Jabuli 131
131
Lega ki mwolo ma tye iye gen
1Ai Rwot, pe atye ki miti ma malo twatwal i cwinya,
dok bene waŋa pe neno malo twatwal.
An pe atikke i kom lok madito ata
ma gidito dok me aura makato ŋecca woko.
2Ento doŋ cwinya okwe, aywe doŋ gira mot,
calo latin ma tye i kor minne ma oliŋ mot;
cwinya doŋ okwe calo latin ma doŋ oliŋ.
3Wun jo Icrael, wugen Rwot!
nia i kare man cito kwede anyim nakanaka!
Currently Selected:
Jabuli 131: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
