Col CHIK'B'AB'L
CHIK'B'AB'L
Maskye myate' Pawl kub' q'onte okslab'l kxolju' aj Kolosas, intoq ximan kyi'j, tnejelxi'x tu'n tpaj ate'toq tojxju' tx'otx' ja naq'unana', ex ikx tu'n tpaj ma'toq che'x tchq'o'nju' jte' okslal aj Epeso onilkye okslal kxol aj Kolosas. Ex ax juntl u'ju' xittz'ib'a'n Pawl tej atitoq toj kars. Ti'jxi'tzunju' tnejel q'olb'eb'l, ja nok tq'o'na' tib' Pawl junx tuk'i'l Timotey, intq'o'n chjonte te Dyos se'nx toj junjuntl u'j, tu'nju' nxi' q'ma'n te qa b'a'n tqe'yaju' okslal kxol aj Kolosas (1.1-8). Qu'n nakuj ma'toq tb'i qa nimtaqju' myab'a'n xnaq'tzal ma'toq tz'okx kyq'o'n kyib' kxolju' okslal yolil tib'aj ti'xti' ati kyipumal ex tib'aj txqan xewb'aj mixti' q'ancha'l, qa atitoq tu'n kk'ulun xjal kwitz, ex intoq kma'n qa ilxi'xtoq ti'j tu'n tok kyechel ti'j kychib'jil, titi'chaqju' b'a'n tu'n qwante ex junjuntl ti'xti' ntma'n toj kawb'il qa ilti'jtoq tu'n kjapun.
Q'ojinte Pawl ti'j tkyaqil ja'lu, ex intoq tpakb'a'n qa naq tu'ne'l Krist eb'aj tb'incha'na' Dyos tkyaqil ti'xti' ati twitz tx'otx', exqa nimxixte toklen kyekwitzju' xjal nimaq kyipumal, qu'n kkyaqil ateqe' tjaq' tkawb'il. Ikx ate Krist wi'yj kyeju' okslal, ex naq tu'nju' jawq'o'n twitz krus maqo b'ent jumajtl tu'n Dyos. Nimxi'x toklenju' taq'un Krist te kolb'il. Akute' Krist sok q'onte qechil ti'j qchib'jil, mya xjal (2.11) ex atzun tz'elpuna'ju' tu'n tel qi'nju' il qi'j. Tu'nju' njaw qnimanju' tkawb'il Krist, ex atzun yolin ikxju' se'n nyolin toju' u'j xi' q'o'n kye aj Epeso (1.9—2.19). Ex ikx nyolin tib'aju' ak'a'j qchwinqlal tuk'i'l Krist (2.20—4.6), ex ax yolju' intma'n toju' u'j xiq'o'n kye aj Pilipos, qu'mtzun b'a'npun nkub' ximante qa junx e'kub' tz'ib'a'nju' kab'e' u'j lu. Aye'ju' okslal, aj matxi' txiq'o'n kychwinqlal ak'a'j, aju' kychwinqlal junx tuk'i'l Krist (2.13) ati tu'n kten junx tuk'i'l Krist ex ati tu'n kyanq'in b'a'n kxol xjal atl junjun q'ij, tu'ntzun kyek'unte qa ak'a'ju' kychwinqlal. Ikyininx junjun oqxenb'ilju' toju' u'j lu kse'n intma'n toju' tnej jwe' toj ju' u'j xiq'o'n kye aj Epeso.
Aye'tzunju' mankb'il q'olb'eb'l in kyek'unju' tk'u'jlalil Pawl kyi'ju' tuk'i'l nche' aq'unan toj taq'un Dyos. Atzun toju' tnej lu nyolin ti'j (4.7-18) jun u'j xiq'o'n kye okslal toj tnam Laodisya, naqtzun a kyoju' u'j xittz'ib'a'n Pawl mixti' nelyal jun inwt tma'n U'j xittz'ib'a'n kyeju' aj Laodisya.
Currently Selected:
Col CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
Col CHIK'B'AB'L
CHIK'B'AB'L
Maskye myate' Pawl kub' q'onte okslab'l kxolju' aj Kolosas, intoq ximan kyi'j, tnejelxi'x tu'n tpaj ate'toq tojxju' tx'otx' ja naq'unana', ex ikx tu'n tpaj ma'toq che'x tchq'o'nju' jte' okslal aj Epeso onilkye okslal kxol aj Kolosas. Ex ax juntl u'ju' xittz'ib'a'n Pawl tej atitoq toj kars. Ti'jxi'tzunju' tnejel q'olb'eb'l, ja nok tq'o'na' tib' Pawl junx tuk'i'l Timotey, intq'o'n chjonte te Dyos se'nx toj junjuntl u'j, tu'nju' nxi' q'ma'n te qa b'a'n tqe'yaju' okslal kxol aj Kolosas (1.1-8). Qu'n nakuj ma'toq tb'i qa nimtaqju' myab'a'n xnaq'tzal ma'toq tz'okx kyq'o'n kyib' kxolju' okslal yolil tib'aj ti'xti' ati kyipumal ex tib'aj txqan xewb'aj mixti' q'ancha'l, qa atitoq tu'n kk'ulun xjal kwitz, ex intoq kma'n qa ilxi'xtoq ti'j tu'n tok kyechel ti'j kychib'jil, titi'chaqju' b'a'n tu'n qwante ex junjuntl ti'xti' ntma'n toj kawb'il qa ilti'jtoq tu'n kjapun.
Q'ojinte Pawl ti'j tkyaqil ja'lu, ex intoq tpakb'a'n qa naq tu'ne'l Krist eb'aj tb'incha'na' Dyos tkyaqil ti'xti' ati twitz tx'otx', exqa nimxixte toklen kyekwitzju' xjal nimaq kyipumal, qu'n kkyaqil ateqe' tjaq' tkawb'il. Ikx ate Krist wi'yj kyeju' okslal, ex naq tu'nju' jawq'o'n twitz krus maqo b'ent jumajtl tu'n Dyos. Nimxi'x toklenju' taq'un Krist te kolb'il. Akute' Krist sok q'onte qechil ti'j qchib'jil, mya xjal (2.11) ex atzun tz'elpuna'ju' tu'n tel qi'nju' il qi'j. Tu'nju' njaw qnimanju' tkawb'il Krist, ex atzun yolin ikxju' se'n nyolin toju' u'j xi' q'o'n kye aj Epeso (1.9—2.19). Ex ikx nyolin tib'aju' ak'a'j qchwinqlal tuk'i'l Krist (2.20—4.6), ex ax yolju' intma'n toju' u'j xiq'o'n kye aj Pilipos, qu'mtzun b'a'npun nkub' ximante qa junx e'kub' tz'ib'a'nju' kab'e' u'j lu. Aye'ju' okslal, aj matxi' txiq'o'n kychwinqlal ak'a'j, aju' kychwinqlal junx tuk'i'l Krist (2.13) ati tu'n kten junx tuk'i'l Krist ex ati tu'n kyanq'in b'a'n kxol xjal atl junjun q'ij, tu'ntzun kyek'unte qa ak'a'ju' kychwinqlal. Ikyininx junjun oqxenb'ilju' toju' u'j lu kse'n intma'n toju' tnej jwe' toj ju' u'j xiq'o'n kye aj Epeso.
Aye'tzunju' mankb'il q'olb'eb'l in kyek'unju' tk'u'jlalil Pawl kyi'ju' tuk'i'l nche' aq'unan toj taq'un Dyos. Atzun toju' tnej lu nyolin ti'j (4.7-18) jun u'j xiq'o'n kye okslal toj tnam Laodisya, naqtzun a kyoju' u'j xittz'ib'a'n Pawl mixti' nelyal jun inwt tma'n U'j xittz'ib'a'n kyeju' aj Laodisya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999