Nwoyo Cik 27
27
Cik myero gico i wi got Ebal
1Moses ki ludoŋo pa jo Icrael guciko lwak kun giwacci, “Wu mak cik ducu ma wacikowu kwede tin, 2#Yoc 8.30-32Dok i kom nino ma wuŋolo iye kulu Jordan pi donyo i lobo ma Rwot Lubaŋawu bimiyowu, wubicibo iye kidi madito ci wupuyo komgi ki opuyu. 3Wubicoyo lok me cik magi ducu i kare ma wukato wudonyo i lobo ma Rwot Lubaŋawu bimiyowu, en aye lobo ma mol cak ki moo kic, kit ma Rwot, Lubaŋa pa kwarowu, yam ocikowu kwede-ni. 4Ka wuŋolo loka Jordan, wubicibo kidi-nu gicuŋ i kom got Ebal, kit ma tin acikowu kwede, dok wubipuyo komgi woko ki opuyu. 5#Nia 20.25Wubicano keno tyer kunnu pi Rwot Lubaŋawu, keno tyer ma gicano ki got; pe gitiŋ nyonyo mo me payo komgi. 6Wubitumo gitum awaŋa i wi keno-nu bot Rwot Lubaŋawu, 7ka dok wubityero iye gityer lakwecwiny ma wubicamone ki kunnu, ci cwinywu bibedo yom i nyim Rwot Lubaŋawu, 8Wubicoyo lok me cik man ducu i kom kidi ma wubicibogi kunnu maber ma kwanone yot.”
9Moses ki ajwagi ma Lulevi guwaco ki jo Icrael ducu ni, “Wuliŋ mot, wuwiny, wun jo Icrael. I nino ma tin aye wudoko iye lwak pa Rwot Lubaŋawu. 10Mumiyo doŋ wuwor dog Rwot Lubaŋawu kun wumako cik mere ki gin ma en ociko ducu ma acikowu kwede tin-ni.”
Ceno dano i kom got Ebal
11Moses ociko lwak i nino meno kikome kun wacci, 12#Nwo 11.29; Yoc 8.33-35“Ka doŋ wutyeko kato loka Jordan, jo magi gibicuŋ i wi got Gerijim ka gilamo gum i kom lwak: jo Cimeon, Levi, Juda, Icakar, Yucepu ki Benjamin; 13ki jo magi gibicuŋ i wi got Ebal i kare ma giceno dano: jo Reuben, Gad, Acer, Jabulon, Dan ki Naputali, 14Ci Lulevi gibiwaco lok man bot jo Icrael ducu ki dwan maloŋo ni.
15 #
Nia 20.4; 34.17; Levi 19.4; 26.1; Nwo 4.15-18; 5.8 “‘Cen opot i kom dano ma otiyo cal Jok apaya mo nyo cal jok nyonyo ma giliyo aliya ma gin me kwer bot Rwot,
ma ladiro otiyo ki ciŋe ci ocibo me awora i muŋ.’ Lwak ducu gibigamo ni, ‘Amen.’
16 #
Nia 20.12; Nwo 5.16 “‘Cen opot i kom dano ma pe woro wonne ki minne.’ Lwak ducu gibigamo ni, ‘Amen.’
17 #
Nwo 19.14
“ ‘Cen opot i kom dano ma okobo got ma poko waŋ lobo pa lawote woko.’ Lwak ducu gibigamo ni, ‘Amen.’
18 #
Levi 19.14
“ ‘Cen opot i kom ‘dano ma opaŋo wi lawaŋeoto oweko yo.’ Lwak ducu gibigamo ni, ‘Amen.’
19 #
Nia 22.21; 23.9; Levi 19.33-34; Nwo 24.17-18 “ ‘Cen opot i kom dano ma obalo te pido pa labedo, nyo pa latin kic, nyo pa daa-to oweko lok oloye.’ Lwak ducu gibigamo ni, ‘Amen.’
20 #
Levi 18.8; 20.11; Nwo 22.30 “ ‘Cen opot i kom dano ma obuto ki ci-wonne, pien oketo lewic i kom wonne.’ Lwak ducu gibigamo ni, ‘Amen.’
21 #
Nia 22.19; Levi 18.23; 20.15 “ ‘Cen opot i kom dano ma obuto ki lee mo.’ Lwak ducu gibigamo ni, ‘Amen.’
22 #
Levi 18.9; 20.17 “Cen opot i kom dano ma obuto Ki laminne, kadi nya pa wonne, kadi nya pa minne.’ Lwak ducu gibigamo ni, ‘Amen.’
23 #
Levi 18.17; 20.14 “ ‘Cen opot i kom dano ma obuto ki marone.’ Lwak ducu gibigamo ni, ‘Amen.’
24“ ‘Cen opot i kom dano ma oneko lawote i muŋ ali.’ Lwak ducu gibigamo ni, ‘Amen.’
25“ ‘Cen opot i kom dano ma giwilo ki lim me Labal te pido pa dano ma pe obalo, miyo gineke nono.’ Lwak ducu gibigamo ni, ‘Amen.’
26 #
Gal 3.10
“ ‘Cen opot i kom dano ma pe moko lok ducu me cik man kun lubogi.’ Lwak ducu gibigamo ni, ‘Amen.’
Currently Selected:
Nwoyo Cik 27: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
