ISAIAS 56
56
HIRUGARREN ISAIAS (56,1—66,24)
Inor ez Jainkoaren herritik kanpo
1Hau dio Jaunak:
«Errespetatu zuzenbidea,
egin justizia,
iristear baitago nire salbamena,
agertzear nire garaipena.#zuzenbidea eta justizia 28,17; Jr 9,23+; Am 5,24. salbamena, garaipena 45,8+.
2Zorionekoa
nire aginduen arabera jokatzen
eta horretan leial irauten duena,
larunbata profanatu gabe
errespetatzen
eta ezer txarrik egiten ez duena!»#Zorionekoa Sal 1; 119. larunbata errespetatu 58,13; Ir 20,8+; Am 8,5.
3Jaunari atxiki zaion atzerritarrak
ez dezala inola ere esan:
«Bere herritik baztertu
egin nau Jaunak».
Irenduak#56,3 Irendua: Ez zuen Jainkoaren herriaren batzarrean esku-hartzerik (ik. Dt 23,2). Baztertuen aldeko Hirugarren Isaiasen jarrera hau berria da (ik. Jkd 3,14 eta Mt 19,21). ere ez dezala esan:
«Zuhaitz ihartua besterik ez naiz».#Bere herritik baztertu Dt 23,2-9.
4Izan ere, hau dio Jaunak:
«Irenduei,
nire larunbata errespetatzen badute,
niri atsegin zaidana gogotsu egiten
eta nire itunari tinko eusten badiote,#Irendua Jkd 3,14-15. niri atsegin zaidana 65,12; 66,4.
5beren izenaren oroitarria
egingo diet neure tenpluan
eta hiriko hormetan:
seme-alabak edukitzea baino
hobe izango dute hori,
sekula ezabatuko ez den izena
emango baitiet.#seme-alabak baino hobe 1 Sm 1,8; Jkd 4,1. betiko izena Ap 2,17; 3,5.
6«Eta nire kultu-zerbitzurako,
ni maitatu eta nire zerbitzari izateko
atxikiko zaizkidan atzerritarrak,
larunbata profanatu gabe
errespetatzen
eta nire itunari tinko eusten badiote,#atzerritarrak 1 Erg 8,41-43.
7neure mendi santura#56,7 mendi santua: Ik. 2,2 oh. eta 2,3.
ekarriko ditut
eta neure otoitz-etxean
pozez beteko.
Atseginez onartuko ditut
neure aldarean
haien erre-opari eta sakrifizioak,
nire etxea herri guztientzat
otoitz-etxe izango baita».#neure mendi santura ekarriko Sal 15,1. Atseginez onartuko opariak 60,7. nire etxea otoitz-etxe Mt 21,13 par.
8Hau dio israeldar sakabanatuak
biltzen dituen Jainko Jaunak:
«Orain arte bildu ditudanak baino
gehiago ere bilduko ditut».#israeldar sakabanatuak bildu 11,12+. gehiago bilduko 66,18; Jn 10,16.
Buruzagi axolagabeak
9Etorri jatera, basapiztiok,
etorri, basabereok!
10Israelen begiraleak itsu daude,
ez da inor ezertaz ohartzen.
Zaunkarik egin ezin duten
txakur mutuak dira;
hor daude etzanda, ametsetan,
beti logura.
11Aseezineko txakur goseak dira.
Eta horiek dira herriaren artzain#56,11 artzain: 10. tx.eko begiraleak bezala, herriaren gidari eta arduradunak adierazteko irudia.,
ezer ulertzeko gauza ez direla!
Nor bere bidetik doa,
bere probetxuari baino
begiratu gabe.#horiek herriaren artzain Jr 23,1; Ez 34,2. Ik. 3,12+. Nor bere bidetik doa 53,6; 57,17; Jr 6,13.
12Hau diote: «Ea, goazen ardotara.
Mozkor gaitezen pattarrez!
Eta bihar beste horrenbeste,
nahikoa baitago!»#ardozaleak 5,11+.
Currently Selected:
ISAIAS 56: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso