Icaya 12
12
Wer aryo me pwoyo Rwot
1I nino meno wubiwero ni, “Abipwoyi, ai Rwot,
pien yam cwinyi owaŋ i koma,
kinigani doŋ okwe woko,
ka doŋ ikweyo cwinya.
2 #
Nia 15.2; Jab 118.14 “Nen, Lubaŋa aye Lalarra; abigeno en,
pe dok abibedo ki lworo;
pien Rwot Lubaŋa aye tekka,
ma apako ki wer,
en doŋ odoko lalarra.”
3Wubitwomo pii ki yomcwiny ki i waŋ it me larre.
4I nino meno wubiwero wer ni:
“Wupwo Rwot, wulwoŋ nyiŋe;
wumi lurok guŋe gin ma co doŋ otiyo.
Wutit pire,
ni en Lubaŋa ma nyiŋe malo twatwal.
5“Wuwer wer me pako Rwot,
pien doŋ otiyo ticce ki deyo madit twatwal;
wumi lok man onene i wi lobo ducu.
6Wugo kijira, wuwer bene ki yomcwiny,
wun jo ma wubedo i Cion,
pien ŋat Maleŋ me Icrael dit i kinwu.
Currently Selected:
Icaya 12: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
