ISAIAS 32
32
Zuzenbidezko erregetza
1Hara, zuzenbidez aginduko duen
erregea izango da,
eta zuzenbidez gobernatuko duten
gobernariak.#errege zuzena 9,6; 11,3-5; Jr 23,5-6. zuzenbidez gobernatuko dutenak 1,21-27; 28,6.
2Haietako bakoitza
haizetean babes izango da,
ekaitzean aterpe;
lurralde lehorrean ubidea bezala,
basamortuan harkaitz handi baten
geriza bezala.#babes, aterpe 16,4; 25,4.
3Ikusi behar dutenek begiak zabalik,
entzun behar dutenek
belarriak erne izango dituzte.#begiak zabalik 35,5. Ik. 6,10; 30,10.
4Buruarinak
burutsu izaten saiatuko dira,
hizmotelak
bizkor eta garbi mintzatuko.
5Zentzugabea
ez da jatortzat hartuko,
ezta makurra ere prestutzat.#Zentzugabea ez jatortzat hartuko 5,20.
6Izan ere,
zentzugabeak zorakeria ahoan,
eta asmo txarrak besterik ez
barruan;
Jaunaz arduratu gabe bizi da
eta hari irainka mintzo;
gose dena hutsik bidaltzen du
eta egarri denari
ez dio edaten ematen.#zentzugabeak zorakeria ahoan Sal 14,1; Es 15,2.
7Maltzurra, berriz,
azpijokoz ari da
eta zitalkeriaz baliatzen,
dohakabe eta behartsuen
eskubideak gezurrez deuseztatzeko.#Maltzurra azpijokoan Mi 2,1; Sal 10,2.7-11.
8Jatorrak, ostera, asmo jatorrak,
eta egintzak ere jatorrak.
Jerusalemgo emakumeen aurka
9Emakume arduragabeok,
ea, entzun nire esana!
Andre axolagabeok,
aditu nire mezua!#Emakume axolagabeak 3,16-24; Am 4,1-3; 6,1.
10Orain axolagabe bizi zarete,
baina urtebete igaro eta laster
dardara egingo duzue,
mahats-biltzea amaituko baita
eta ez da gehiago uztarik izango.
11Izan ikara, arduragabeok!
Egin dardara, axolagabeok!
Erantzi, kendu soineko horiek,
eta estali dolu-jantziz.#estali dolu-jantziz 15,3; 22,12; 37,1-2; Jr 4,8+.
12Jo bularra eta egin dolu:
landa zoragarri
eta mahasti emankorrak
amaitu dira eta;
13sasi eta laharrak haziko dira
nire herriaren lurraldean;
dolu egin, bai,
alaitasunez beterik zeuden
etxeengatik,
hiri festazaleagatik.#hiri festazalea 22,2.13.
14Errege-jauregia utzi egingo dute,
hiri jendetsua hutsik geldituko da;
Ofel auzoa eta zaintzeko dorrea#32,14 Ofel auzoa: Jerusalemgo auzoa, tenpluaren hegoaldean kokatua. zaintzeko dorrea: Ne 3,26-27an aipatua izan daiteke.,
betiko hondaturik,
basastoen etzaleku atsegin
eta artaldeen larre-toki bihurtuko.#hiria hutsik 24,10-11. larre-toki bihurtua 7,25+.
Bakea, justiziaren ondorio
15Baina, azkenik,
Jaunak bere espiritua
isuriko digu goitik berriro.
Basamortua baratze bihurtuko da
eta baratzea baso.#Jaunak espiritua isuriko 11,2-9; 44,3; Ez 37,9-10; Jl 3,1-2. Basamortua baratze 29,17+.
16Eta batean zein bestean
zuzenbidea eta justizia nagusi.
17Justiziak bakea ekarriko du,
patxada eta konfiantza betiko.#Justizia eta bakea 9,6; Sal 72,2-3; 85,11-12; St 3,18. patxada eta konfiantza 30,15; 33,15-16.
18Nire herriak bakea,
konfiantza eta lasaitasuna
izango ditu egoitza eta bizileku,
19nahiz eta basoa mozturik erori#32,19 basoa mozturik erori: Zenbait eskuizkriburen arabera; testurik hedatuenak basoan txingorra egin dio; baina tx.aren esanahia iluna da.
eta hiriak hondoa jo.
20Zorionekoak zuek!
Uraren ondoan ereingo duzue,
asto eta idiak larrean libre utziko.#Zorionekoak 30,18.
Currently Selected:
ISAIAS 32: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
ISAIAS 32
32
Zuzenbidezko erregetza
1Hara, zuzenbidez aginduko duen
erregea izango da,
eta zuzenbidez gobernatuko duten
gobernariak.#errege zuzena 9,6; 11,3-5; Jr 23,5-6. zuzenbidez gobernatuko dutenak 1,21-27; 28,6.
2Haietako bakoitza
haizetean babes izango da,
ekaitzean aterpe;
lurralde lehorrean ubidea bezala,
basamortuan harkaitz handi baten
geriza bezala.#babes, aterpe 16,4; 25,4.
3Ikusi behar dutenek begiak zabalik,
entzun behar dutenek
belarriak erne izango dituzte.#begiak zabalik 35,5. Ik. 6,10; 30,10.
4Buruarinak
burutsu izaten saiatuko dira,
hizmotelak
bizkor eta garbi mintzatuko.
5Zentzugabea
ez da jatortzat hartuko,
ezta makurra ere prestutzat.#Zentzugabea ez jatortzat hartuko 5,20.
6Izan ere,
zentzugabeak zorakeria ahoan,
eta asmo txarrak besterik ez
barruan;
Jaunaz arduratu gabe bizi da
eta hari irainka mintzo;
gose dena hutsik bidaltzen du
eta egarri denari
ez dio edaten ematen.#zentzugabeak zorakeria ahoan Sal 14,1; Es 15,2.
7Maltzurra, berriz,
azpijokoz ari da
eta zitalkeriaz baliatzen,
dohakabe eta behartsuen
eskubideak gezurrez deuseztatzeko.#Maltzurra azpijokoan Mi 2,1; Sal 10,2.7-11.
8Jatorrak, ostera, asmo jatorrak,
eta egintzak ere jatorrak.
Jerusalemgo emakumeen aurka
9Emakume arduragabeok,
ea, entzun nire esana!
Andre axolagabeok,
aditu nire mezua!#Emakume axolagabeak 3,16-24; Am 4,1-3; 6,1.
10Orain axolagabe bizi zarete,
baina urtebete igaro eta laster
dardara egingo duzue,
mahats-biltzea amaituko baita
eta ez da gehiago uztarik izango.
11Izan ikara, arduragabeok!
Egin dardara, axolagabeok!
Erantzi, kendu soineko horiek,
eta estali dolu-jantziz.#estali dolu-jantziz 15,3; 22,12; 37,1-2; Jr 4,8+.
12Jo bularra eta egin dolu:
landa zoragarri
eta mahasti emankorrak
amaitu dira eta;
13sasi eta laharrak haziko dira
nire herriaren lurraldean;
dolu egin, bai,
alaitasunez beterik zeuden
etxeengatik,
hiri festazaleagatik.#hiri festazalea 22,2.13.
14Errege-jauregia utzi egingo dute,
hiri jendetsua hutsik geldituko da;
Ofel auzoa eta zaintzeko dorrea#32,14 Ofel auzoa: Jerusalemgo auzoa, tenpluaren hegoaldean kokatua. zaintzeko dorrea: Ne 3,26-27an aipatua izan daiteke.,
betiko hondaturik,
basastoen etzaleku atsegin
eta artaldeen larre-toki bihurtuko.#hiria hutsik 24,10-11. larre-toki bihurtua 7,25+.
Bakea, justiziaren ondorio
15Baina, azkenik,
Jaunak bere espiritua
isuriko digu goitik berriro.
Basamortua baratze bihurtuko da
eta baratzea baso.#Jaunak espiritua isuriko 11,2-9; 44,3; Ez 37,9-10; Jl 3,1-2. Basamortua baratze 29,17+.
16Eta batean zein bestean
zuzenbidea eta justizia nagusi.
17Justiziak bakea ekarriko du,
patxada eta konfiantza betiko.#Justizia eta bakea 9,6; Sal 72,2-3; 85,11-12; St 3,18. patxada eta konfiantza 30,15; 33,15-16.
18Nire herriak bakea,
konfiantza eta lasaitasuna
izango ditu egoitza eta bizileku,
19nahiz eta basoa mozturik erori#32,19 basoa mozturik erori: Zenbait eskuizkriburen arabera; testurik hedatuenak basoan txingorra egin dio; baina tx.aren esanahia iluna da.
eta hiriak hondoa jo.
20Zorionekoak zuek!
Uraren ondoan ereingo duzue,
asto eta idiak larrean libre utziko.#Zorionekoak 30,18.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso