JOEL 1
1
1Hona Jaunak Petuelen seme Joeli zuzendu zion mezua.
Matxinsaltoak eta lehortea
2Entzun, buruzagiok,
adi egon, Judako#1,2 Judako: Hebreerazkoak lurraldeko dio; baina hitz horrek Juda erreinua adierazten du Joelen liburuan, 4,1.6-8.20-21 tx.etan ageri denez. bizilagun guztiok!
Gertatu ote da inoiz antzekorik
zuen garaian,
nahiz zuen aurrekoen garaian?
3Kontatu seme-alabei,
zuen seme-alabek
konta biezaiete berenei
eta hauek hurrengo belaunaldiari.
4Matxinsaltoek#Matxinsaltoak 2,25; Ir 10,1-15; Dt 28,38; Am 4,9; 7,1-2; Sal 105,34-35; Ap 9,3-9. dena jan dute:
batzuek utzia hurrengoek#1,4 Matxinsaltoek… batzuek… hurrengoek: Hebreerazkoak lau hitz desberdin dakartza, lau intsektu-mota adierazteko segur aski. Landa gorri uzten duten behin eta berrizko erasoaldiak dira nolanahi ere. irentsi.
5Esna zaitezte, mozkor#mozkorrak Is 5,11; 28,1.7-8; Am 4,1; Jkd 2,7-9. horiek,
eta egizue negar!
Egin garrasi, ardozaleok!
Ez duzue jadanik ardorik dastatuko.
6Hor datoz matxinsaltoak piloka,
herri indartsu eta kontaezin#kontaezin 2,2.11; Jr 46,23. Lehoiak bezalako hortzak Ap 9,8.
baten antzeko,
nire lurraldearen aurka.
Lehoiak bezalako hortzak dituzte,
dena triskatzen dute.
7Nire mahastia
hondamendi bihurtzen dute,
nire pikondoa#mahastia, pikondoa 1 Erg 5,5; Mi 4,4; Za 3,10. Ik. Is 5,1+; Sal 80,9-19. ezpal;
dena karraskatzen eta zuritzen,
abarrak larrutuz.
8Egizu negar, neskatxa batek
hil zaion senar berriaz
doluz jantzita
negar dagien bezala.
9Amaitu dira labore-opariak#labore-opariak eta isur-opariak 1,13; 2,14. Ik. Ir 29,39-40.
eta isur-opariak Jaunaren etxean.
Dolu dagite apaizek,
Jaunaren zerbitzariek.
10Gorri daude landak,
dolu dagi lurrak;#dolu dagi lurrak Jr 4,28; Os 4,3. laborea, ardoa, olioa 2,19; Has 27,28; Zen 18,12; Dt 7,13; 2 Erg 18,32; Is 36,17; Os 2,24.
galdu da laborea, agortu ardoa,
ahitu olioa.
11Bihotz-erorita daude nekazariak,
garrasika mahastizainak;
galduak baitira garia eta garagarra,
hondatua soroetako uzta.
12Iharturik dago mahastia,
zimel pikondoa,
baita granadondoa, palmondoa
eta sagarrondoa ere;
halaber ihartu dira
basazuhaitz guztiak.
Eta ihartu da gizakien poza ere!#dena ihartu da Am 4,7-9. gizakien poza Is 16,10; Jr 25,10.
Konbertsiorako eta Jaunari erregu egiteko deia
13Egizue erosta, apaizok,
doluz jantzita;
egizue garrasi, aldare-zerbitzariok.
Zatozte, emazue gaua
dolu-jantziz estalita,
Jainkoaren zerbitzariok.
Labore-opari eta isur-oparirik gabe
gelditu baita Jainkoaren etxea.
14Antola ezazue baraualdia,#baraualdia 2,12.15; Jon 3,5-9. Ik. 1 Erg 21,9; Esd 8,21; Ne 9,1. batzarrerako deia 2,15-16.
egizue batzarrerako deia.
Bildu buruzagiak
eta herritar guztiak
Jaunaren, zeuen Jainkoaren,
etxean,
eta egin oihu Jaunari.
Jaunaren eguna gainean
15Ai! Hau eguna, hau!
Gainean baita Jaunaren eguna.#Jaunaren eguna 2,1-2.11; 3,4; 4,14; Is 13,6-9; Ez 30,2-3; Am 5,18; Ab 15; So 1,7.14-15; Za 14,1; Ml 3,2-5.19. Ik. Os 1,5.
Ahalguztidunaren
hondamen-indarrez dator.
16Ez al duzue ikusten
kendu digutela janaria,
falta direla poz-alaitasunak#poz-alaitasunak Is 35,10; 51,11; Sal 14,7; 31,8. falta dira Is 16,10; Jr 48,33.
gure Jainkoaren etxean?
17Idorturik dago hazia zokorpean,
hondaturik ziloak,
eroriak ganbarak;
galdua baita laborea.
18Abereek zer urruma!
Urduri daude behiak,
ez baitute larrerik.
Eskastu dira ardiak ere.#gizakien eta izadiaren arteko elkartasuna Jr 4,28; 14,3-4; Os 4,3+; Jon 3,7; Sal 135,8.
19Zuri degizut dei, Jauna!
Landa zabaleko larreak
suak hartu ditu,
basazuhaitz guztiak garrak kiskali.#Jaunari dei egin Sal 28,1; 30,9; 86,3. sua, suntsipenaren irudi 2,3; Am 1,4.7.10.14; 2,2.5; 7,4.
20Basapiztiek ere orro egiten dizute;
zeren errekak agortu egin baitira,
eta landa zabaleko larreak
suak hartu.
Currently Selected:
JOEL 1: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso