Acakki 35
35
Lubaŋa omiyo Yakobo gum i Betel
1 #
Acak 28.11-17
Lubaŋa owaco bot Yakobo ni, “A woko icit i Betel, wek ibed kunnu; dok ican keno tyer kunnu ka ma yam an anen iye boti i kare ma iriŋo ilwi woko ki bot omeru Ecau.” 2Omiyo Yakobo owaco bot jo ma i ode ki jo ducu ma gibedo bote ni, “Wubol lwak cal lubaŋa pa lurok ma wutye kwedgi i kinwu-ni, wulonnye kenwu, wulok ginarukawu; 3ka doŋ waayu, wacitu woko wa i Betel, wek acit acan keno tyer pi Lubaŋa ma yam ogamo doga i nino ma yam can odiŋani, ma obedo kweda i kabedo ducu ma awoto iye.” 4Gumiyo ki Yakobo cal ducu, ki agit ma noŋo tye i itgi bene; ci cal lubaŋa pa lurok ma gitye kwede Yakobo oyikogi piny i te yat kworo ma yam tye cok ki Cekem.
5Ka gitye ka wot, lworo ma oa ki bot Lubaŋa opoto i kom wegi gaŋi ma tye cok kwedgi, omiyo pe gulubo kor awobe pa Yakobo. 6Yakobo otiro i Luj ma en aye Betel, ma tye i lobo Kanaan, en kacel ki lwak dano ducu ma yam gitye kwede. 7Ocano keno tyer kunnu, olwoŋo nyiŋ kabedo meno ni El-betel#35.7 El-betel te lokke Lubaŋa me Betel. pien onoŋo Lubaŋa yam onen iye bote i kare ma olwi oriŋo woko ki bot ominne. 8Debola lapidi pa Labeka oto woko, ci giyike i te yat kworo ma i ŋet Betel; mumiyo nyiŋ kabedo meno gilwoŋo ni Alon-bakut#35.8 Alon-bakut te lokke Kworo me kumo.
9Lubaŋa dok onyutte bot Yakobo i kare ma en oa ki i Paddan-aram, ci omiye gum. 10#Acak 32.28Lubaŋa owacce ni, “Nyiŋi Yakobo; pe dok gibilwoŋo nyiŋi ni Yakobo, ento nyiŋi doŋ bibedo Icrael.” Omiyo nyiŋe odoko Icrael. 11#Acak 17.4-8Lubaŋa dok owacce ni, “An Lubaŋa Matwero-ducu; nywal, inya; rok ki lwak rok mapol bia i komi, ki luker bene gibia ki i komi. 12Lobo ma yam amiyo ki Abraim ki Icaka abimiyo boti, ka dok abimiyo lobo bot likwayi ma gibilubi.” 13Lubaŋa ocako a ki i kabedo ka ma yam oloko iye kwede-ni odok malo. 14#Acak 28.18-19Ci Yakobo ocibo wii i kabedo ka ma oloko iye kwede-ni, ocibo iye wir got; oonyo gityer amata i keme, ka oliyo moo i kome. 15Yakobo ocako nyiŋ kabedo ma Lubaŋa oloko iye kwede-ni ni Betel.
To pa Lakeri
16Gumedde ki wot nia ki i Betel: i kare ma pud Eprat kiborbor, mwoc Ogoyo Lakeri, ci nyodone obedo tek, 17Ka doŋ nyodone obedo tek, dako lacolo owacce ni, “Pe ilwor; tin doki ibinywalo latin laco mukene.” 18I kare ma en to ma cwinye cok ka tum, ocako nyiŋ latinne ni. Benoni; ento wonne ocako nyiŋe ni Benjamin. 19Lakeri oto woko kit meno, ci giyike i yo ma cito Eprat, ma en aye Beterekem. 20Yakobo ocibo wir got i wi lyel pa Lakeri; meno wir lyel pa Lakeri ma pud tye ocuŋ kunnu nio wa i kare man. 21Icrael omedde ki wotte, ogony i ŋe lubele me Eder ma wiye ocudo malo.
Awobe pa Yakobo
(1 Tek 2.1-2)
22 #
Acak 49.4
I kare ma Icrael tye i lobo meno, ci wode Reuben otimo caro, obuto ki ci-wonne Bila ma aŋeca; ci wonne owinyo pire bene.
Yakobo yam tye ki awobene apar wiye aryo, 23Litino awobe pa Lea gin aye Reuben, latin kayo pa Yakobo, Cimeon, Levi, Juda, Icakar ki Jabulon. 24Litino awobe pa Lakeri gin aye Yucepu ki Benjamin. 25Litino awobe pa Bila, aŋeca: pa Lakeri, gin aye Dan ki Naputali. 26Litino awobe pa Jilpa, aŋeca pa Lea, gin aye Gad ki Acer. Meno gin aye litino awobe pa Yakobo ma ginywalogi i Paddan-aram.
To pa Icaka
27 #
Acak 13.18
Yakobo obino bot wonne Icaka i Mamre, i Kiriat-arba, en aye Kebron ka ma yam Abraim ki Icaka gubedo iye. 28Icaka yam ori wi lobo mwaka miya acel ki pyeraboro, 29Icaka oomo cwinye me agikkine, oto woko ci odok oto, lutugi, dano muteggi, ma doŋ oti; ci awobene Ecau ki Yakobo guyiko kome.
Currently Selected:
Acakki 35: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.