Jer 14
14
Nin q'ijal
1Tzaj yolin Qman Dyos te Jeremiy tu'n tpaju' k'waj, ex tma:
2In oq' Juda tu'n b'is,
Inche b'isunju' nimaqtnam toj,
woqo'j qe'ju' xjal twitz tx'otx'.
Inxi'x ẍch'in Jerusalen tu'n k'ixk'oj.
3Inche'x kychq'o'n q'inun kymajin iq'il a';
inche'xju' majin kyoj xoch, ex mixti'te a',
in anjtzkyi'j kyuk'i'l kẍoq' mixti' kyoj
inel kych'ixaw ex nche kub' kyeqax,
in jax kyktxu'n kywi'.
4Naq nche kyej ka'yinju' aq'unal toj kojb'il
njax kyktxu'n kywi' tu'n kych'ixaw,
qu'n mixti'te' jb'al
tzqijte tx'otx' b'a'nxi'x.
5exqepena' kytxu msat toj kojb'il
nche kyej kykolb'i'n kyal akxtoq kyitz'ji,
qu'n mixti'te' k'ul tu'n kywante.
6Inche kub' we' tojk'ul b'ur
kywi' b'us toj chq'ajlaj,
nche jk'un kyq'iq' kse'nkye xo'j;
inkub' sjumjix kywitz
qu'n mixti'te k'ul tu'n t-xikywan, chij Dyos.
Kub'san Jeremiy twitz Qman Dyos ti'ju' tnam.
7¡Nman Dyos, maskye nqo poqonjtze' tu'nju' qile'
qo tonima naqx tu'n tyolinjtzju' tb'iya b'a'n!
B'a'npun maj min xjapunju' tyola qu'ne',
matxi' qo b'inchan ile' twitza.
8Aya q'uqb'ab'l tk'u'j Israel,
klol qeye' toju' tq'ijlalil ch'uẍ,
¿tiqu'ntzun naku'j najchaq xjala toju' tx'otx'
naku'j jun ajb'etu'n xjal naq o'kx inkyejtenju' tu'n tex qonik'an tu'n?
9¿Tiqu'ntzun ikju'ya kse'n jun xjal naq nka'yin,
kse'n jun xjal te q'oj min nb'ent tonin?
Nman Dyos, atina'ta qxole',
kykyaqil b'ilte qa o'ttanamqo'ya
¡Lalun qokyej tkolb'i'na!
10Lu ntma'n Qman Dyos ti'ju' tnam Israel: Majx tjonku' tnam lu tu'n tb'et jaxjaku'. Qu'mtzun min nchin tzalaje' ti'j. Ktzajel nna'nju'ye' kyil ja'lo ex che okyel toj xjel wu'ne'. Chij.
11Chi Qman Dyos weye': Lalun kub'sana nwitze' te jun b'a'n teju' tnam lu. 12B'a'nqa mache mewayin b'a'npun maj, lay che'x nb'i'ne' kykub'sb'il; b'a'nqa matzaj kyiq'i'n txqan chojb'il k'ok'sb'il ex oyaj twitz awal weye', lay chin tzalaje' ti'j. Kb'el nxitu'ne' tu'n q'oj, we'yaj ex tx'u'j yab'il, chi Dyos.
13Xi'tzun ntzaq'we'ne' te: Nman Dyos; ate'kna' t-sanjelal kub'salte kyk'u'ju' xjal qa lay tzaj q'oj ex we'yaj, exqa ktq'a'ya nak'b'il lay b'aj toju' najb'il lu, nchije'.
14Tzajtzun ttzaq'we'n Qman Dyos weye': Chalyol qekye' sanjelal tu'n ikynkyma'nju' toj nb'iye'. Mixti'we' ẍe'x nchq'o'n, ex mixti'xi'we' chaq'b'il txinq'o'n kye, b'ajxpena' chin yolina'we' kyuk'i'l. Naq nokkye' lu toj kywitz, naq njaw kyxima'n, naq sb'ub'l ate'kju' sanjelal q'malte kyeye'. 15Ayine', Dyos Manb'aj, nchin yoline' kyi'ju' sanjelal nche yolin toj nb'iye' ex mya nchaq'ajqe'ye', inkyma'n qa lay tzaj q'oj ex we'yaj toju' tx'otx' lu: che kyimelkye' sanjel lu toj q'oj ex tu'n we'yaj. 16Exqe'tzu'n xjalxi' ja nche b'ina' kye, che kyimel toj q'oj ex tu'n we'yaj, kyuk'i'lxi' kyxu'jil, kyk'wal ex kymyal. Che b'elsnuk'eju' kyxmilal kyoju' b'e toju' tnam Jerusalen, ex mix-a'lo'x jun kb'elix mqunkye. Ikytzun kychja'ya' kyilju'. 17Q'manxju'ya lu kyeju' ntaname'.
Chin oq'tzuntze'
q'ijtl ex qonik'an,
tu'n tpaj kb'el b'o'lju' ntaname',
tu'n tk'ixk'ojelju' tk'ixb'len
18Aj wexe' toj kojb'il, che kxe'l nka'yine'
woqo'j qe'tlju' e'kyim toj q'oj;
ajtzun wultle' toju' nintnam
inche kyim xjal tu'n we'yaj,
Exqepena' sanjelal ex pale
che kxe'l toj juntl tx'otx' min kyojtzqi'n, chiku'ya, chi Dyos.
Yolin Sanjelal tuk'i'l Dyos
19Nman Dyos, ¿mamajx matxi' tz'el tik'u'na Juda?
¿Ma matxi' siktiya ti'ju' nintnam Syon?
¿Tiqu'n xqo' tk'ixb'saya tejumajx?
Intoq qo' ayone' tu'n qtene' b'a'n,
ex mixti'x xqk'ame'.
Intoq qo' ayone' tu'n qq'ananjtze',
ex naq xob'ajil ati qi'je'.
20Nman Dyos, matxi' tz'el qnik'e' ti'ju' qile'
ex kypaju' ojtxi' qyajilb'ene';
matxi' qo b'inchan ile' twitza.
21¡Lalun qo eltik'o'na, naq tu'n tnimanjtzju' tb'iya,
lalun tz'el tik'u'na nintnam.
jata' tq'uqb'ila te oklenj!
¡Na'ntzju'ya tyola kyej b'entti'j quk'i'le',
japunxwit tu'na!
22¿Ma atitzun jun witzleb'
jaku' tzaj jb'al tu'n?
¿Ma tu'nxtib'ju' kya'j ntzaj tq'o'n jb'al?
¡Minti' Taye, Nman Dyos!
A na'ta ntzaj q'onte,
a na'ta nb'inchankye tkyaqil ti'xti';
¡Qu'mtzun q'uqli qk'u'je' ti'ja!
Currently Selected:
Jer 14: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
Jer 14
14
Nin q'ijal
1Tzaj yolin Qman Dyos te Jeremiy tu'n tpaju' k'waj, ex tma:
2In oq' Juda tu'n b'is,
Inche b'isunju' nimaqtnam toj,
woqo'j qe'ju' xjal twitz tx'otx'.
Inxi'x ẍch'in Jerusalen tu'n k'ixk'oj.
3Inche'x kychq'o'n q'inun kymajin iq'il a';
inche'xju' majin kyoj xoch, ex mixti'te a',
in anjtzkyi'j kyuk'i'l kẍoq' mixti' kyoj
inel kych'ixaw ex nche kub' kyeqax,
in jax kyktxu'n kywi'.
4Naq nche kyej ka'yinju' aq'unal toj kojb'il
njax kyktxu'n kywi' tu'n kych'ixaw,
qu'n mixti'te' jb'al
tzqijte tx'otx' b'a'nxi'x.
5exqepena' kytxu msat toj kojb'il
nche kyej kykolb'i'n kyal akxtoq kyitz'ji,
qu'n mixti'te' k'ul tu'n kywante.
6Inche kub' we' tojk'ul b'ur
kywi' b'us toj chq'ajlaj,
nche jk'un kyq'iq' kse'nkye xo'j;
inkub' sjumjix kywitz
qu'n mixti'te k'ul tu'n t-xikywan, chij Dyos.
Kub'san Jeremiy twitz Qman Dyos ti'ju' tnam.
7¡Nman Dyos, maskye nqo poqonjtze' tu'nju' qile'
qo tonima naqx tu'n tyolinjtzju' tb'iya b'a'n!
B'a'npun maj min xjapunju' tyola qu'ne',
matxi' qo b'inchan ile' twitza.
8Aya q'uqb'ab'l tk'u'j Israel,
klol qeye' toju' tq'ijlalil ch'uẍ,
¿tiqu'ntzun naku'j najchaq xjala toju' tx'otx'
naku'j jun ajb'etu'n xjal naq o'kx inkyejtenju' tu'n tex qonik'an tu'n?
9¿Tiqu'ntzun ikju'ya kse'n jun xjal naq nka'yin,
kse'n jun xjal te q'oj min nb'ent tonin?
Nman Dyos, atina'ta qxole',
kykyaqil b'ilte qa o'ttanamqo'ya
¡Lalun qokyej tkolb'i'na!
10Lu ntma'n Qman Dyos ti'ju' tnam Israel: Majx tjonku' tnam lu tu'n tb'et jaxjaku'. Qu'mtzun min nchin tzalaje' ti'j. Ktzajel nna'nju'ye' kyil ja'lo ex che okyel toj xjel wu'ne'. Chij.
11Chi Qman Dyos weye': Lalun kub'sana nwitze' te jun b'a'n teju' tnam lu. 12B'a'nqa mache mewayin b'a'npun maj, lay che'x nb'i'ne' kykub'sb'il; b'a'nqa matzaj kyiq'i'n txqan chojb'il k'ok'sb'il ex oyaj twitz awal weye', lay chin tzalaje' ti'j. Kb'el nxitu'ne' tu'n q'oj, we'yaj ex tx'u'j yab'il, chi Dyos.
13Xi'tzun ntzaq'we'ne' te: Nman Dyos; ate'kna' t-sanjelal kub'salte kyk'u'ju' xjal qa lay tzaj q'oj ex we'yaj, exqa ktq'a'ya nak'b'il lay b'aj toju' najb'il lu, nchije'.
14Tzajtzun ttzaq'we'n Qman Dyos weye': Chalyol qekye' sanjelal tu'n ikynkyma'nju' toj nb'iye'. Mixti'we' ẍe'x nchq'o'n, ex mixti'xi'we' chaq'b'il txinq'o'n kye, b'ajxpena' chin yolina'we' kyuk'i'l. Naq nokkye' lu toj kywitz, naq njaw kyxima'n, naq sb'ub'l ate'kju' sanjelal q'malte kyeye'. 15Ayine', Dyos Manb'aj, nchin yoline' kyi'ju' sanjelal nche yolin toj nb'iye' ex mya nchaq'ajqe'ye', inkyma'n qa lay tzaj q'oj ex we'yaj toju' tx'otx' lu: che kyimelkye' sanjel lu toj q'oj ex tu'n we'yaj. 16Exqe'tzu'n xjalxi' ja nche b'ina' kye, che kyimel toj q'oj ex tu'n we'yaj, kyuk'i'lxi' kyxu'jil, kyk'wal ex kymyal. Che b'elsnuk'eju' kyxmilal kyoju' b'e toju' tnam Jerusalen, ex mix-a'lo'x jun kb'elix mqunkye. Ikytzun kychja'ya' kyilju'. 17Q'manxju'ya lu kyeju' ntaname'.
Chin oq'tzuntze'
q'ijtl ex qonik'an,
tu'n tpaj kb'el b'o'lju' ntaname',
tu'n tk'ixk'ojelju' tk'ixb'len
18Aj wexe' toj kojb'il, che kxe'l nka'yine'
woqo'j qe'tlju' e'kyim toj q'oj;
ajtzun wultle' toju' nintnam
inche kyim xjal tu'n we'yaj,
Exqepena' sanjelal ex pale
che kxe'l toj juntl tx'otx' min kyojtzqi'n, chiku'ya, chi Dyos.
Yolin Sanjelal tuk'i'l Dyos
19Nman Dyos, ¿mamajx matxi' tz'el tik'u'na Juda?
¿Ma matxi' siktiya ti'ju' nintnam Syon?
¿Tiqu'n xqo' tk'ixb'saya tejumajx?
Intoq qo' ayone' tu'n qtene' b'a'n,
ex mixti'x xqk'ame'.
Intoq qo' ayone' tu'n qq'ananjtze',
ex naq xob'ajil ati qi'je'.
20Nman Dyos, matxi' tz'el qnik'e' ti'ju' qile'
ex kypaju' ojtxi' qyajilb'ene';
matxi' qo b'inchan ile' twitza.
21¡Lalun qo eltik'o'na, naq tu'n tnimanjtzju' tb'iya,
lalun tz'el tik'u'na nintnam.
jata' tq'uqb'ila te oklenj!
¡Na'ntzju'ya tyola kyej b'entti'j quk'i'le',
japunxwit tu'na!
22¿Ma atitzun jun witzleb'
jaku' tzaj jb'al tu'n?
¿Ma tu'nxtib'ju' kya'j ntzaj tq'o'n jb'al?
¡Minti' Taye, Nman Dyos!
A na'ta ntzaj q'onte,
a na'ta nb'inchankye tkyaqil ti'xti';
¡Qu'mtzun q'uqli qk'u'je' ti'ja!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999