DEUTERONOMIOA 34
34
Moisesen heriotza
1Moises, Moabeko lautadatik Jeriko parean dagoen Nebo mendira, Pisga#34,1 Jeriko: Jordanen mendebaldean dagoen hiria, Itsaso Hilaren iparraldean. Nebo, Pisga: Itsaso Hilaren ipar-ekialdean daude. gailurrera, igo zen. Handik, lurralde osoa erakutsi zion Jaunak: Galaadetik Danerainoko lurraldea,#Nebo mendira igo 3,27; 32,49. 2Neftali, Efraim eta Manasesena, Judaren lurralde guztia Mediterraneo itsasoraino, 3Negev eta Jerikoko —Palmondo hiriko— haran-ingurua, Tzoar hiriraino. 4Eta esan zion Jaunak: «Hori da Abraham, Isaak eta Jakobi zin eginez agindu nien lurraldea#34,4 agindu nien lurraldea: Deuteronomio liburua Jainkoak arbasoei eginiko lurraldearen agintzariarekin hasten eta bukatzen da (ik. 1,8 oh).. Esan nien: “Zuen ondorengoei emango diet”. Zeure begiz ikusten utzi dizut, baina ez zara bertan sartuko».#arbasoei aginduriko lurraldea 1,35+. ez zara bertan sartuko 3,27; 31,2; 32,52; Zen 27,12-14.
5Han hil zen Moises, Jaunaren zerbitzaria, Moab lurraldean, Jaunak esanaren arabera.#Moisesen heriotza 32,50; Jos 1,1-2. 6Haranean ehortzi zuten, Moaben, Bet-Peor-en aurrez aurre, eta inork ez du izan haren hilobiaren berririk gaurdaino.
7Ehun eta hogei urte zituen Moisesek hil zenean; ez zitzaion ikusmena ahuldu, ez zioten indarrek huts egin.#Ehun eta hogei urte 31,2. 8Israeldarrek hogeita hamar egunez egin zuten negar Moisesengatik Moabeko lautadan, dolualdia bete zuten arte.#hogeita hamar eguneko dolua Ik. Zen 20,29.
9Nunen seme Josue zuhurtziaz jantzia zegoen, eskuak ezarri baitzizkion Moisesek buruan. Israeldarrek obeditu egin zioten eta Jaunak Moisesi agindu bezala jokatu zuten.#Josue 1,38+. Moisesek eskuak ezarri Zen 27,18-23. Ik. Eg 6,6+.
10Ordudanik, ez da Israelen sortu Moises bezalako profetarik, Jaunarekin hain harreman estuak izan zituen#34,10 Jaunarekin hain harreman estuak izan zituen: H.h., norekin Jaunak aurpegiz aurpegi tratatzen baitzuen. Ir 33,11n esana aipatzen da hemen. Moises bezalakorik;#Moises bezalakorik Si 45,1-5. Ik. Jn 1,17. profeta Ik. 18,15; Zen 12,6-8. hain harreman estuak (aurrez aurre hitz egin) Has 32,31; Ir 33,11+. 11inor ez honen parekorik mirariak eta egintza harrigarriak egiten: Jaunak bidalita, faraoiaren, beronen funtzionario eta herrialde osoaren aurka Egipton Moisesek egindako mirari eta egintza harrigarriak bezalakoak egiten;#mirari eta egintza harrigarriak 4,34+. 12ezta inor Moisesek Israel herri osoaren aurrean bezain esku indartsuz eta era handi eta beldurgarrian jokatu zuenik ere.
Currently Selected:
DEUTERONOMIOA 34: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso