loaga Kjennich äwa Israel. 17Omri brocht de Armee don trigj von Gibbeton un hee brocht daut gaunze Häa om Tirza rom. 18Aus Simri ensach daut de Staut wudd enjenomen woaren, jinkj hee en däm Paulaust en daut Poat, woont see daut dolste vesechat hauden. Un hee stekjt daut Hus aun un vebrend dän Paulaust met sikj selfst doabennen. #2Sam 17,23 19Soo storf Simri wäajen siene Sinden. Däm Harn jefoll daut schlajcht waut hee deed. Hee läwd en soone Sinden aus Jerobeam haud, un muak Israel sindjen. 20Daut äwaje von de Jeschicht von Simri, un woo hee sienen Plon jäajen sienen Kjennich derchfieed, es en daut Buak von de Jeschicht von de Kjennichs en Israel jeschräwen.
21To dee Tiet deeld sikj Israel en twee Deel. Een Poat unjastett Tibni, Ginat sien Sän, un wullen am toom Kjennich moaken, un de äwaje hilden sikj aun Omri. 22Oba dee waut Omri unjastetten, kjrieejen de äwahaunt äwa dee, dee Tibni, Ginat sien Sän, unjastetten. Un Tibni storf un Omri wort Kjennich.
23Omri wort Kjennich äwa Israel en daut 33. Joa daut Asa Kjennich äwa Juda wia. Omri wia Kjennich fa twalw Joa, de ieeschte sas von dee en Tirza. 24Dan koft hee dän Boajch Samaria von Schemer fa 70 Kilo Selwa, un bud eene Staut met eene Mia opp däm Boajch. Hee nand de Staut Samaria, no Schemer, dee dän Boajch jeieejent haud. 25Omri deed waut däm Harn schlajcht jefoll, un dreef mea schlajchtet aus aul dee, dee ver am wieren. #Micha 6,16 26Hee haundeld en aules soo aus Jerobeam, Nebat sien Sän, en siene Sinden jedonen haud, un muak Israel sindjen. De Jettadeenst reizt däm Harn, Israel äaren Gott, sien Oaja.
27Daut äwaje von Omri siene Jeschicht, waut hee aules deed un woo stoakj hee wia, es en daut Buak von de Jeschicht von de Kjennichs en Israel jeschräwen. 28Aus Omri storf, wort hee en Samaria begroft. Un Omri sien Sän, Ahab, wort Kjennich no am.
Ahab woat Kjennich en Israel
29Ahab, Omri sien Sän, wort Kjennich äwa Israel en daut 38. Joa daut Asa Kjennich äwa Juda wia. Ahab wia fa 22 Joa Kjennich äwa Israel en Samaria. 30Un Ahab, Omri sien Sän, deed waut däm Harn schlajcht jefoll, un dolla aus aule waut ver am jewast wieren. 31Daut wia am nich jenuach daut hee soo sindijd aus Jerobeam, Nebat sien Sän. Hee neem sikj don noch Isebel, däm sidonischen Kjennich Etbaal siene Dochta aus siene Fru, un jinkj un deend Baal un bäd dän aun. 32Hee bud een Tempel fa Baal en Samaria un stald doabennen eenen Aultoa fa Baal opp. #2Kjen 3,2; 10,27-28; 11,18 33Hee stald uk een Ascherabilt opp. Ahab deed mea Sinden met woone hee däm Harn sien Oaja reizt, aus aul de Kjennichs en Israel ver am.
34To Ahab siene Tiet funk Hiel, von Betel, aun Jericho to buen. Un krakjt soo aus daut Wuat vom Harn derch Josua, Nun sienen Sän, jesajcht haud, kost am daut sienen elsten Sän, Abiram, aus hee de Grunt läd, un sienen jinjsten Sän, Segub, aus hee de Puaten nenn sad. #Jos 6,26
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.