رِسَالَةْ تِيطُسْ 3
3
الْفَصْلْ التَّالْتْ
كِيفَاشْ خَاصّْ يْكُونُو الْمَسِيحِيِّينْ
1فَكّْرْ الْمُومْنِينْ يْخَضْعُو لْلْرُّؤَسَا وْلْصْحَابْ السُّلْطَة وْيْطِيعُوهُمْ، وْيْكُونُو دِيمَا مُوجُودِينْ يْدِيرُو أَعْمَالْ الْخِيرْ. 2وْمَا يْسَبُّو حْتَّى وَاحْدْ، وْمَا يْتّْخَاصْمُوشْ، وَلَكِنْ يْكُونُو ضْرِيّْفِينْ وْمْزْيَانِينْ مْعَ ݣَاعْ النَّاسْ. 3حِيتْ حْتَّى حْنَا كْنَّا مْنْ قْبَلْ حْمَّاقْ، مَا كَنْطِيعُو حَدّْ، مُّوضّْرِينْ، وْكْنَّا عْبِيدْ لْلشَّهَوَاتْ وْلْبْزَّافْ دْ الْمَلَدَّاتْ، عَايْشِينْ فْالنِّفَاقْ وْالْحْسَدْ، وْحْتَّى حَدّْ مَا كَانْ كَيْبْغِينَا، وْكْنَّا كَنْكَرْهُو بْعْضِيَّاتْنَا. 4وَلَكِنْ مْلِّي بَانْ لُطْفْ اللَّهْ مُنَجِّينَا، وْمْحَبّْتُه لْلنَّاسْ، 5نْجَّانَا مَاشِي عْلَى وْدّْ الْأَعْمَالْ الْمْزْيَانَة اللِّي دْرْنَاهَا، وَلَكِنْ بْالرَّحْمَة دْيَالُه، وْبْالْمَعْمُودِيَّة عْطَانَا حَيَاةْ جْدِيدَة وْجَدّْدْنَا بْالرُّوحْ الْقُدُسْ 6اللِّي فَاضْ عْلِينَا بْالْكْتْرَة بْفْضَلْ يَسُوعْ الْمَسِيحْ مُنَجِّينَا. 7بَاشْ حْتَّى إِلَا وْلِّينَا مْتَّاقْيِينْ اللَّهْ بْالنِّعْمَة دْيَالُه، نْوَرْتُو الْحَيَاةْ الدَّايْمَة بْالرّْجَا. 8هَادْ الْكْلَامْ رَاهْ صَادْقْ. وْنْبْغِيكْ تْأَكّْدْ عْلَى هَادْ الْأُمُورْ بَاشْ هَادُوكْ اللِّي آمْنُو بْاللَّهْ يْدِيرُو أَعْمَالْ الْخِيرْ. هَادْ الْأُمُورْ رَاهَا مْزْيَانَة وْغَتْنْفَعْ النَّاسْ. 9وَلَكِنْ خَاصّْكْ تْبَعّْدْ عْلَى الْهَضْرَة الْخَاوْيَة وْمَا تْدِّيهَاشْ فْالْأَصْلْ دْيَالْ الجّْدُودْ، وْفْالْمْضَارْبَاتْ وْالْمْخَاصْمَاتْ عْلَى وْدّْ الشّْرَعْ، حِيتْ هَادْشِّي مَا كَيْنْفَعْشْ وْمَا عَنْدُه فَايْدَة. 10وْهَادَاكْ اللِّي كَيْفَرّْقْ بِينْ النَّاسْ، نَبّْهُه الْمَرَّة اللّْوّْلَى وْالتَّانْيَة، وْمْنْ بَعْدْ تّْفْرَقْ عْلِيهْ. 11رَاكْ عَارْفْ بْلِّي بْحَالْ هَادَا خْرَجْ عْلَى طْرِيقْ الْحَقّْ وْكَيْدِيرْ الدّْنُوبْ، وْرَاهْ حْكَمْ عْلَى رَاسُه بْرَاسُه.
الْوْصِيَّاتْ اللّْخْرِينْ لْتِيطُسْ
12وْمْلِّي نْصِيفْطْ لِيكْ أَرْتِيمَاسْ وْلَا تِيخِيكُسْ، دِيرْ جَهْدْكْ بَاشْ تْجِي عَنْدِي لْنِيكُوبُولِيسْ، حِيتْ رَانِي قَرّْرْتْ نْدَوّْزْ الشّْتْوَا تْمَّ.#الاعمال 20:4؛ أفسس 6:21،22؛ كولوسي 4:7،8؛ 2تيموتاوس 4:12 13دِيرْ جَهْدْكْ بَاشْ تْعَاوْنْ زِينَاسْ عَالِمْ الشّْرَعْ وْأَبُلُّوسْ يْوَجّْدُو لْلسّْفَرْ، بَاشْ حْتَّى حَاجَة مَا تّْخَصّْهُمْ.#الاعمال 18:24؛ 1كورنتوس 16:12 14وْرَاهْ خَاصّْ الْمُومْنِينْ دْيَالْنَا حْتَّى هُمَ يْتّْعَلّْمُو يْدِيرُو خْدْمَة مْزْيَانَة بَاشْ يْرَبْحُو دَاكْشِّي اللِّي كَيْحْتَاجُو لِيهْ، وْهَكَّا مَا غَتْكُونْشْ حْيَاتْهُمْ بْلَا فَايْدَة. 15ݣَاعْ النَّاسْ اللِّي مْعَايَ كَيْسَلّْمُو عْلِيكْ. سَلّْمْ عْلَى اللِّي كَيْبْغِيوْنَا فْالْإِيمَانْ.
وْالنِّعْمَة دْيَالْ اللَّهْ تْكُونْ مْعَاكُمْ كُلّْكُمْ.
Currently Selected:
رِسَالَةْ تِيطُسْ 3: MSTD
Highlight
Share
Copy
Want to have your highlights saved across all your devices? Sign up or sign in
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved
رِسَالَةْ تِيطُسْ 3
3
الْفَصْلْ التَّالْتْ
كِيفَاشْ خَاصّْ يْكُونُو الْمَسِيحِيِّينْ
1فَكّْرْ الْمُومْنِينْ يْخَضْعُو لْلْرُّؤَسَا وْلْصْحَابْ السُّلْطَة وْيْطِيعُوهُمْ، وْيْكُونُو دِيمَا مُوجُودِينْ يْدِيرُو أَعْمَالْ الْخِيرْ. 2وْمَا يْسَبُّو حْتَّى وَاحْدْ، وْمَا يْتّْخَاصْمُوشْ، وَلَكِنْ يْكُونُو ضْرِيّْفِينْ وْمْزْيَانِينْ مْعَ ݣَاعْ النَّاسْ. 3حِيتْ حْتَّى حْنَا كْنَّا مْنْ قْبَلْ حْمَّاقْ، مَا كَنْطِيعُو حَدّْ، مُّوضّْرِينْ، وْكْنَّا عْبِيدْ لْلشَّهَوَاتْ وْلْبْزَّافْ دْ الْمَلَدَّاتْ، عَايْشِينْ فْالنِّفَاقْ وْالْحْسَدْ، وْحْتَّى حَدّْ مَا كَانْ كَيْبْغِينَا، وْكْنَّا كَنْكَرْهُو بْعْضِيَّاتْنَا. 4وَلَكِنْ مْلِّي بَانْ لُطْفْ اللَّهْ مُنَجِّينَا، وْمْحَبّْتُه لْلنَّاسْ، 5نْجَّانَا مَاشِي عْلَى وْدّْ الْأَعْمَالْ الْمْزْيَانَة اللِّي دْرْنَاهَا، وَلَكِنْ بْالرَّحْمَة دْيَالُه، وْبْالْمَعْمُودِيَّة عْطَانَا حَيَاةْ جْدِيدَة وْجَدّْدْنَا بْالرُّوحْ الْقُدُسْ 6اللِّي فَاضْ عْلِينَا بْالْكْتْرَة بْفْضَلْ يَسُوعْ الْمَسِيحْ مُنَجِّينَا. 7بَاشْ حْتَّى إِلَا وْلِّينَا مْتَّاقْيِينْ اللَّهْ بْالنِّعْمَة دْيَالُه، نْوَرْتُو الْحَيَاةْ الدَّايْمَة بْالرّْجَا. 8هَادْ الْكْلَامْ رَاهْ صَادْقْ. وْنْبْغِيكْ تْأَكّْدْ عْلَى هَادْ الْأُمُورْ بَاشْ هَادُوكْ اللِّي آمْنُو بْاللَّهْ يْدِيرُو أَعْمَالْ الْخِيرْ. هَادْ الْأُمُورْ رَاهَا مْزْيَانَة وْغَتْنْفَعْ النَّاسْ. 9وَلَكِنْ خَاصّْكْ تْبَعّْدْ عْلَى الْهَضْرَة الْخَاوْيَة وْمَا تْدِّيهَاشْ فْالْأَصْلْ دْيَالْ الجّْدُودْ، وْفْالْمْضَارْبَاتْ وْالْمْخَاصْمَاتْ عْلَى وْدّْ الشّْرَعْ، حِيتْ هَادْشِّي مَا كَيْنْفَعْشْ وْمَا عَنْدُه فَايْدَة. 10وْهَادَاكْ اللِّي كَيْفَرّْقْ بِينْ النَّاسْ، نَبّْهُه الْمَرَّة اللّْوّْلَى وْالتَّانْيَة، وْمْنْ بَعْدْ تّْفْرَقْ عْلِيهْ. 11رَاكْ عَارْفْ بْلِّي بْحَالْ هَادَا خْرَجْ عْلَى طْرِيقْ الْحَقّْ وْكَيْدِيرْ الدّْنُوبْ، وْرَاهْ حْكَمْ عْلَى رَاسُه بْرَاسُه.
الْوْصِيَّاتْ اللّْخْرِينْ لْتِيطُسْ
12وْمْلِّي نْصِيفْطْ لِيكْ أَرْتِيمَاسْ وْلَا تِيخِيكُسْ، دِيرْ جَهْدْكْ بَاشْ تْجِي عَنْدِي لْنِيكُوبُولِيسْ، حِيتْ رَانِي قَرّْرْتْ نْدَوّْزْ الشّْتْوَا تْمَّ.#الاعمال 20:4؛ أفسس 6:21،22؛ كولوسي 4:7،8؛ 2تيموتاوس 4:12 13دِيرْ جَهْدْكْ بَاشْ تْعَاوْنْ زِينَاسْ عَالِمْ الشّْرَعْ وْأَبُلُّوسْ يْوَجّْدُو لْلسّْفَرْ، بَاشْ حْتَّى حَاجَة مَا تّْخَصّْهُمْ.#الاعمال 18:24؛ 1كورنتوس 16:12 14وْرَاهْ خَاصّْ الْمُومْنِينْ دْيَالْنَا حْتَّى هُمَ يْتّْعَلّْمُو يْدِيرُو خْدْمَة مْزْيَانَة بَاشْ يْرَبْحُو دَاكْشِّي اللِّي كَيْحْتَاجُو لِيهْ، وْهَكَّا مَا غَتْكُونْشْ حْيَاتْهُمْ بْلَا فَايْدَة. 15ݣَاعْ النَّاسْ اللِّي مْعَايَ كَيْسَلّْمُو عْلِيكْ. سَلّْمْ عْلَى اللِّي كَيْبْغِيوْنَا فْالْإِيمَانْ.
وْالنِّعْمَة دْيَالْ اللَّهْ تْكُونْ مْعَاكُمْ كُلّْكُمْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved