Jabuli 124
124
Lubaŋa olaro jone i ciŋ lukworgi
1Jo Icrael myero guwacci,
“Ka kono Rwot pe obedo tuŋ botwa,
2ka kono Rwot pe obedo tuŋ botwa,
i kare ma lukworwa gubino ka lweny i komwa,
3kono gumwonyowa woko makwo oyotoyot,
i kare ma kinigagi olyetti woko marac twatwal i komwa;
4kono nene lalele omolowa oterowa woko,
kono biamwonyi me pii oumowa woko lipuk,
5kono omiyo pii otwagge i wiwa.
6Gipwo Rwot,
ma pe omiyowa botgi
macalo riŋo ma myero gukil woko ki lakgi!
7Wabwot woko calo winyo
ma obwot ki i owic pa ladwar; tol owic ocot,
ci wan wabwot!
8Kony ducu ma wamito a ki bot Rwot,
muketo polo ki lobo.
Currently Selected:
Jabuli 124: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
