WID-ŊAYAYTA 4
4
Zlamda-mulda vi Lawna hiɗi sum sa wuralawna
1Bugol slen kayni, nan ɗuwa, nan wi vun-galana hay wuralawna kep mali goyo. Del ma jewna ma nan humumna ki togolomna ma buwna nala, nam ka di tan ala: Jikaŋay kulo tani, nan min ɗekaŋ kay sle ma min li vokayna.
2Wulini wulini Ŋusta slan kulo'o, nan wi zlamda-mulda kep hay wuralawna. Sa kep ka musi kay zlamda-mulda na'ta dam'. 3Sa ma musi kay zlamda-mulda tuwam ay ki hiɗiyn Yaspis hiɗi Sardiyus nala, kelkedekŋa ay ŋuyi tam zlamda-mulda na'ta, nam ki hiɗiyna emerode nala.
4Zlamayn-mulda dok-ma' yam fiɗi ka ŋuyi tam zlamda-mulda na'ta. Sum sa maariyana dok-ma' yam fiɗi kaw ka lakay kay zlamayn-mulda namna, nisi cuki hiɗi sligar ma haɓna, bogoray ma ora ka tuni kisiya.
5Goy tam zlamda-mulda na'ta pa, wileta kalay goyo, della hiɗi niy ma bayna kalay goy kaw. Vok zlamda-mulda, fitilla siɗiya ka ŋal dono'o, kayni mi ŋusiyan ma siɗiyana vi Lawna.
6Vok zlamda-mulda, ay niy-lumna ma ŋolla ma ciliŋ ciliŋ ki kristal#4:6 Kristal kayni mi va ma ɗuw ki glasna nala nala. Jar zlamda-mulda, ŋuyi tam zlamda-mulda kaw, slen ma irina ka fiɗi, hobay hiɗi ira cep-cep', vokom lay bugolom lay.
7Va ma irina ma jewna ki zlona nala, va ma irina ma ma'na ki goor-putna nala, va ma irina ma ɦidina ki vok ir sana nala, va ma irina ma fiɗina ki bakŋa ma ka foki kulo jaŋŋa nala. 8Sle ma irina ma fiɗina ka hiɗi gilaŋatam karkiya karkiya kaf, tuwam kaf ŋuyi hiɗi ira, war-digam kalaf nala lay. Hay henjeta hiɗi falayt kaf nam ka di ala: Peldete, peldete, peldete mi Bum-Sumuna Lawna, ma Gaŋeraŋ-Petna, ma aya, ma ka'a, ma min ma'a kaw.
9Hay li ma sle ma irina vul gajijita hiɗi suburta hiɗi gi deɓta mi nam ma musi kay zlamda-mulda, nam ma ka iriya hay vatɗita vatɗita, hay na'ta sa maariyana dok-ma' yam fiɗi girif gaa'a vok nam ma ka musi kay zlamda-mulda, gi deɓ mi nam ma ka iriya ta-ta hay vatɗita vatɗita, 10nisi cuk bogorayna visi gaa vok zlamda-mulda di'e: 11Bum-Sumuna hiɗi Lawna vuma'a, naŋ nagawa kay fi gajijita hiɗi ŋolda, hiɗi gaŋeraŋa, kay naŋ mi ma kot slen kafna. Slen ka hay nagat kayni kuɗ minda vaŋu, kuɗ minda vaŋu slen kotiya kaw.
Currently Selected:
WID-ŊAYAYTA 4: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
WID-ŊAYAYTA 4
4
Zlamda-mulda vi Lawna hiɗi sum sa wuralawna
1Bugol slen kayni, nan ɗuwa, nan wi vun-galana hay wuralawna kep mali goyo. Del ma jewna ma nan humumna ki togolomna ma buwna nala, nam ka di tan ala: Jikaŋay kulo tani, nan min ɗekaŋ kay sle ma min li vokayna.
2Wulini wulini Ŋusta slan kulo'o, nan wi zlamda-mulda kep hay wuralawna. Sa kep ka musi kay zlamda-mulda na'ta dam'. 3Sa ma musi kay zlamda-mulda tuwam ay ki hiɗiyn Yaspis hiɗi Sardiyus nala, kelkedekŋa ay ŋuyi tam zlamda-mulda na'ta, nam ki hiɗiyna emerode nala.
4Zlamayn-mulda dok-ma' yam fiɗi ka ŋuyi tam zlamda-mulda na'ta. Sum sa maariyana dok-ma' yam fiɗi kaw ka lakay kay zlamayn-mulda namna, nisi cuki hiɗi sligar ma haɓna, bogoray ma ora ka tuni kisiya.
5Goy tam zlamda-mulda na'ta pa, wileta kalay goyo, della hiɗi niy ma bayna kalay goy kaw. Vok zlamda-mulda, fitilla siɗiya ka ŋal dono'o, kayni mi ŋusiyan ma siɗiyana vi Lawna.
6Vok zlamda-mulda, ay niy-lumna ma ŋolla ma ciliŋ ciliŋ ki kristal#4:6 Kristal kayni mi va ma ɗuw ki glasna nala nala. Jar zlamda-mulda, ŋuyi tam zlamda-mulda kaw, slen ma irina ka fiɗi, hobay hiɗi ira cep-cep', vokom lay bugolom lay.
7Va ma irina ma jewna ki zlona nala, va ma irina ma ma'na ki goor-putna nala, va ma irina ma ɦidina ki vok ir sana nala, va ma irina ma fiɗina ki bakŋa ma ka foki kulo jaŋŋa nala. 8Sle ma irina ma fiɗina ka hiɗi gilaŋatam karkiya karkiya kaf, tuwam kaf ŋuyi hiɗi ira, war-digam kalaf nala lay. Hay henjeta hiɗi falayt kaf nam ka di ala: Peldete, peldete, peldete mi Bum-Sumuna Lawna, ma Gaŋeraŋ-Petna, ma aya, ma ka'a, ma min ma'a kaw.
9Hay li ma sle ma irina vul gajijita hiɗi suburta hiɗi gi deɓta mi nam ma musi kay zlamda-mulda, nam ma ka iriya hay vatɗita vatɗita, hay na'ta sa maariyana dok-ma' yam fiɗi girif gaa'a vok nam ma ka musi kay zlamda-mulda, gi deɓ mi nam ma ka iriya ta-ta hay vatɗita vatɗita, 10nisi cuk bogorayna visi gaa vok zlamda-mulda di'e: 11Bum-Sumuna hiɗi Lawna vuma'a, naŋ nagawa kay fi gajijita hiɗi ŋolda, hiɗi gaŋeraŋa, kay naŋ mi ma kot slen kafna. Slen ka hay nagat kayni kuɗ minda vaŋu, kuɗ minda vaŋu slen kotiya kaw.
BIBALDA TA PELDETTA © L'Alliance Biblique du Cameroun, 2001