2 Temceo 4
4
1Aciki i nyim Lubaŋa ki i nyim Kricito Yecu ma biŋolo kop pa jo makwo ki jo muto, dok pi dwogone ki pi locce, ni meno, 2tit lok pa Lubaŋa, cuŋ iye matek i kare maber ki i kare marac, mi dano guniaŋ maber, jukgi kun idiyo cwinyi i pwony kare ducu. 3Pien kare tye ka bino ma dano doŋ pe biciro pwony me ada, ento itgi bibedo ka yilo ayila, kun gicoko lupwony ma twero pwonyogi ki gin ma gimito winyone. 4Gibiloko ŋegi wek pe giwiny lok ada, kun giŋak woko giwirre i lok ma tere pe. 5Ento in myero ibed ma igwokke i kare ducu; cir can ka opoto i komi, ti tic me tito lok me kwena maber, dok icob ticci ducu kakare.
6An doŋ dano cok neka woko calo gitum me atyera i wi keno tyer; karena doŋ oo me weko lobo man. 7Doŋ atyeko lwenyo lweny maber, atyeko cobo ŋwecca, dok agwoko bene niye. 8Kombeddi doŋ gikano pira mot me kit atir, ma Rwot ma ŋolo kop atir bimiya i Nino maca; pe bota keken, ento bot jo ducu ma doŋ cwinygi tye ka paro pi dwogone bene.
Cik pa Paulo pi jamine mogo
9Tem ki tweroni ducu me bino bota oyotoyot. 10#Kol 4.14; Pile 24; 2 Kor 8.23; Gal 2.3; Tito 1.4 Pien Dema doŋ oweka woko pi maro jami me lobo-ni, ocito gire woko i Tecalonika; Krecen ocito mere i Galatia, ki Tito ocito i Dalmatia. 11#Kol 4.14; Pile 24; Tic 12.12, 25; 13.13; 15.37-39; Kol 4.10; Pile 24 Luka kene aye odoŋ tye kweda kany. Wubin wun ki Marako, pien en ber twatwal dok konya. 12#Tic 20.4; Ep 6.21, 22; Kol 4.7, 8 Tukiko aoro ocito i Epeco. 13#Tic 20.6 Ka ibino, kella ki boŋo ma yam aweko i Teroa tuŋ pa Karpo. Kwokka bene bukka, makatone maca me del ca. 14#1 Tem 1.20; Jab 62.12; Rom 2.6 Alegijanda latet mola otima marac twatwal; Rwot bicule pi timme-nu. 15In bene myero item gwokke i kom nyer-ru, pien en yam opyem ki lokwa matek mada. 16I pidona mukwoŋo, dano mucuŋ pira obedo pe. Jo ducu guriŋo gutenya woko liyak. Lubaŋa myero pe okwan lok man i wigi. 17Ento Rwot ocuŋo ka ŋeta, ka doŋ omiya teko me tuco lok kakare, wek Lurok ducu guwiny; olara kit meno ki i dog labwor. 18Rwot bikonya miyo aa woko ki i gin maraco ducu, kun lara wek ao i kerre me polo. Deyo obed bote nakanaka. Amen.
Mot me agikki
19 #
Tic 18.2;
2 Tem 1.16, 17 Mot Pricika gin ki Akwila, ki jo me ot pa Oneciporo. 20#Tic 19.22; Rom 16.23; Tic 20.4; 21.29 Eracto mere yam odoŋ i Korint; Tropimo aweko two i Mileto. 21Ket tek io ma kare me koyo peya ocakke. Yubulo omoti, kadi ki Puden ki Lino, ki Kalaudia, kacel ki utmegiwa ducu.
22Rwot obed kwedi. Kicane obed kwedwu.
Currently Selected:
2 Temceo 4: Aco85
Highlight
Share
Compare
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
