Mal 1
1
Tk'u'jlalil Dyos Ti'j Israel
1A tpakb'alil ja'lu tzaj tma'n Qman Dyos te Malakyiy ju' t-sanjelal tu'n txitma'n kye aj Israel.
2Chi Qma Dyos kjalu: K'u'jla'n qe'ye' wu'ne', chij. Aye'tzunkye' ntzaj kytzaq'we'ne' kjalu: ¿Se'n taq'wi tu'n telqnik'e' ti'j qa nqo tk'u'jla'na? chechije'. Atzunte Qman Dyos ntzaj ttzaq'we'n: Inche nk'u'jla'ne', kse'nx k'u'jlb'ente Jakob' wu'ne', extzun kyitz'inkyib' tuk'i'l Esawu 3elwik'o'ne' Esawu. Nimaq k'ul toqu' ttx'otx' Esawu, jun chq'ajlajtl xkyaj wu'ne', ex xinq'o'ne' ttx'otx' kye tojk'ul txkup, chi Dyos.
4Qatzun makyma aj Edom tyajajil Esawu kjalu: Matxi' kub' xitu'n qtaname', oktzun jawil qb'incha'ntlqe' qtanam, qa chechi, ktzajel ttzaq'we'n Qman Dyos nimtipumal kye kjalu: kjawil kyb'incha'n jumajtl, ex kb'el nxitu'n jumajtle'. K'okyel tb'i kytx'otx' te Kytx'otx' b'inchal myab'a'n ex Nintnam tkub' ttx'u'jil Dyos tib'aj tejumajx. 5Kyka'yi'ye' tu'nku' kywitze' ex kkyma'ye' kjalu: ¡Nimxi'xte Qman Dyos toklen, majx matz'ex tqanil kyi'jxi' tnaqach Israel!
Eb'aj tzak'u'n pale tu'n Qman Dyos
6Chi Qman Dyos nimtipumal kye pale: Nche nimankye' k'wa'lb'aj kye kyman, exqe' lq'o'n majin nche niman kye kyajaw. Qatzun ayine' Manb'aj kyeye', ¿tiqu'ntzun min nchin kynima'ne'? Qa ayine' Kyajawe', ¿Tiqu'ntzun min nche okslane' weye'? Inchin elkyik'o'ne', extzun nkyma'ntle': ¿Alkye tu'me'l nela' qik'u'na? chechije'. 7Intzaj kyiq'i'ne' wab'j taq'wix tib'aju' q'olb'eb'l weye', extzun ntzaj kyqani'ntle': ¿Titi'tzu'n taq'wix nqb'incha'ne' twitza? chechije'. Inkyb'incha'ne' taq'wix weye' ajtkub' kyxima'ne' qa b'a'n tu'n tel kysuchu'ne' q'olb'eb'l weye' 8ex qa mya taq'wix tu'n kykub' kyq'o'ne' alu'mj moẍ, kox mo yab'qe' te chojb'il nwitze'. ¡Kux kyxi'tzune' ex kyiq'inxe' kyeju' nche kawin kyxole'! ¡Atzun kyile' qama txikyk'mo'n kyoyaje' lu tuk'i'l tzalajb'il! chi Qman Dyos. 9Kyqaninxe' te Dyos tu'n ttzaj q'aq'an tk'u'j qi'j. Qatzun ikyqe' kyoyaju'ye' nche kub' kyq'o'ne' lu, lalun kymaye' qa che k'monjtzele' tu'n Dyos tuk'i'l tzalajb'il. Intma'n Qman Dyos nimtipumal kjalu: 10¡Noqwit tzul jun kyxole' jpulkye tjpelju' ja te k'u'lb'il, tu'ntzun lalun che ultle' txqolte q'aq' mixti' tajb'en tib'aju' q'olb'eb'l weye'! Qu'n min nchin tzalaje' kyi'je' ex lay che nk'amtle' kyoyaje'. 11Inchin nimanjtzwe' kyoj kykyaqil nimaqtnam; inkytz'e'ysa'n xjal sturak te ninb'ilweye' toj tkyaqil najb'il ex nkub' kyq'o'n kyoyaj tb'anilxi'x weye'. 12Aye'tzunkye' myab'a'n nkyb'incha'ne' weye', qu'n in elkyik'o'ne' q'olb'eb'l weye' ex nkyxima'ne' qa i'k'b'ilxju' wab'j tkub' tib'aj. 13Intzun kyma'ntle': ¡Matxi' qo siktiye' ti'j tkyaqil ja'lu! chechije'. Ex nchin elkyik'o'ne'. Expe' toj kynab'le' qa nchin tzalaje' ajkyule' q'ol jun alu'mj elq'a'n te chojb'il nwitze', mo jun wakx kox mujqa yab'. 14¡Kb'el taq'wix tib'aju' xjal sb'ul ntzaj tma'n tu'n ttzaj tq'o'n jun alu'mj tb'anilxi'x weye' kyxolju' talu'n, extzun makub' tq'o'n jun alu'mj tzkaj nwitze'! Ayinweju'ye' Nimaqkawil nim toklen, ex ati nchiylale' kyoj nimaqtnam, chi Qman Dyos nimtipumal.
Currently Selected:
Mal 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999