ESAERA ZAHARRAK 18
18
1Berekoiak bereari jarraitzen dio,
besteen aholkuei kontra egiten.
2Burugabeak ez du zentzu ona gogoko,
nahiago du barruan duena aldarrikatu.#Ik. 12,23.
3Gaiztakeriarekin mespretxua dator, zitalkeriarekin iraina.
4Ur sakon dira gizakiaren hitzak,
erreka gainezka, zuhurtzi iturri!#ur sakonak 20,5; Si 21,13.
5Ez da bidezko errudunaren alde jokatzea
errugabeari bere eskubideak ukatzeko.#errudunaren alde 17,15+.
6Zentzugabearen hitzek liskarra sortzen,
beraren mintzoak kolpeak erakartzen.
7Bere hitzez hondatzen da zentzugabea,
bere esanetan gelditzen harrapatua.#zentzugabea bere hitzez hondatu 10,14+.
8Iraintzailearen hitzak jaki goxoak bezalako:
barren-barreneraino iristen dira.#26,22.
9Bere eginkizunetan zabarra, desegiten duenaren anaia.
10Jaunaren izena, gotorleku sendo;
bertara joan eta babesten da zintzoa.#Jauna gotorleku sendo Sal 61,4+; 124,8.
11Hiri babestu dira ondasunak aberatsarentzat,
menderaezinezko harresi, haren ustetan.#Ik. 10,15.
12Handiustearen atzetik hondamendia,
apaltasunaren ondoren ohorea.#Ik. 15,33; 16,18. handiustea/apaltasuna 11,2+.
13Entzun baino lehen erantzuten duenak
zentzugabearen lotsa jasan beharko du.#Entzun baino lehen erantzun Si 11,8.
14Adoreak eutsi egiten dio gizakiari gaixoaldian;
bihotz-eroria, ordea, nork altxatuko du?
15Buruargiak jakintza lortzen,
entzule zuhurra bila saiatzen.#Ik. 15,14.
16Opariek ateak zabaltzen dizkiote gizakiari,
handikien aurreraino ere iritsarazten.#Oparia 17,8+.
17Lehenengo hitz egiten duenak arrazoi du auzian,
gero kontrakoak kentzen dion arte.
18Zotz eginez#18,18 Zotz eginez: Ik. 16,33 eta oh. amaitzen dira eztabaidak,
lehiakideen arteko auzia erabakiz.
19Hiri gotorrera baino zailago anaia irainduagana heltzea;
gazteluko morroiloak bezala ixten dute liskarrek gizakia.
20Nor bere hitzen fruituez elikatzen da,
nor bere mintzoaren emaitzez asebetetzen.#hitzen fruituez elikatu 12,14+.
21Mihiari lotuta daude heriotza eta bizitza;
zer aukeratu, hura jango du bakoitzak.
22Emazte ona aurkitu duenak zoriona aurkitu du;
Jaunak egiten du horrelako mesedea.#Emazte ona 19,14; 31,10-31; Si 26,1-4.
23Behartsuak erreguka eskatzen,
aberatsak gogortasunez erantzuten.#Ik. Si 13,3.
24Badira adiskideak elkar hondatzen dutenak;
baita anaia baino lagun minagoak direnak ere.#adiskidea 17,17+.
Currently Selected:
ESAERA ZAHARRAK 18: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso