Icaya 39

Kejekia ojolo lukwena ma gua ki i Babilon

(2 Luker 20.12-19; 2 Tek 32.27-31)

1I kare meno kabaka me Babilon, Merodak-baladan wod pa Baladan, owinyo ni kabaka Kejekia kome lit; ci owcalo lukwena gutero waraga kacel ki mot bote, pien onoŋo doŋ bene owinyo ni twone ocaŋ woko. 2Kejekia ojologi maber, ocako nyuto botgi or kano Limme ducu; guneno ryal ki ‘jabu, aŋwece, moo me wel, ki ot kano jami lwennye ducu, onyuto botgi gin ducu ma onoŋo tye i ot kano jami mere. Pe tye gin mo ma odoŋ ma en pe onyuto botgi ma onoŋo tye i ode ki i lobo ducu ma onoŋo tye i te locce, 3Lacen lanebi Icaya obino bot kabaka Kejekia, openyo ni, “Jo-nu guwacci lok aŋo? Gin kono gua ki kwene?” Kejekia ogamo ni, “Gua i lobo mabor, gua wa i Babilon.” 4Icaya dok openye ni, “Guneno gin aŋo ki i odi?” Kejekia ogamo ni, “Gutyeko neno jami ducu ma tye i oda; pe tye gin mo ma odoŋ ma tye i odi kano limma ma pe anyuto botgi.”

5Icaya dok owaco bot kabaka ni, “Koŋ doŋ iwiny lok ma Rwot me mony owaco: 6Nen ba, kare doŋ cok romo, ma jami ducu ma i odi, ki ma yam kwarini gukano nio wa onyoo, gibiterogi woko wa i Babilon; pe tye gin mo ma bidoŋ kadi ki acel, man Rwot ma owaco. 7#Dan 1.1-7; 2 Luker 24.10-16; 2 Tek 36.10Ki awo beni mogo bene, ma in inywalogi, gibiterogi woko bene, gibikolo mangi woko, ci gidoko lutic i gaŋ kal me Babilon.” 8Kabaka Kejekia oniaŋ ni kuc bibedo tye i kare me locce laboŋo alokaloka mo, meno aye gin mumiyo en owaco bot Icaya ni, “Lok pa Rwot ma iwaco-ni ber mere.”

Currently Selected:

Icaya 39: Aco85

Highlight

Copy

Compare